2 Kyetsinyinga 36:22 - KITABU KITAKATIFU

²² Mu muhiga gwu kutanga gwu vwamihi vwu mwami Sairasi wa Pasia, Yahova yakola aga yaali navooye kuvitira mu muporofeti Jeremia kuva agiligali. Yaavukiza mwoyo gwu mwami Sairasi ukuhaana lilaga yili na kulituma ichova mu mang'oda gasomwe vudinyu havundu hoosi mu vwami vwivwe:

2 Kyetsinyinga 36:22 ပူးပေါင်းရင်းမြစ်များ

1 Avami 11:14

Kunangwa Yahova yakola Hadadi, wi nyumba yu vwami vwa Edomu kugirung'ana kulwaana Solomoni.

1 Avami 11:23

Nyasaye yakola Rezoni, muyaayi wa Eliada, kugirung'ana kulwaana Solomoni. Rezoni yaali niyiruki kutura ku mwimiliri weve mwami Hadadezeri wa Zoba;

1 Kyetsinyinga 5:26

Kunangwa Nyasaye yakola mwami Puli wa Asiria, uwamanyikana kandi kuli Tigilazi - Pileseri, kwingilira kivala chavo. Yang'anyia avandu vi zihiiri zia Rubeni, Gadi ni Ivugwi wa Manase kuzia mu vuhaambe; kandi vidikira mu kivala cha Harara, Habori na Hara kandi ku mugera gwa Gozani.

2 Kyetsinyinga 21:16

Vaali ho na vandu va Filisitia kandi na vandu va Arabu avaveeye himbi na avandu va Ezopia, Yahova yavazuva kuzia kulwaana Jehoramu.

2 Kyetsinyinga 24:9

Valandiza mu Vuyuda mwosi nu mu Jerusalemi mwosi, vuli mundu koleta ku Yahova lisolola lia Musa mutumikiri wa Nyasaye yasolola kutura ku Isiraeli mu ligendanyama.

2 Kyetsinyinga 30:5

Kunangwa valanga avandu vosi mu kivala choosi cha Isiraeli, kutura Dani mu lovega lwa Ivaale kuduuka Beerisheba mu Isavaalu, vaze Jerusalemi kolomba lilia lie Lipasaka ku Yahova, Nyasaye wa Isiraeli. Kigira Liali ni likikiri kolombwa ku kolondekana ni Lilaga mu viduma via vandu vanyingi kuvita maziambiri.

2 Kyetsinyinga 36:21

Nandio aga Yahova yaali niyavoola kuvitira mu muporofeti Jeremia gaaduukizwa: “Kivala kilatigala ichere ku mihiga 70, kutwekiza lisosa lie lisabato lia mwavura kulinda.”

2 Kyetsinyinga 36:23

“Yili nilio lilaga lia Sairasi Mwami wa Pasia. Yahova, Nyasaye wu mwigulu umali kongola mwamihi ku lirova liosi na umali kumba miyinzi Ju kumwumbakira Litembeli mu Jerusalemi mu Ivuyuda. Kalunu, munyi mwosi, avaveeye vandu va Nyasaye, muzie yo, na Yahova Nyasaye winyu ave harara ni munyi.”

Ezara 1:5

Maku aviimiliri vi zihiiri zie Ivuyuda kandi Benjamini, avasaalisi na vandu va Levi, kandi vosi ava Roho wa Nyasaye yaayugiza, vetegeka kuzia kwumbaka uvuhia Litembeli lia Yahova mu Jerusalemi.

Isaya 44:28

Mbolera Sairasi ‘Ni ivi uliamiiha avandu kulwa inzi; ulakakole aga nyenya okole. Ulakalage avandu kwumbakwa vuhia Jerusalemi, kandi misingi ji Litembeli kuvikwa.’ ”

Isaya 45:13

Inzi mwene ndavolera mwami Sairasi, kandi nimuha zinguru aduuki kuduukiza vindu viosi viandalohiza vikoleke. Ndalungikiza zinzira zizie ziosi. Ndumbaka vuhia lidaala linene liange lia Jerusalemi, kandi alahaana vovoholore ku avandu vange avadikizwa. Sialakola yaga ku litungwa anoho ku lihevwa amadanyi mba.” Yahova Wuvunyali umali kovora.

Jeremia 25:12

Inyima wi mihiga 70, ndahaana amageri ku zihiiri ziosi harara nu mwami wa Babiloni kigira uvwoni vwavo. Ndadiviza kivala yiki ligali na kilatigala amang'anye mihiga ni mihiga.

Jeremia 25:14

Ndahaana amageri ku avandu va Babiloni kigira uvudamanu vwosi vwa vamali kokora. Avami avanene harara ni zihiiri zinyingi zilavaguuta nukuvakola kuva avatugwa.’ ”

Jeremia 29:10

“Yahova avoora, ‘Lwi mihiga 70 jimalirika ni muveeye mu Babiloni, ndaaza kumugeniha kandi ndaduukiza lilagana liange ku munyi na ndamwilanyia mu kivala cha Isiraeli.

Danyeli 10:1

Mu muhiga gwa kavaga lwa Sairasi yaali mwami wa Pasia, Danieli ulangwa Beliteshaza yavulilwa likuva. Likuva yili liali liagiligali; navuzwa lidinyu ligali kulimanya. Likuva yili livaalwa kuye mu malola.

Danyeli 6:28

Danieli yaali nu vukumi vwu kuzizagilira mu vwamihi vwa Dariasi nu vwamihi vwa Sairasi wi kivala cha Pasia.

Haggai 1:14

Yahova yadinyiriza vandu kuyinzira ku Litembeli: Zerubabeli mwami wi Ivuyuda, Joshua musaalisi munene na vandu vosi vaali ni vatuli mu vuhaambe, vosi vatanga kuyinzira ku Litembeli lia Yahova Wuvunyali, Nyasaye wavo.

Vahebraina 10:23

Gendi kugumiri vudinyu lisuuvira lietu vugira lihayahaya, kigira Nyasaye walomba lilagana yili aveeye musuuvirifu.

1 Samweli 26:19

Mwami munene wange, huliriza ku cha nyenya mbore? Niiva ni Yahova okoli ivi unzikiruki, ikihaanwa kuye kilamukola agirung'anyie zing'anagani zizie; navuzwa niiva na vandu vakoli yaga, kilaamo cha Yahova kivagwiri. Kigira vamali kungunga kutura mu kivala cha Yahova kuzia mu kivala uwa inzi nyara vuzwa kusigamira vanyasaye vageni