2 Kyetsinyinga 6:27 - KITABU KITAKATIFU

²⁷ O, Yahova, hulira lisaala liavo mwigulu ma usamihi uvwoni vwa vatumikiri vovo, avandu va Isiraeli ma uviigize vakole agaveeye malungi. Hene yaho, O, Yahova, tuma imbura ku kivala chicho cha waha avandu vovo kuli miandu ji mihiga ni mihiga.

2 Kyetsinyinga 6:27 ပူးပေါင်းရင်းမြစ်များ

2 Kyetsinyinga 7:14

niiva vasaala ku inzi nukwiganira kandi vagirung'ane kutura ku vudamanu vwa vakolangi, maku nda vahulira mwigulu nu kusamiiha uvwoni vwavo, nokokola kivala chavo keve nilizizagilira lilahi imbiri niligasizwa.

Zaburi 119:33

O, Yahova, unzigize kolonda malago googo; na ndagagumira kuduuka ku keheri.

Zaburi 25:12

Yavo avatiizaa Yahova valiiga kutura kuye zinzira zia vaduukana valonde.

Zaburi 25:8

Yahova yigizaa avoni zinzira zia gavadukiraa valonde, kigira aveeye mulungi kandi mulahi.

Zaburi 68:9

Ivi waakubiza imbura inyingi, kandi nuwiranyia viamo ku kivala ichaali nichuma kigira mbasu.

Zaburi 94:12

O, Yahova, aveeye nuvugasu mundu uyu uwa ohezaa mageri. Kandi uyu wa ivi wigiza lilaga liilio.

Isaya 30:21

Lwa mugendagendaa kutura kunzira yu mukono mulungi anoho kunzira yu mukono mumosi, mulahulira umwoyo gwigwe kutura inyima winyu nigovoora, “Inzira ni yiyi, mulonde kuyo.”

Jeremia 14:22

Siviveeye ho ni vifananyi vie zihiiri vinyala koleta imbura mba; Ligulu ku vwalio si linyala koleta lunyilira mba. Kunyi kwaavika lisuuvira lietu mu ivi, O, Yahova Nyasaye wiitu, kigira ivi niye okolaa vindu yivi.

Jeremia 42:3

Ukusaaliri ku Yahova Nyasaye wiitu akumanyie zinzira ziduukanaa kolonde ku kandi vindu viduukana kokole.”

Jeremia 5:24

Simwaganagana kuhaana luyali ku inzi mba, kali niiva ndaamuha imbura mu zing'inga ziokosembera, kandi mu zing'inga ziechuvwi kandi nimunyoola amasiza gi ligesa vuli muhiga.

Jeremia 6:16

Yahova yavolera avandu veve, “Musingiri muvwavukaniru vwizinzira na muhenze. Muvateeve zinzira ziakale kandi winzira indahi eveeye. Mugeendeku kandi muramenya mumirembe.” Navuzwa vavoola, “Awa kokora mba!”

Ezekieli 34:26

“Ndakagagasizi kandi ndakagaleke gamenye ahimbi ku kiguru change kitakatifu. Wene yeyo ndakagagasizi niimbura lwa nagave ni lienya.

Joeli 2:12

Yahova avoora, “Navuzwa kali kalunu mwiganiri mugiligali na mwirane ku inzi mu lihonga lilia, lilira ni lisioma.

Joeli 2:13

Leka mwoyo gugwo gwiliegehiza gumanyie ovovereri; kutandura zinguvu zienyu sigadukira mba.” Mwirane ku Yahova Nyasaye winyu. Aveeye wilivererera ligali kandi wizura zimbavasi; aveeye umwikuziri kandi lilagana lilie; aveeye mwetegeku inyinga yoosi kusamiha nukuvula kuhana amageri.

Joeli 2:23

“Muyanze, avandu va Jerusalemi musangare ku aga Yahova Nyasaye winyu amali kumukolera. Umuheeye imbura induukiru mu ing'inga yi litaga; amukubiziiyi imbura yu vukindu kandi imbura yi limera kuli zing'inga ziavita.

Mika 4:2

na avandu vaavo valavoora, “Gendi kuzie igulu ku kiguru cha Yahova, mu Litembeli lia Nyasaye wa avandu va Isiraeli. Kigira Nyasaye alakwigiza agayenya kunyi kokole; kulageenda mu zinzira ziayakotovolera. Kigira amigizu ga Yahova gaturaa mu Lidaala linene lia Jerusalemi; amolomaa ku avandu veve kutura ziyoni.”

Zekaria 10:1

Muteeve Yahova imbura mu ing'inga yu kutaga mu muhiga. Yahova atumaa malesi gimbula kandi agikubiza, ma emeliza milimi ku vuli mundu.

Yohana 6:45

Gang'odwa mu vitabu via avaporofeti, ‘Nyasaye aligiza avandu vosi.’ Vuli mundu uhulira Baba na ukwiga kutura kuye, yaazaa ku inzi.