2 Kyetsinyinga 9:6 - KITABU KITAKATIFU

⁶ Si ndasuuvira agavambolera mba kuduuka lwa inzi mwene ndaaza kolola. Kali sindaali nindahulira inusu yu vogeri vuvwo mba. Ivi oveeye mugeri ligali kuvita kuli avandu vavoola.

2 Kyetsinyinga 9:6 ပူးပေါင်းရင်းမြစ်များ

1 Avami 10:7

Navuzwa sindaali nyara kusuuvira kuduuka lwa nzizi nokwelolera goosi inzi mwene mba. Navuzwa kali sindahulira kali inusu yago mba; vogeri vuvwo kandi nuvutugi vuvwo voveeye vunene ligali kuvita ga ndavoolerwa!

1 Avami 4:31

Yaali mugeri ligali kuvita avandu vandi vosi; mugeri kuvita Ezani kutura mu kivala cha Ezarahi, kandi Hemani, Kalikoli, na Darida, avayaayi va Maholi, kandi Lusuma lwu vukumi vwivwe lwalanda hoosi muvivala viali muvotende.

1 Avami 4:34

Avami vanene mu lirova liosi vahulira makuva govogeri vwivwe kandi nivatuma avandu kuzia kumuhuliriza.

2 Kyetsinyinga 9:5

Mwami wi kikali wa Sheba yavolera mwami Solomoni, “Amakuva ga ndahulira mu kivala change kigira ivi nu vogeri vuvwo gaveeya gagiligali!

2 Kyetsinyinga 9:7

Vaveeye nu vugasu avandu vovo, vaveeye nu vugasu avatumikiri vovo, avasingiraa imbiri woovo vuli kazozo nu kuhulira ovogeri vuvwo!

Zaburi 31:19

Vindu vilahi via uvikiraa yavo avakoheezaa luyali viveeye viokogenyia. Avandi vosi vamanya ndi ivi oveeye mulahi ligali kandi ukingaa yavo avakusuuviraa.

Zekaria 9:17

Kivala kilakave kilahi kandi chu kuyaanziza ligali kuli ndi vayaayi vasoleri valakaviluki ni zinguru kigira vuswage, vakana valakaviluki kigira iwaini imbia.

1 Vakorintho 2:9

Navuzwa kuli Mang'oda Matakatifu gavoora, “Kindu chu mundu yavula kolola anoho kuhulira, kindu chu mundu yavula kuganagana kilekoleka, nicho kindu zana cha Nyasaye, yeetegekizira yavo ava muyanzaa.”

1 Yohana 3:2

Avalina avayaanze vange, kalunu koveeye avana va Nyasaye, navuzwa gakiri kumanyikana havulavu kuli kunyi kuliiva. Navuzwa kumanya ndi lwa Kristo aliloleka kulakave kuliye, kigira kulakamulole kuli aveeye.