2 Kyetsinyinga 6:14 - KITABU KITAKATIFU

¹⁴ Yasaala navoora, “O, Yahova, Nyasaye wa Isiraeli, si aveeyeho na Nyasaye wundi kuli ivi, mwigulu igulu anoho ku lirova mba, ivi udukiza lilagana liilio na vandu vovo, kandi umanyianga vuyanzi vuvwo vutali nekeheri ku vatumikiri vovo avagendaa imbiri woovo nu mwoyo mulala.

2 Kyetsinyinga 6:14 ပူးပေါင်းရင်းမြစ်များ

Litanga 17:1

Lwa Aburamu yaali ni mihiga 99, Yahova yaloleka kuye kandi navoora, “Inzi mbeeye Nyasaye Wuvunyali. Utie inzi kandi okole agaveeye malungi kazozo.

Litanga 33:20

Yumbaka hene yaho vwali ma naalanga havundu hene yaho Eli, Nyasaye wa Isiraeli.

Litanga 35:10

Nyasaye yamuvolera, “Lieta liilio ni Yakobo, navuzwa kutura kalunu ivi lieta liilio lilava Isiraeli.” Kunangwa Nyasaye yamugulika Isiraeli.

Litanga 5:24

Yatia malago ga Nyasaye mu limenya lilie liosi, kandi yatulaho, kigira Nyasaye yamuvugula.

2 Samweli 7:22

Ivi oveeye munene kuli ndi, O, Yahova Nyasaye Wuvunyali! Siaveeye ho nu wundi kuli ivi; kunyi kwamanya kazozo ndi ivi oveeye munene, O, Yahova Nyasaye Wuvunyali.

1 Avami 18:36

Ku ing'inga yukuhaana kisiuviriru cha mbasu, muporofeti Elija yisunda himbi ku vwali nasaara navoora, “O, Yahova, Nyasaye wa Aburahamu, Isaka, na Yakobo, lolekiza kalunu ndi ivi oveeye Nyasaye wa Isiraeli, kandi inzi mbeeye mutumikiri woovo kandi mali kokora yaga goosi kolondekana ku lilaga liilio.

1 Avami 3:6

Solomoni yativura, “Ivi wamanya uvuyanzi vonene kazozo ku baba wange Daudi, mutumikiri woovo, kandi naye yaali mulahi, musuuvirifu muvuhambani vwivwe niivi. Kandi ivi uzizagiliyi kumanyia vuyanzi vuvwo vonene kandi vutaveeye niligirung'ana ku limuha muyaayi wamiiha mu vogono vwivwe kalunu.

1 Avami 6:12

“Niiva ulatia malago gange goosi, ndakokolera cha ndasuuviriza baba woovo Daudi.

1 Avami 8:23

nasaara, “O, Yahova Nyasaye wa Isiraeli, sihali na nyasaye kuli ivi mwigulu igilu anoho mu musi mu lirova!

1 Kyetsinyinga 29:10

Kunangwa mwami Daudi yizominya Yahova imbiri wi livugana liosi. Yavoola, “Wizominywi O, Yahova, Nyasaye wa guuga witu Yakobo, mihiga ni mihiga!

1 Kyetsinyinga 29:20

Maku Daudi yavolera livugana liosi, “Mwizominye Yahova Nyasaye winyu.” Kunangwa livugana liosi lizominya Yahova, Nyasaye wa vaguuga vaavo; kandi vinaminya mitwi jaavo haasi kusigamira Yahova kandi nivahaana luyali ku mwami Daudi.

2 Kyetsinyinga 20:6

“O, Yahova Nyasaye wa vaguuga viitu, ivi wamihaa ku vandu vosi vu mulirova. Kutura mwigulu ivi oveeye wi zinguru nu vunyali, na mundu sianyala kuhing'ana naivi mba.

2 Kyetsinyinga 6:17

Kunangwa kalunu, O, Yahova; Nyasaye wa Isiraeli, leka makuva goosi gaduuki kuduukizwa agawasuuviriza mutumikiri woovo Daudi.

