2 Kyetsinyinga 5:2 - KITABU KITAKATIFU

² Maku Mwami Solomoni yalanga aviimiliri vosi vi zihiiri ni viliango via Isiraeli vaze kuvugana mu Jerusalemi, vaduuki kuhila Lisandugu Lie Lilagana lia Yahova kutura Ziyoni, Lidaala linene lia Daudi, kuduuka mu Litembeli.

2 Kyetsinyinga 5:2 ပူးပေါင်းရင်းမြစ်များ

2 Samweli 5:7

(Navuzwa Daudi yagumira nukuguuta imbinga yaavo ya Ziyoni, kandi liaza kumanyikana kuli “Lidaala linene lia Daudi.”)

2 Samweli 6:12

Mwami Daudi yahulira ndi kigira Lisandugu lie Lilagana, Yahova umali kugasiza vandu avinyumba ya Obedi Edomu kandi viosi via yaali navio, kunangwa yaatuliza Lisandugu lie Lilagana kutura munyumba ya Obedi Edomu nukulihila Jerusalemi nuvusangali kandi lilia linene.

1 Kyetsinyinga 15:1

Daudi yaali niyumbaka zinyumba zizie mwene mu Jerusalemi. Yalomba kandi havundu hi Lisandugu lie Lilagana lia Nyasaye, livikwa, ma ni yumbaka ho Lihema.

1 Kyetsinyinga 15:12

Yavavolera, “Munyi muveeye aviimiliri vi viliango mu ihiiri ya Levi. Kuduuka munyi harara na vandu va Levi vache vinyu mwitakase, kunangwa muve avanyala koleta Lisandugu lie Lilagana lia Yahova Nyasaye wa Isiraeli, liize havundu ha inzi mali kulilombera.

1 Kyetsinyinga 15:25

Kunangwa mwami Daudi, vimiliri va Isiraeli na, avanene va mahi vazia munyumba ya Obedi Edomu koleta Lisandugu lie Lilagana, kandi vaali ni lisangala linene.

1 Kyetsinyinga 15:3

Kunangwa Daudi yavuganyia avandu va Isiraeli vosi harara mu Jerusalemi vaduuki koleta Lisandugu Lie lilagana lia Nyasaye havundu ha yaali nalilombeeye.

1 Kyetsinyinga 16:1

Vaavugura Lisandugu lie Lilagana lia Nyasaye ni valivika hagati hi Lihema lia Daudi yaali nalilombeeye maku vahaana visiuviliru kandi ni vihaanwa vie mirembe ku Nyasaye.

1 Kyetsinyinga 24:31

Vuli mwimiliri wi inyumba kandi mulala ku avamwavo veve avasoleri vaakuba zikuura ziavo, kuli avamwavo vaavo, avana va Haruni vaali ni vakoli. Yaga gekoleka imbiri wu mwami Daudi, Zadoku, Ahimeleki, harara na aviimiliri vi zinyumba zia vaguuga avasaalisi ni ihiiri ya Levi.

1 Kyetsinyinga 24:6

Visukululwi via Elieza ni via Izumari vaavugura vwiyangu kukuba zikuura mulala sa mulala. Maku vosi vang'odwa na Shemaya muyaayi wa vandu va Levi, uwaali mung'odi wa vandu va Levi. Mwami, avanene veve, musaalisi Zadoku, Ahimeleki muyaayi wa Abiazari, harara na aviimiliri vi zinyumba zia vasaalisi ma kandi vi zinyumba zia vandu va Levi, vosi vaali avalolekizi va makuva yaga.

1 Kyetsinyinga 26:26

Shelomozi harara na avandu vi inyumba yeeye vaali nu vunyali kusingilira amaviikiru goosi gi vihaanwa via viikirwa Nyasaye nu mwami Daudi, aviimiliri vi viliango via vaguuga, avanene vi zielefu ni zimia, kandi avanene va mahi.

1 Kyetsinyinga 28:1

Mwami Daudi yavolera avanene vosi va Isiraeli kuvugana mu Jerusalemi. Kunangwa aviimiliri vi zihiiri, avanene vamiiha ku miyinzi ju vwami, aviimiliri vi viliango, avahenzi vi miandu ni mitugu ju mwami na avayaayi veve, avanene vosi vinyumba yu vwami, avasikari na vasaza vaduukiru vosi, vavunga harara mu Jerusalemi.

2 Kyetsinyinga 1:4

Navuzwa Lisandugu lie lilagana liali mu Jerusalemi, na liavikwa mu Lihema liu Mwami Daudi yaali yasingiriza lwa yalileeta kutura mu kivala cha Kiriazi-Jearimu.

2 Kyetsinyinga 5:1

Lwu mwami Solomoni yaali ni yakamala miyinzi josi ku Litembeli, yavika mu mavikiru gi Litembeli vindu viosi via baba weve Daudi yaali niyamala kutakasa kulwu vutumiki vwa Yahova: ifeza, izahabu, ni iviju viosi.

2 Kyetsinyinga 5:12

Ma kandi vandu va Levi vosi avaari avimbi, Asafu, Hemani, na Jeduzuni, avana vayaayi vaavo, na viiko vaavo vosi, viviika zinguvu zindahi, harara ni vikuli nu vukana vwi migoye. Vasingira Ivugwi wu vwali harara na avasaalisi 120 avaari avakubi vi visiriva.

Zaburi 2:6

Yahova avoora, “Mali kwamiihiza mwami wandatovola, ku Ziyoni, kiguru change kitakatifu.”

Zaburi 87:2

Yahova yayanza avandu vi lidaala linene lia Jerusalemi, kuvita havundu handi hoosi mu Isiraeli.

Kyavalevi 9:5

Valeta vindu viosi via Musa yaali nalagi imbiri wi Lihema, avandu vosi visuundi himbi nukusingira Yahova.

Livalidza 10:33

Kunangwa vandu va Isiraeli vatanga ologendo lwavo kutura ha kiguru kitakatifu cha Sinai vagenda ku madiku gavaga. Vasaalisi avagingaa Lisandugu lie Lilagana lia Yahova vazia imbiri wavo kwenyeleriza havundu ha vandu va Isiraeli vasosera.

Livalidza 10:36

Lwa vaduuka havundu hokososa, Musa yavoola, “O, Yahova, wirane ku zielefu zinyingi zia vandu va Isiraeli!”