2 Kyetsinyinga 6:5 - KITABU KITAKATIFU

⁵ ‘Kutura ing'inga ya ndatuliza avandu vange mu kivala cha Egebeti kuduuka kalunu, sindatovora lidaala liosi linene mu kivala cha vandu va Isiraeli kuli havundu hu kwumbaka Litembeli ahanyala kusigamirwa mba, kandi sindatovora mundu woosi kwamiiha avandu vange Isiraeli.

2 Kyetsinyinga 6:5 ပူးပေါင်းရင်းမြစ်များ

1 Avami 8:16

‘Kutura ing'inga ya ndatuliza vandu vange mu kivala cha Egebeti, ningikiri kotovola lidaala linene ku goosi mu kivala choosi cha Isiraeli mwi Litembeli linyala kwumbakwa na ha nyara kusigamirwa. Navuzwa ndatovora ivi, Daudi, kwamiiha vandu vange.’ ”

2 Avami 21:4

Yumbaka uvwali vwu kusigamira misambwa mu Litembeli, havundu ha Yahova yaali navooye halava ahasigamirwaa.

1 Kyetsinyinga 17:5

Kutura ing'inga ya ndahonyia avandu va Isiraeli kutura Egebeti kuduuka lero, inzi ngikiri komenya ku mu Litembeli mba; vuli kazozo menyaa mu Mahema ning'endagenda vuzwa kutura yaaha kuzia hala.

2 Kyetsinyinga 12:13

Rehoboamu yamiha mu Jerusalemi kandi zinguru zizie ziamedeka kuli mwami. Yaali ni mihiga 41 lwa yagwa mwami na yamiha ku mihiga 17 mu Jerusalemi, lidaala linene ilia Yahova yaali niyaatovora mu kivala choosi cha Isiraeli kuli havundu aha asigamirwa. Mama wa Rehoboamu yaali Naama kutura mu kivala cha Amoni.

2 Kyetsinyinga 20:8

Vamenya mu kivala yiki, ma nikwumbakira Litembeli kuhaana luyali ku ivi, vavoola,

2 Kyetsinyinga 20:9

‘Niiva ikivi choosi kiladuuka ku kunyi nu kuhaana amageri; vulwani, vulwaye vudamanu anoho inzara, hene yaho, kulaaza kusingira imbiri wi Litembeli yili ha ivi usigamirangwa. Kulasaala ku Ivi mu vudinyu vwitu, na ivi ulakuhulira nu kokohonya.’

2 Kyetsinyinga 30:8

Mutava avamagoti madinyu kuli navo vaali mba, navuzwa muhuliri Yahova. Hambi mu Litembeli mu Jerusalemi, ilia Yahova Nyasaye winyu umali kulikola live litakatifu mihiga ni mihiga. Mutumikiri Yahova Nyasaye winyu, kunangwa avuli kuva nu vutima ni munyi.

2 Kyetsinyinga 33:4

Yumbaka uvwali vwu kusigamira misambwa mu Litembeli, havundu ha Yahova yaali niyavoola ndi halava aha sigamirwa mihiga ni mihiga.

2 Kyetsinyinga 33:7

Yavika kifananyi cha yalomba mu Litembeli, havundu ha Nyasaye yavolera Daudi nu muyaayi weve Solomoni, “Hano mu Jerusalemi, mu Litembeli yili, ni havundu ha inzi mali kotovola kutura mu kivala choosi chi zihiiri zia Isiraeli kuli havundu ha inzi sigamirwa mihiga ni mihiga.

2 Kyetsinyinga 6:20

Linda Litembeli yili mbasu nu vudiku. Ivi umali kulaga ndi, havundu yaaha niho aha ivi usigamirwa. Kulwayago, hulira lisaala liange lwa mbenzaa Litembeli yili nisaara.

2 Kyetsinyinga 6:4

Hene yaho, yavoola, “Yizominywe Yahova Nyasaye wa Isiraeli! Amali kutwekiza Lisuuvirizwa lia yalomba ku baba wange Daudi, lwa yamuvolera,

2 Kyetsinyinga 6:6

Navuzwa kalunu mali kotovola Jerusalemi kuva havundu hu kusigamira, na ivi Daudi, ulamiha avandu vange.’ ”

2 Kyetsinyinga 7:16

Mali kotovola nu kutakasa Litembeli yili kuli havundu ha Inzi sigamirwa mihiga ni mihiga. Ndahalinda kandi ndahakinga ku zing'inga ziosi.

Ezara 7:16

Munyi mulavugula kandi izahabu kandi ifeza yoosi iyamwavungiza kutura mukivala choosi cha Babiloni kandi nivihaanwa via avandu va Isiraeli navasaalisi vaavo vahaana kigira Litembeli lia Nyasaye wavo mu Jerusalemi.

Kutwula 20:24

Munombere uvwali vwamarova, na muhaaniri ku visiuviliru via amagondi ni zing'ombe kuva ivihaanwa viu kusambwa kandi kuli vihaanwa vie mirembe. Havundu hoosi hamutovolera kusigamira, ndaaza ku munyi nukumugaasiza.

Kutwula 23:21

Mumuhuliri gavoora kandi mumutie. Mutibaala kuye mba, kigira inzi mali kumutuma, kandi sialasamiiha liebaala kuli yilio mba.

Danyeli 9:19

Yahova, ukuhuliri; Yahova ukusamihi. Yahova hulira lisaala lietu kandi okole kolondekana ni lienya liilio. Kunangwa mundu woosi amanye ndi ivi oveeye Nyasaye, utalindagira mba! Lidaala yili harara na vandu yava vaveeye mulio navoovo.”

Zekaria 3:2

Engelosi wa Yahova yavolera Setani, “Yahova akogondokele ive Setani! Yahova wayanza Jerusalemi akogondokele. Mundu uyu aveeye kuli imbimbu yavavugula kutura mu muliru.”

Kwidzulitsa 12:11

Yahova Nyasaye winyu alatovola havundu harara heng'ine haduukana, ha asigamirwa, kandi ahene yaho, kuduuka muleete ho kuye vindu viosi via inzi mali kumulaga: visiuviliru vienyu viukusambwa kandi visiuviliru vienyu vindi, zizaka zienyu kandi vihaanwa vidukiru via mwalagana na Yahova.

Kwidzulitsa 12:5

Kutura mu kivala chi zihiiri zienyu ziosi, Yahova alatovola havundu harara haduukana avandu vosi vazie imbiri weve nu kumusigamira ho.

1 Samweli 10:24

Samweli yavolera vandu yavo, “Uyu niyie musaza wa Yahova atovooye! Sihaveeye ho nu wundi hagati hiitu oveeye kuli uyu mba.” Avandu vosi vahaanzuka nu mwoyo munene nivavoora, “Mwami ahindiri!”

1 Samweli 15:23

Uvwibaali kuye voveeye uvudamanu kuli ovologi kandi kizalo keveeye kuli uvwoni uvwu kusigamira misambwa. Kigira wasuula lilago lia Yahova, naye umali kusuura ivi kuli mwami.”