2 Kyetsinyinga 6:26 - KITABU KITAKATIFU

²⁶ “Lwa ugumira imbura ivuli kukuba kigira avandu vovo vamali kokokolera uvwoni, ma kandi lwa viganiraa nokoheenza Litembeli yili, nivakusaala mu liegehiza,

2 Kyetsinyinga 6:26 ပူးပေါင်းရင်းမြစ်များ

2 Kyetsinyinga 6:25

hulira lisaala liavo kutura mwigulu na usamihi uvwoni vwa vandu vovo Isiraeli, ma uviilanyie mu kivala chawaha avaguuga vaavo.

2 Kyetsinyinga 7:13

Lwa ngumira imbura Ivuli kukuba anoho ninduma zisigi kulia vitagwa vienyu, anoho ninduma vulwaye vuhambizana uvwiti avandu vange,

Tsing'ano 28:13

Mundu uvisaa vwoni vwivwe si alagasizwa mba, navuzwa oyo wiyama no koleka vwoni alanyoola zimbavasi kutura ku Nyasaye.

Isaya 5:6

Ndakeleka keve hazwa, kandi ndaleka indiva emere mu, sindakesemberera mba. Si ndahalurira zisia zie mizabibu mba, anoho si ndalima mu kandi mba. Navuzwa ndaleka amafwa kandi zindavati zimere mu nu kukunika kizabibu choosi! Kali ndigalila amalesi gavuli kukubiza imbura ku cho.”

Ezekieli 14:13

“Mwana wu Mundu, niiva vandu valakola uvwoni kandi vavuli kuva vasuuvirifu ku inzi, ndahaana mageri kuvo nukwononyia linyola lie viukulia viavo. Ndatuma inzara kwita vandu harara ni zinyama.

Hosea 5:15

“Inzi ndaleka avandu vange kuduuka lwa vasalira ligali kigira uvwoni vwavo kandi valaza konyenya. Namusia mulisalirizwa liavo valageriza kwenya Inzi.”

Kyavalevi 26:19

Ndatuliza ho luyaayi lwi zinguru zienyu; imbura silavaho kandi mba kivala chiinyu kilava chuumu kandi kidinyu kuli kivia.

Luka 4:25

“Mumbulirizi: gaveeye agiligali ndi vaali ho avakunzakali avanyingi mu kivala cha Isiraeli mu madiku ga Elija. Lwi imbura yavula kukuba ku mihiga jivaga ni mieli sita, inzara enene yaduuka mu kivala choosi.

Kwidzulitsa 11:17

Nimukora ndio, Yahova alavihirirwa nimunyi. Alahana ligulu imbura ivuli kukuba, nikivala kivuli kwama makuyu. Kunangwa mulakuzira yo vwangu kali kivala cha Yahova amuhezaa ni keveeye kilahi.

Kwidzulitsa 28:23

Imbura silakuba mba, na lirova lienyu lilava lidinyu kuli kivia.

Likunula 11:6

Avandu yava vaveeye ni zinguru ziu kuhana ligulu; kunangwa imbura ivuli kukuba mu madiku go voporofeti vwavo. Vaveeye ni zinguru kandi kugirung'anyia amazi kugwa amasahi, nukudiviza kivala nu vulwaye vudamanu zing'inga ziosi zia vayaanza.