2 Kyetsinyinga 9:29 - KITABU KITAKATIFU

²⁹ Vindu vindi viosi via Solomoni yakola, miyinzi jije kutura mu litanga kuduuka ku limalirika, viangiodwa mu kitabu cha makuva gu muporofeti Nazani, mu voporofeti vwa Ahija wa Shilo, kandi mu malola gu muporofeti Ido kandi mu makuva gu vwamihi vwu mwami Jeroboamu wa Isiraeli.

2 Kyetsinyinga 9:29 ပူးပေါင်းရင်းမြစ်များ

2 Samweli 12:1

Yahova yatuma muporofeti Nazani ku Daudi. Nazani yazia kuye navoora, “Vaali ho avasaza vaviri avamenyaa mu lidaala lilala; mulala yaali mutugi nuwundi yaali mudaka.

2 Samweli 12:25

kandi nalaga muporofeti Nazani kugulika mwana oyo Jedidia, kigira Yahova yamuyanza.

1 Avami 1:8

Navuzwa musaalisi Zadoku, Benaya muyaayi wa Jehoyada, muporofeti Nazani, Shimei, Rei, harara na avasikari vukulinda Daudi sivali ku lovega lwa Adonija mba.

1 Avami 11:26

Mundu wundi wagirung'ana Mwami Solomoni yaali mulala ku vimiliri veve, yaali Jeroboamu muyaayi wa Nebati, kutura mu lidaala lia Zeredahi mu kivala cha Efuraimu. Mama weve yaali mukunzakali walangwa Zerua.

1 Avami 11:29

Lidiku lilala, lwa Jeroboamu yaali naatulanga Jerusalemi, muporofeti Ahija, kutura mu lidaala lia Shilo, yagana naye kunzira mu milimi, niyiviiki iganza imbia.

1 Avami 14:2

Jeroboamu yavolera mukali weve, “Mwaza, yigirung'anyie wekole munduwundi kunangwa mundu uvuli kumanyikana ndi oveeye mukali wange, na uzie Shilo, wu muporofeti Ahija amenyaa, kigira niyie wavoola ndi inzi ndava mwami wa Isiraeli.

1 Kyetsinyinga 29:29

Makuva ga kale gu mwami Daudi kutura mu litanga kuduuka ku keheri, gang'odwa mu kitabu cha makuva ga vaporofeti vavaga: Samweli, Nazani na Gadi.

2 Kyetsinyinga 10:2

Lwa Jeroboamu muyaayi wa Nebati, uwaali niyaazia Egebeti kwiruka kutura ku mwami Solomoni, yahulira makuva yaga, yirana yengo.

2 Kyetsinyinga 12:15

Vikolwa via Rehoboamu kutura mu litanga kuduuka ku keheri, kandi amakuva gang'odwa ga vinyumba yeeye ganyolekanga mu vitabu via makuva ga kale gu muporofeti Shemaya kandi vitabu via makuva ga kale gu Muporofeti Ido. Rehoboamu na Jeroboamu vamenya mu vulwani vuli ing'inga.

2 Kyetsinyinga 13:22

Amakuva ga kale ga Abija, aga yavoola, zinzira zizie kandi aga yakola, gang'odwa mu vitabu via makuva ga kale gu Muporofeti Ido.