2 Kyetsinyinga 7:14 - KITABU KITAKATIFU

¹⁴ niiva vasaala ku inzi nukwiganira kandi vagirung'ane kutura ku vudamanu vwa vakolangi, maku nda vahulira mwigulu nu kusamiiha uvwoni vwavo, nokokola kivala chavo keve nilizizagilira lilahi imbiri niligasizwa.

2 Kyetsinyinga 7:14 ပူးပေါင်းရင်းမြစ်များ

2 Kyetsinyinga 20:3

Hene yaho mwami Jehoshafati yaali nu vuti ma niyenya uvulariri vwa Yahova. Mwami Jehoshafati yalandiza lilaga lio kohonga lilia mu Ivuyuda mwosi.

2 Kyetsinyinga 20:4

Kutura mu madaala manene goosi gi Ivuyuda, avandu vosi vazia vwangu ku Yahova mu Jerusalemi kwenya ovokonyi.

2 Kyetsinyinga 6:27

O, Yahova, hulira lisaala liavo mwigulu ma usamihi uvwoni vwa vatumikiri vovo, avandu va Isiraeli ma uviigize vakole agaveeye malungi. Hene yaho, O, Yahova, tuma imbura ku kivala chicho cha waha avandu vovo kuli miandu ji mihiga ni mihiga.

2 Kyetsinyinga 6:30

Huliriza lisaala liavo kutura hango hoho mwigulu, ma uvasamihi. Ivi weng'ine umanya zing'anagani zia vuli mwoyo gwu mundu. Kolera vuli mundu sa mulala kuli adukanaa akolerwe,

2 Kyetsinyinga 6:33

huliliza kutura mwigulu ho vomenyo vuvwo, ma okole goosi kolondekana na agumugeni akusaala umukole; kuduuka avandu vosi avaveeye mu lirova vaduuki kumanya lieta liilio nu kutia ivi, kuli vandu va Isiraeli vaatia nu kuhulira. Na ndio, vandu yava vaduuki kumanya ndi, Litembeli yili iliamali kwumbaka lilangangwa ku lieta liilio

Zaburi 27:8

Lwa ivi wavoola, “Hamba usigamire,” Ndaativura, O, Yahova, “Ndaaza.”

Zaburi 60:2

Ivi umali kokora kivala kedegere, kandi umali kukekola chadikane; kalunu, ohonyie zingwagu zialio kigira limali kuchatanyia.

Tsing'ano 28:13

Mundu uvisaa vwoni vwivwe si alagasizwa mba, navuzwa oyo wiyama no koleka vwoni alanyoola zimbavasi kutura ku Nyasaye.

Isaya 45:19

Simbolaa amakuva gange mu vwivisu mba, anoho kutura mu kivala chi kisundi mba. Sindenya avandu va Isiraeli konyenya ha vundu heere vuzwa mba. Inzi mbeeye Yahova, kandi mboraa agiligali kandi nandizaa amalungi.”

Isaya 59:20

Yahova avooreraa avandu va Isiraeli, “Ndaza ku Jerusalemi kuli umuhonyi, okohonyia kandi kukinga visukululwi via Yakobo, avagirung'ana kutura ku vwoni vwavo.

Isaya 63:19

Kumali kugwa kuli yavo ava ivi wavula kwamiiha kali hakuzu, kandi kuli avandu avavura kulangwa ku lieta liilio.

Jeremia 14:9

Kigira ki oveeye kuli mundu oveeye mu ligenya, kuli musikari utaveeye ni zinguru kokonya? O, Yahova, ligali ivi oveeye harara ni kunyi! Kunyi koveeye avandu vovo; utakoleka mba.’ ”

Jeremia 33:6

Navuzwa ndahonyia lidaala yili kandi ndilanyia avandu valio nu kuvaha uvulamu. Valamenya mu mirembe kandi mu likingwa liange.

Jeremia 50:4

Yahova avoora, “Lwing'inga yeyo iliduuka, avandu vombi va Isiraeli ni Ivuyuda valakaze nivalira, nivenya inzi, Nyasaye wavo.

Jeremia 51:9

Avageni vamenyi mu kivala yicho vavoola, ‘Kwageliza kokonya Babiloni, navuzwa sikwanyala mba. Gendi kuvaleke kalunu na kwilane mukivala chiitu. Nyasaye amali kuhaana amageri ku vandu va Babiloni ni zinguru zizie ziosi kandi umali kuvadiviza ligali.’ ”

Jeremia 8:22

Lunyasi luvulaho mu Gileadi? Avaahi vi zinyasi vavulayo? Kigira ki avandu vange sivanyooye lihona mba?

Ezekieli 33:11

Uvavoolere ndi ligali kuli inzi, Yahova Wuvunyali, mbeeye Nyasaye oveeye mwoyo, si sangala kolola mwoni nakuzaa mba. Ndakayanzi kolola naleki kokora vwoni kandi naveeye mwoyo. Avandu va Isiraeli, muleke uvudamanu vwamukolaa. Kigira ki mwenya kukuza?

Ezekieli 33:12

“Kalunu, Mwana wu Mundu, ovoolere avandu va Isiraeli ndi lwu mundu mulala akolaa uvwoni, uvulahi vwamali kokora si vulamuhonyia mba. Niiva umundu mudamanu alaleka kola vudamanu, si alahevwa mageri mba. Kandi niiva umundu mulahi natanga kokora uvwoni, sialava mwoyo mba.

Livalidza 6:27

Maku Yahova yavoola, “Niiva Haruni na vayaayi veve valandeva kugasiza vandu va Isiraeli, Inzi ndavagasiza.”

Vikolwa 9:11

Mwami yamuvolera, “Singira, uzie kunzira ilangwa Inzira Inungi, na munyumba ya Yuda, oteeve mundu mulala kutura Tariso, ulangwa Saolo. Kalunu ndi asaalaa;

Kwidzulitsa 28:10

Maku avandu vosi vukulirova valalola ndi Yahova umali kumutovola muve vandu aveeve, kandi valamutia ligali.