2 Kyetsinyinga 6:40 - KITABU KITAKATIFU

⁴⁰ “Kalunu, O, Nyasaye wange, ngogonya ohenze avandu vovo kandi huliriza lisaala lihaanangwa havundu hano.

2 Kyetsinyinga 6:40 ပူးပေါင်းရင်းမြစ်များ

1 Avami 8:52

“O, Yahova Wuvunyali, leka zimoni zizio ziduki kolola ligoonya liange, mutumikiri woovo, kandi ligoonya lia avandu vovo. Isiraeli, uvahuliri lwa vakwanira.

1 Avami 9:3

Yahova yamuvolera, “Mali kuhulira lisaala liilio. Mali kutakasa Litembeli lia wumbaki yili kuli havundu ha sigamirwa mihiga ni mihiga. Ndahalinda nukuhakinga ku zing'inga ziosi.

2 Avami 19:16

Kalunu, O, Yahova, henza ku agekolekaa ku kunyi. Hulira ivindu yivi viosi viu mwami Senakeribu avoora kokonyega ivi, Nyasaye oveeye mwoyo.

2 Kyetsinyinga 16:9

Zimoni zia Yahova zihenzaa havundu hoosi mu lirova liosi. Yahova ahaanaa lidinyiriza ku yavo avaveeye vasuuvirifu kuye. Kuyaga goosi, wakola uvudamanu, na kutura kalunu ulamenya mu, vulwani.”

2 Kyetsinyinga 6:20

Linda Litembeli yili mbasu nu vudiku. Ivi umali kulaga ndi, havundu yaaha niho aha ivi usigamirwa. Kulwayago, hulira lisaala liange lwa mbenzaa Litembeli yili nisaara.

2 Kyetsinyinga 6:39

Maku, hulira lisaala liavo kutura mwigulu ho vomenyo vuvwo, ma uvahe uvuguuti kandi usamihi avandu vovo avamala kwonera ivi.

2 Kyetsinyinga 7:15

Ndalinda Litembeli yili ligali kandi ndahulira lisaala liosi liasaalwa hano.

Nehemia 1:11

O, Yahova, hulira lisaala liange kandi lisaala lia vatumikiri vovo vosi avenyaa kuhaana luyali ku ivi. Yaanza ungasize kalunu, inzi mutumikiri woovo, okole mwami ambeere zimbavasi.” Mu madiku yago ndaali musingiliri wi iwaini yu mwami.

Nehemia 1:6

Mbenza O, Yahova na uhuliri lisaala liange lwa salira avatumikiri vovo, avandu va Isiraeli, mbasu nuvudiku. Nziyamaa ndi kunyi, avandu va Isiraeli harara na avaguuga viitu kwa kola vwoni imbiri woovo.

Zaburi 116:2

Nzanira Yahova kazozo, kigira ahuliraa lianira liange.

Zaburi 13:3

O, Yahova, Nyasaye wange, ombeenze na undivuliri. Unzilanyili zinguru ziange, na utaandeka nguzi mba.

Zaburi 130:2

O, Yahova hulira lilira liange; huliriza ku lianira liange ku ivi liu kwenya ovokonyi!

Zaburi 17:1

O, Yahova, hulira ligoonya liange kigira likalaga liuvulungi! Huliriza ku lianira liange kigira ovokonyi. Huliriza ku lisaala liange lisuuvirifu!

Zaburi 31:2

Umbulirizi! Ombonyie kalunu! Ove uvuhaliru vwange na osoore, kandi imbinga indinyu yokombonyia.

Zaburi 34:15

Yahova ahenzaa ku valungi veve, kandi ahuliraa lianira liavo,

Zaburi 7:3

O, Yahova Nyasaye wange, niiva ndaakola makuva yaga, niiva ndaakolera mundu vwosi vudamanu,

Zaburi 88:1

O, Yahova Nyasaye, muhonyi wange, ndilaa ku ivi mbasu gwosi, kandi nzanira ku ivi uvudiku vwosi.

Isaya 37:17

Kalunu, O, Yahova, ukuhuliri na ohenze ku agekolekaa ku kunyi. Huliriza ku vindu viosi via Senakeribu avoora okonyega ivi, Nyasaye oveeye mwoyo.