2 Kyetsinyinga 7:10 - KITABU KITAKATIFU

¹⁰ kandi ku lidiku lialonda ku, lidiku lia 23 liu mweli gwa Saba, Solomoni yatuma avandu vazie yengo wavo. Vaali nu vuyanzi ku vugasu vwosi vwa Yahova yaali nahaani ku vandu veve Isiraeli, ku Daudi kandi ku Solomoni.

2 Kyetsinyinga 7:10 ပူးပေါင်းရင်းမြစ်များ

1 Avami 8:66

Ku lidiku lia munane, yaasindukiza vandu vazie. Vagaasiza mwami ma ni vazia yengo wavo nuvusangali kandi nuvuyanzi mu mioyo jaavo kigira vulahi vwosi vwa Yahova Nyasaye wavo yaakolera Daudi mutumikiri weve kandi ku vandu veve, Isiraeli.

2 Kyetsinyinga 29:36

Mwami Hezekia harara na avandu vosi vasangala ku aga Nyasaye yaali navakoleeye, kigira miyinzi je Litembeli jakoleka vwangu ligali.

2 Kyetsinyinga 30:26

Kunangwa haali nu vusangali vonene ligali mu Jerusalemi, kigira kutura ing'inga ya Solomoni muyaayi wu mwami Daudi, sihali ni kindu kuli yiki mba.

2 Kyetsinyinga 6:41

Kalunu singira, O, Yahova Nyasaye, kandi harara ni Lisandugu lie Lilagana liilio, liveeye kelolero chi zinguru zizio, ma wingiri mu Litembeli ma omenye mu mihiga ni mihiga. Gasiza avasaalisi vovo ku goosi ga vakora, kandi yaanza avandu vovo vosi vave nu vusangali kigira uvulahi vuvwo kuvo.

2 Kyetsinyinga 7:11

Inyima wa Solomoni yaali niyakatwekiza kwumbaka Litembeli lia Yahova kandi inyumba yu vwami, kandi inyima wa yatwekiza vulahi vindu viosi via yalohiza kolomba mu mwoyo gwigwe, kokora mu Litembeli lia Yahova kandi munyumba yeye mwene yu vwami,

2 Kyetsinyinga 7:9

Vaali nivavuguyi madiku 7 ku litakasa uvwali, ma kandi madiku gandi saba kulwi Lisavo. Ku lidiku liu kumalirika vaali ni lilia liu kumala,

Nehemia 8:10

Hene yaho Nehemia yavavolera, muzie yengo, mulombe lilia lilahi ligali kandi munwi iwaini indahi, na musange viukulia viavo na yavo avatali navio. Lidiku lia kalunu liveeye litakatifu ku Yahova wiitu; kandi mutaverera mba, kigira uvusangari vwa Yahova voveeye zinguru zienyu.”

Zaburi 100:2

Musigamiri Yahova nuvusangali; muzie imbiri weve nulwimbu lwu vusangali!

Zaburi 105:3

Musangare ndi koveeye aveeve; Leka yavo avamusigamiraa vasangale.

Zaburi 106:5

Leka ndore ligasizwa lia vandu vovo vatovole, kandi nduuki kusanga mu vusangali vwi ihiiri yooyo; mu vusangali harara na yavo avaveeye vovo.

Zaburi 32:11

Munyi avaveeye avalungi, muyanze nukusangara, kigira aga Yahova amali kumukolera. Munyi avahulira Yahova, musangare ligali.

Zaburi 92:4

O, Yahova, vikolwa vivio vinene visangalizaa. Nyimbaa nuvusangali vonene kigira vindu via umali kokora.

Kutwula 18:1

Kunangwa Jezero, musaalisi wa Midiani, navizara wa Musa, yahulira goosi aga Nyasaye yakolera Musa kandi avandu va Isiraeli ulwa yaavimilira kutura Egebeti.

Ezekieli 45:25

“Ku lidiku lia 15 liu mweli gwa 7 gwi Lisavo, Mwamihi uyu alahaana vihaanwa vilala viere viu kusamiiha uvwoni, vihaanwa viu kusambwa, vihaanwa viu vuswage kandi vihaanwa via maguta ku vuli lidiku ku madiku 7.”

Vikolwa 16:34

Ma, yavugula Paolo na Sila navahira munyumba yeeye, navaha viukulia. Oyo harara na avinyumba yeeye vasangala ligali, kigira vaali nivamali kusuuvira Nyasaye.

Vikolwa 2:46

Amadiku goosi vahongera kuvugana mu Litembeli, navuzwa ing'inga yo komeganyia mugadi, vavugana mu zinyumba ziavo, ni vasanga viukulia viavo nu vuyanzi kandi ni mioyo jaali ligali.

Kwidzulitsa 12:12

Musangaliri uwene yeyo imbiri wa Yahova Nyasaye, munyi harara na avana vinyu vayaayi na vakana, avatumikiri vinyu vasaza na vakali, kandi vandu vinyumba ya Levi sivalava ni milimi jaavo aveene mba.

Kwidzulitsa 12:18

Munyi harara na avana vinyu, vatumikiri vinyu harara na vandu vinyuma ya Levi avamenyi mu madaala ginyu kuduuka muliri vihaanwa vienyu imbiri wa Yahova Nyasaye winyu havundu harara heng'ine hatovolwa kusigamira Yahova Nyasaye winyu. Mulasangalira uwene yeyo imbiri wa Yahova Nyasaye winyu ku viosi viamumali kokora.

Kwidzulitsa 12:7

Hazana yaho, Nyasaye winyu, umali kumugaasiza, munyi harara na avizinyumba zienyu, mulalira nokusangalira vindu vilahi viamumali kuyinzira aku vudinyu.

Kwidzulitsa 16:11

Musangare imbiri wa Yahova Nyasaye winyu harara na avana vinyu, vatumikiri vinyu kandi vandu vinyumba ya Levi avageni, avavisandu kandi avakunzakali vamenyi mu madaala ginyu. Mukore yaga goosi havundu harara hukusigamira ha Yahova yatovola.

Kwidzulitsa 16:14

Musangaliri lisavo yilio harara na avana vinyu vatumikiri, kandi na vandu vinyumba ya Levi, avageni, avavisandu navakunzakali vamenyi mu madaala ginyu.

Vafilipi 4:4

Mu sangale mu Mwami kazozo. Mboraa kandi musangare!