2 Kyetsinyinga 7:13 - KITABU KITAKATIFU

¹³ Lwa ngumira imbura Ivuli kukuba anoho ninduma zisigi kulia vitagwa vienyu, anoho ninduma vulwaye vuhambizana uvwiti avandu vange,

2 Kyetsinyinga 7:13 ပူးပေါင်းရင်းမြစ်များ

Ayubu 11:10

Niiva Nyasaye avitira hagati, nokokovoha muvuhambe, na akuhile mu likalagirwa, nivwaha unyala kumwigalira?

Ayubu 12:14

Niiva Nyasaye alasambula, siaveeyeho nu mundu unyala kwumbaka kandi mba, niiva alaviika mundu mu vuhambe, siaveeye nu unyala kumutuliza mba.

Zaburi 105:34

Yalaga zisigi kuza, kandi zimilioni ziazio zitanyala kuvalizwa.

Zaburi 107:34

Yakola kivala cha marova magunamu kuva kuli changalangwe chijumbi, kigira uvuchamu vwa vandu vamenya mucho.

Joeli 2:25

Ndamwiranyira via mwagotiza ku mihiga je kiduma chi zisigi lwa zialia vitagwa vienyu. Yaali inzi uwatuma amahi gu vulwani kumwingilira.

Amosi 4:7

Kandi lwi vitagwa vienyu vienya imbura, ndaagumira ivule kukuba. Ndaleta imbura ku lidaala lilala, na ndagaya ivule kukuba ku mulimi gundi maniguniala.

Livalidza 14:12

Ndaleta uvulwaye vudamanu kuvo na ndavadiviza ligali. Navuzwa ndakora ivi kuva baba wihiiri enene ligali kandi yi zinguru kuvavita.”

Luka 4:25

“Mumbulirizi: gaveeye agiligali ndi vaali ho avakunzakali avanyingi mu kivala cha Isiraeli mu madiku ga Elija. Lwi imbura yavula kukuba ku mihiga jivaga ni mieli sita, inzara enene yaduuka mu kivala choosi.

Kwidzulitsa 11:17

Nimukora ndio, Yahova alavihirirwa nimunyi. Alahana ligulu imbura ivuli kukuba, nikivala kivuli kwama makuyu. Kunangwa mulakuzira yo vwangu kali kivala cha Yahova amuhezaa ni keveeye kilahi.

Likunula 11:6

Avandu yava vaveeye ni zinguru ziu kuhana ligulu; kunangwa imbura ivuli kukuba mu madiku go voporofeti vwavo. Vaveeye ni zinguru kandi kugirung'anyia amazi kugwa amasahi, nukudiviza kivala nu vulwaye vudamanu zing'inga ziosi zia vayaanza.

Likunula 3:7

“Ng'odera engelosi wi likanisa liveeye Filadefia: “Yaga nigo amakuva ga uyu oveeye umutakatifu, nu wi ligali. Aveeye nu lufungu lwali lwa Daudi, kandi cha oyo amali kwigura sihaveeye ho nunyala kuhana mba, gwa mali kuhana sihaveeye ho nu unyala kwigura mba.