2 Kyetsinyinga 8:13 - KITABU KITAKATIFU

¹³ Yahaana vihaanwa viu kusamba kolondekana na malago gi lilaga lia Musa kigira vuli lidiku litakatifu lie lisabato, mweli muhia gwa masavo gi migadi jitali na mamera, amasavo gi ligesa, kandi amasavo gi vidioli.

2 Kyetsinyinga 8:13 ပူးပေါင်းရင်းမြစ်များ

1 Avami 9:25

Haali kavaga ku muhiga, Solomoni yahaana vihaanwa viu kusambwa kandi vihaanwa vie mirembe ku vwali vwa yaali ni yumbakiyi Yahova. Yasambira Yahova vimuli. Nindio, lwa yamala kwumbaka Litembeli.

2 Kyetsinyinga 2:3

Solomoni yatuma makuva ku Mwami Huramu wa Tiro: “Yaanza kola likiranyia nainzi kuli wakola na baba wange mwami Daudi, lwa wamugulizira misaala ji Midaragwa ju kwumbakira inyumba yeeye yu vwami.

Nehemia 8:17

Avandu vosi avaari nivaazi kutura mu lihaminywa vumbaka madiri kandi nivamenya mugo. Yiyi yaali ing'inga yukutanga ya iliilia lia madiri liakolwa kutura ing'inga ya Joshua muyaayi wa Nuni, na avandu vosi va Isiraeli vaali nuvusangali vonene ligali.

Kutwula 34:22

“Mulinda nukwizuliza Lisavo lie Ligesa lwa mutanga kogesa viukulia viukutanga vie ingano, kandi mwizurizi nukulinda Lisavo lia madiri mu ing'inga ya muvungiza makuyu ginyu.

Kutwula 34:23

“Avasaza vosi kuduuka vaze kusigamira Yahova, Nyasaye wa avandu va Isiraeli, haali kavaga ku muhiga.

Ezekieli 45:17

Gulava muyinzi gwu mwamihi kuhaana vihaanwa viu kusambwa, vihaanwa viu vuswage kandi vihaanwa vie iwaini ku ihiiri yoosi ya Isiraeli ku ing'inga ya masavo gu Mweli Muhia, Lisabato kandi masavo gandi. Kandi alahaana vihaanwa viu vwoni, vihaanwa viu vuswage, vihaanwa viu kusambwa, kandi vihaanwa vie mirembe kunangwa vandu va Isiraeli vaduuki kusamifwa uvwoni vwavo.”

Kwidzulitsa 16:16

Avasaza vosi vi ihiiri yinyu kuduuka vaze kusigamira Yahova, Nyasaye winyu haali kavaga ku muhiga havundu harara hukusigamira ha Yahova yatovola, ku ing'inga yi lisavo lie Lipasaka, lie Ligesa kandi lisavo lie Vidioli. Vuli musaza kuduuka aleete kihanwa, vataaza imbiri wa Yahova makono meere mba.