Nehemia 1:5

Maku ndaavoora: “O, Yahova, Nyasaye wu mwigulu, Nyasaye munene kandi kwosi kokoheza uluyali lonene ligali. Ivi udukiza lilagana liilio nu vusuuvirifu, ku yavo avakuyanza kandi avahulira malago googo,

Zaburi 86:8

O, Yahova, siaveeye ho numunyasaye wundi munene kuli ivi mba, siaveeye ho kali mulala uwakola aga ivi wakola mba.

Zaburi 89:28

Ndizuliza lisuuvirizwa liange naye kazozo, kandi lilagana liange naye lilamenya mihiga ni mihiga.

Zaburi 89:6

O, Yahova, siaveeye ho nu mundu kali mulala mwigulu oveeye kuli ivi mba, anoho vilombe viosi viveeye mu ligulu sivinyala kweleng'anyia ku ivi mba.

Zaburi 89:8

O, Yahova, Nyasaye Wuvunyali, siaveeye ho numulala oveeye wizingulu kuli ivi mba, O, Yahova, ivi oveeye musuuvirifu mu vindu viosi.

Kutwula 15:11

“O, Yahova, nivwaha munyasaye oveeye kuli yivi? Nivwaha oveeye kuli ivi, wokogenyia mutakatifu? Nivwaha unyala kokora vilolekizu iviokogenyia ni vinene kuli vivio?

Kutwula 3:15

Volera vandu va Isiraeli ndi inzi Yahova, Nyasaye wa vaguuga vinyu, Nyasaye wa Aburahamu, Isaka, na Yakobo undumi kuvo. Yili ni lieta liange mihiga ni mihiga; kandi nilio lidukanaa makura na makura gaaza goosi ganange.

Kutwula 8:6

Kunangwa Haruni yanyira imbimbu ku amazi ga Egebeti, na makere gaturaa ichova nigakunika kivala choosi.

Jeremia 10:16

Nyasaye wa vandu va Isiraeli siaveeye kuli yavo mba; niyie walomba ivindu viosi, kandi yatovola avandu va Isiraeli kuva aveeve mwene. Lieta lilie ni Yahova Wuvunyali.

Jeremia 10:6

O, Yahova, siaveeyeho nu mulala kuli ivi, ivi oveeye wizingulu kandi lieta liilio liveeye linene kandi liezingulu ligali.

Danyeli 9:4

Ndasaara ku Yahova Nyasaye wange kandi ndiyama uvwoni vwa vandu vange. Ndavoora “Yahova Nyasaye, ivi oveeye Munene, kandi kokohezaa luyali. Oveeye musuuvirifu ku lilangana liilio, oveeye nu vuyanzi vutaveeye nekeheri ku yavo avakuyanza, kandi okolaa agu mali kulaga.

Luka 1:50

Zimbavasi zizie ziveeye ku makura namakura, ku avandu vahaana luyali kuye.

Luka 1:6

Vosi vaali avalungi imbiri wa Nyasaye, kandi vaatia ligali nokolonda malago na makuva gu Mwami vugira imbara.

Luka 1:72

Yavoola alaveera avaguuga viitu zimbavasi nukwizuliza lilagana lilie litakatifu.

Kwidzulitsa 3:24

‘O, Yahova Wanyala Viosi, inzi manya ndi ivi umali kumanyia vuzwa litanga lie vindu vinene kandi viokogenyia via uzizaa kokora. Sihaveeyeho na nyasaye mwigulu anoho ku lirova unyala kokora vindu viezingulu via ivi umali kokora mba!

Kwidzulitsa 4:39

Kunangwa wizulizi kalunu kandi utivilira mba: Yahova aveeye Nyasaye mwigulu kandi ku lirova, Sihaveeye ho nyasaye wundi mba.

Kwidzulitsa 7:9

Kunangwa mwizurizi ndi Yahova Nyasaye winyu aveeye Nyasaye; Nyasaye oveeye, musuuvirifu; udukiza lilagana lilie nukuhaana zimbavasi zitaveeye nekeheri ku vandu vamuyanzaa kandi avahulira. Amakuva geege gakuduukaa ku makura zielefu.

1 Vatesalonike 2:12

Kwa muluviriza nu komuleminya umwoyo muduuki kumenya nokogenda mu liiva liyaanziza Nyasaye, uwamulanga muduuki kusanga mu vwami nu vukumi vwivwe.