2 Kyetsinyinga 6:13 - KITABU KITAKATIFU

¹³ Solomoni yaali naalombi kitalazi chu mugasa nakiviiki hagati hu mugizi. Kitalazi chene yiki chaali uvutambi nu vugika zimita 2.2 zimbega ziosi, na kuzia igulu chaali zimita 1.3. Solomoni yanina ku kitalazi chene yiki, nasigama ku havundu hu mundu woosi yaali anyala kumulora, ma naginga makono geege mwigulu.

2 Kyetsinyinga 6:13 ပူးပေါင်းရင်းမြစ်များ

1 Avami 6:36

Mugizi gwu mugati gwumbakwa imbiri wi Litembeli, gwa kumbelizwa na madigi gaali nigagerekana ku mialiru ji midaragwa hagati hi zimbaso zivaga ziumbakirwa na magina gavazwa vulahi.

1 Avami 7:12

Mugizi gwi nyumba yu Vwami, mugizi gwu mugati gwi Litembeli kandi keng'oze chu vwingiliru vwi Litembeli viali na madigi gakunikwa nuluvaso lulala lwe mialiru ji midaragwa ku vuli zimbaso zivaga zia magina gavazwa.

1 Avami 8:54

Inyima wa Solomoni yaali niyakamara lisaala kandi ligoonya yili liosi ku Yahova, yasingira imbiri wu vwali vwa Yahova, aha yaali nasigami, na gingi makono geege mwigulu.

2 Kyetsinyinga 4:9

Solomoni yahaana malago zinze ziviri ziumbakwe; olokekeke lwa vasaalisi veng'ine vaali vanyara kutumikira, kandi olonene lwichova. Miliango jivirivwa jingiraa mu migizi giviri yiji jafuumwa nu mugasa.

2 Kyetsinyinga 6:12

Hene yaho, mwami Solomoni yazia nasingira imbiri wu vwali vwa Yahova mu zimoni zie livugana liosi lia Isiraeli, naaginga makono geege igulu.

Ezara 9:5

Lwing'inga yaduuka yu kuhaana kisiuviriru cha mugorova, ndaasingira kutura handaali ninzikaye mu vovereri, kandi ndaali ningikiri ni zinguvu ziatanduka. Ndaasigama hasi mu lisaala kandi ning'inga makono gange ku Yahova Nyasaye wange.

Nehemia 1:4

Lwa ndahulira makuva yaga goosi, ndikala hasi nindiira ligali. Ndasioma nu kuzizagilira kohonga lilia kandi. Ndasaara imbiri wa Nyasaye wu mwigulu madiku manyingi.

Nehemia 8:4

Na Ezira mung'odi yasingira ku kitarazi chi misaala ichaali nichumbakiywi kigira muyinzi yigwo. Ahimbi kuye vasingilaho, Matitia, Shema, Anania, Uria, Hilicha na Maaseia vasingira ku mukono gwigwe mulungi. Na Pedaya, Mishaeli, Malikija, Hashumu, Hashibadana, Zakaria na Meshiulamu nivasingira ku mukono gwigwe mumosi.

Zaburi 95:6

Hambi, gendi kumwinamiri kandi kumusigamiri; gendi kusigame imbiri wa Yahova mulombi wiitu.

Kutwula 9:29

Musa yamuvolera, “Nonoho lwa mba nindakatula mu lidaala linene linu, ndaginga amakono gange igulu mu lisaala ku Yahova. Lihiligana lie inguba kandi imbura ya magina vilalekera, kunangwa muduuki kumanya ndi lirova liveeye lia Yahova.

Danyeli 6:10

Lwa Danieli yahulira ndi mwami umali kuviika mukono ku lilago yili, yazia yengo. Munyumba yeeye yaali mu ne keng'oze chaali higulu na chaali ni lidirisia liahenza Jerusalemi. Hene yaho kuli yakola kazozo, yasigama hasi ha yaali yiguyi lidirisia nasaara ku Nyasaye haali kavaga ku lidiku.

Luka 22:41

Yavaleka nazia kuli hanyala kulasa ligina, nasigama, nasaara.

Vikolwa 20:36

Lwa yamala kovora yaga, Paolo yasigama harara navo vosi, nasaalaa.

Vikolwa 21:5

Navuzwa madiku giitu lwa gaafwa, kwatula nikuzia kologendo lwiitu. Vosi harara vakali na vana vaavo, vakohereka kuduuka ichova wi lidaala. Lwa kwaduka ku lujinga, lwinyanza kwosi kwasigama nikusaala, ma nikusivulana;