2 Kyetsinyinga 9:4 - KITABU KITAKATIFU

⁴ ni viukulia vilahi vialetwa komesa, likaala lia vanene, ni lidenda lia vatumikiri veve, ni lieviika liavo, ni vihaanwa viu kusamba via yahaana mu Litembeli lia Yahova, maku mwami wi kikali wa Sheba yaali ni ligenya linene ligali.

2 Kyetsinyinga 9:4 ပူးပေါင်းရင်းမြစ်များ

1 Avami 10:5

Yalora viukulia vialetwa ku mesa yeeye, zinyumba ziokomenya zia vatumikiri veve, lilohiza lia vayinziri vu munyumba yu vwami, kandi zinguvu ziafanana zia viviika, vatumikiri vamutumikira ing'inga ya masavo, kandi nisiuviliru via yahaana mu Litembeli. Gamukola ahugi nokogenya ligali.

1 Avami 5:2

Solomoni yiranyia makuva yaga ku Huramu:

1 Avami 5:3

“Ivi umanya vulahi ndi vulwani vwa baba wange Daudi yaali navwo kutura ku zimbega ziosi, siyaali anyala kwumbakira Yahova Nyasaye weve Litembeli kuduuka lwa Yahova yamukolaa aguuti vasigu veve vosi.

2 Avami 16:18

Kandi kulwukuyaanziza mwami wa Asiria, Ahazi kandi yaatuliza mu Litembeli ahadiguluku ahumbakirwa endeve yu vwami kuvikwa ku kandi nahana inzira yu mwami yingiliraa mu Litembeli.

1 Kyetsinyinga 9:18

Kutura ing'inga yene yeyo avandu vi zihiiri ziavo vaviikwa mu vwingiliru vwi Ivugwi vwi kirivwa chu mwami. Yava nivo avaari avalindi vi Kirivwa cha hokososa ha vandu va Levi.

2 Kyetsinyinga 23:13

Hene yaho yalora mwami muhia ha vwingiliru vwi Litembeli, nasingiyi ha itiiru yaalomberwa avami, kandi nakumbiriziywi na vanene vi liihi harara na vakubi vi visiriva. Avandu vosi vaali nivahanzuka nuvusangali vonene ligali kandi nivakubaa visiriva na vimbi vumu litembeli niviju viavo viu kwimba nivimiriyi zinyimbu zielizominya. Yatandula zinguvu zizie mu linyang'ana nilivihilirwa kandi nahanzuka, “Uvwibaali! Uvwibaali!”

2 Kyetsinyinga 9:3

Lwu mwami wikikali wa Sheba yahulira vogeri vwu mwami Solomoni, nalora inyumba yu vwami ya yaali ni yumbaki,

2 Kyetsinyinga 9:5

Mwami wi kikali wa Sheba yavolera mwami Solomoni, “Amakuva ga ndahulira mu kivala change kigira ivi nu vogeri vuvwo gaveeya gagiligali!

Nehemia 1:11

O, Yahova, hulira lisaala liange kandi lisaala lia vatumikiri vovo vosi avenyaa kuhaana luyali ku ivi. Yaanza ungasize kalunu, inzi mutumikiri woovo, okole mwami ambeere zimbavasi.” Mu madiku yago ndaali musingiliri wi iwaini yu mwami.

Zaburi 119:81

O, Yahova, nduhi ligali nindiliraa ivi ombonyie, mbikaa lisuuvira liange mu likuva liilio.

Zaburi 143:7

O, Yahova, yaanza undivuliri kalunu ndi! Mali kogotiza lisuuviriza liange liosi. Utiivisa umwene kutura ku inzi mba, gase ndava kuli yavo aviikaa mu kilindwa.

Tsing'ano 9:5

“Muuzi, mulie chukulia change kandi munwi iwaini yamali kuzuganyamu mudarasini.

Lwimbu lwa Solomoni 5:8

Munyi vakali va Jerusalemi, musuuvirizii; niiva mulanyola muyanze wange, mumuvolere ndi mbeeye mudedekere kigira vuyanzi.

Ezekieli 44:3

Umwami yeng'ine anyala kuzia kwikala mukirivwa yiki nukulia chukulia imbiri wange. Alingira kuvitira mu keng'oze chu vwingiliru, kandi alatula ichova kuvitira munzira ndala inzere.”

Ezekieli 46:2

Mwamihi wamihaa nazie kutura mu mugizi gwi ichova kuduuka mu vwingiliru vwe keng'oze kuvitira mu kilivwa kandi nasingili ha misaala ji kirivwa lwa avasaalisi vasamba visiuviliru viavo kandi kuhaana isadaka yeeye yi mirembe. Ha kirivwa yaho kuduuka yasigamiri ma azie ichova kandi. Kirivwa kitahanwa mba kuduuka hamugorova.

Danyeli 10:17

Mbeeye kuli mutugwa imbiri wu munene weve; nyalandi komoloma ku ivi? Zinguru ni mieka jange jifeye.”

Matayo 6:29

Navuzwa muvooleraa, kali Solomoni mwene mu vukumi vwivwe ziosi siyaviikwa ku zinguvu zindahi kuli lilala ku madanya yaga mba.

Luka 12:37

Vaveeye nuvugasu avatumikiri yavo avu Mwami alinyoora nivahenza kandi nivetegeki lwa aliiza. Agiligali muvooleraa, Mwami oyo aliviika vulahi, na alavikaliza ku viukulia komesa nukuvatumikira.

Likunula 1:17

Lwa ndaamulola, ndaagwa havirenge vivie kuli mukuzu. Yavika mukono gwigwe mulungi ku inzi, navoora, “Utatia mba! Mbeeye wukutanga kandi wu kumaliriza.

Likunula 3:20

Henza, singiyi ha kiliango nzigulihizaa. Umundu woosi naava naahulira mwoyo gwange nukunzigulira kiliango, ndingira munyumba yeeye, nduuki kulia harara naye kandi naye alie harara ninzi.