2 Kyetsinyinga 5:13 - KITABU KITAKATIFU

¹³ Lwa vakubi vi visiriva na viimbi vi zinyimbu vahambana harara mu Lizominya Yahova nu kuhaana Lisandiza, nu kwimba igulu harara ni visiliva, vikuli, kandi ni vindu vindi viosi viu kwimbira mu. Viimba nu kwizominya Yahova, nivavoora, “Yahova aveeye mulahi, kigira vuyanzi vwivwe vomenyaa mihiga ni mihiga.” Maku, Litembeli lia Yahova liizula lilesi,

2 Kyetsinyinga 5:13 ပူးပေါင်းရင်းမြစ်များ

1 Kyetsinyinga 16:4

Daudi yatovola valala ku vandu va Levi kwimilira lisigamira lia Yahova, Nyasaye wa Isiraeli, imbiri wi Lisandugu lie Lilagana lia Nyasaye, ku liemba nu mu kwizominya Yahova.

2 Kyetsinyinga 20:21

Lwu mwami Jehoshafati yaali niyakamara komoloma na vandu, yatovola avasaza aviimbira Yahova nukwizominya uvukumi vwu vutakatifu vwivwe lwa vatura kuzia imbiri wi hiiri, ni vavoola, “Mwizominye Yahova! Vuyanzi vwivwe vuhindiraa mihiga ni mihiga.”

2 Kyetsinyinga 20:22

Lwa vatanga kwimba nu kwizominya Yahova, Yahova yingilira avasaza vi liihi lia Amoni, Moabu kandi vi kiguru cha Edomu avaari nivaazi kulwaana Ivuyuda, na vaguutwa.

2 Kyetsinyinga 7:1

Lwa mwami Solomoni yaali niyakamara lisaala lilie, umuliru gwiika kutura mwigulu nigusamba vihaanwa viukusambwa beyi kandi visiuviliru viali nivihaaniywi viosi; na ovong'ereng'anu vwu vukumi vwa Yahova vwizula Litembeli.

2 Kyetsinyinga 7:2

Vasaalisi sivali vanyara kwingira mu Litembeli lia Yahova mba, kigira uvukumi vwa Yahova vwizula mu du.

2 Kyetsinyinga 7:3

Lwa avandu va Isiraeli valora muliru nigwika kutura mu ligulu, novong'ereng'anu vwu vukumi vwa Yahova nivwizula Litembeli du, vaagwa mamumama ku maru mu loze lwa magina kandi nivinama nivasigamira Nyasaye kandi nivamwizominya kigira uvugasu vwivwe kandi uvuyanzi vwivwe vwi mihiga ni mihiga. Vaasaalandi “Yahova aveeye mulahi; uvuyanzi vwivwe vuhindira mihiga ni mihiga.”

2 Kyetsinyinga 7:6

Vasaalisi vasingira mu vogono vwavo; kuli vandu va Levi vaakora ni viju via Yahova viukwimbira, viu mwami Daudi yaali ni yalomba kulwu kwizominya Yahova kandi iviatumikirangwa lwa yaahaanaa lisandiza, navoora, “Vuyanzi vwivwe vuhindiraa mihiga ni mihiga.” Avasaalisi vaakuba visiriva nivahenzi vandu va Levi, na vandu vosi va Isiraeli vasingira.

Ezara 3:11

Vimbira Yahova nilizominya kandi nilisandiza: “Yahova aveeye mulahi; uvuyanzi vwivwe ku avandu va Isiraeli vuhindiraa mihiga ni mihiga.” Vuli umundu yahanzuka nizinguru zizie ziosi: Vizominya Yahova kigira miyinzi jumusingi gwi Litembeli jaali nijimali kutanga.

Nehemia 12:27

Lwa Lidigi lie Lidaala Linene lia Jerusalemi liatakaswa, vandu va Levi valetwa kutura wavaali ni vamenyi kuza kusangaa mu Lisangala Lilitakaswa lie lidigi lie Lidaala, linene, mulimba zinyimbu ziu kusandiza Nyasaye nu vukana na madungu.

Zaburi 100:5

Yahova Nyasaye aveeye mulahi; uvuyanzi vwivwe voveeye vwi mihiga ni mihiga, Kandi uvusuuvirifu vwivwe vuhindiraa mihiga ni mihiga.

Zaburi 106:1

Mwizominye Yahova! Musandizi Yahova kigira aveeye mulahi; uvuyanzi vwivwe vuhindiraa mihiga ni mihiga.

Zaburi 107:1

“Musandizi Yahova, kigira aveeye mulahi, uvuyanzi vwivwe vuhindiraa mihiga ni mihiga!”

Zaburi 118:1

Muhaane lisaandiza ku Yahova, kigira aveeye mulahi, kandi vuyanzi vwivwe vuhindiraa mihiga ni mihiga.

Zaburi 150:3

Mumwizominye ni visiliva. Mumwizominye nuvukana kandi nilidienyi.

Zaburi 150:5

Mumwizominye ni vindu vie migasa ivilangiliraa ligali. Mumwizominye ni vindu vie migasa vilangiliraa ligali.

Zaburi 22:4

Avaguuga viitu vaviika lisuuvira liavo mu ivi. Vaasuuvira ivi, na ivi wavahonyia.

Zaburi 81:2

Mutange lwimbu mukubi visiriva; mwimbi zinyimbu ziukuyaanziza ku vukana ni lidungu.

Kutwula 29:43

Yaho niho hanomba livugana na vandu va Isiraeli, kandi uvukumi vwange vulalomba havundu hene yaho kuva Hatakatifu.

Isaya 52:8

Yavo avalindaa lidaala linene viimba harara kigira uvusangari! Vanyara kolola ni zimoni ziavo aveene, iliirana lia Yahova mu lidaala linene lia Ziyoni.

Jeremia 32:39

Ndavaha mwoyo mulala, kandi liiva lilala, vaduuki kutia inzi mihiga ni mihiga, ku vulahi vwavo aveene, kandi ku vulahi vwi visukululwi vaavo.

Jeremia 33:11

lihanzuka liu vuyanzi kandi liu vusangali vwa oyo osererwa kandi osereranga. Avandu valimba nokoleta vihaanwa vie lisaandiza mu Litembeli liange; valavoora, ‘Muhaane lisaandiza ku Yahova Wuvunyali, kigira aveeye mulahi, kandi vuyanzi vwivwe vutali nekeheri vuhindiraa mihiga ni mihiga.’ Ndakora kivala yiki kuva chu vugasu kuli chaalange maziambiri. Inze Yahova, mali kovora.”

Vikolwa 4:32

Kiduma choosi cha vandu vasuuviri vaali harara nu mwoyo mulala kandi niziganagani zindala. Sihaaliho nu mundu kali mulala kuvo uwalola kindu cha aveeye nacho kuva ni chiche yeng'ine mba. Navuzwa vasanga nukugavulana vindu viosi via vaali navio keleng'ani.

Varumi 15:6

Kunangwa munyi vosi, numwoyo mulala, muduuki kukuminya Nyasaye Baba wu Mwami wiitu Yeso Kristo.

Likunula 15:8

Litembeli liizula umwoki kutura ku uvukumi nu ku zinguru zia Nyasaye, kandi sihaali ho nu mundu uwaali yakanyala kwingira mu Litembeli yilio kuduuka ko keheri chu vulwaye saba vwi zingelosi saba valeta mba.