2 Kyetsinyinga 36:16 - KITABU KITAKATIFU

¹⁶ Navuzwa vakolera vaporofeti va Nyasaye, kehenyahenye nivahuhiza makuva geege kandi nivavasekeliza, Kuduuka lwu vutima vwa Yahova vwavuukira avandu veve na sihali ho nichokohonyia mba.

2 Kyetsinyinga 36:16 ပူးပေါင်းရင်းမြစ်များ

2 Avami 2:23

Elisha yatura Jeriko juzia Bezeli, na lwa yaali kunzira nazizaa, avayaayi valala vatura mu lidaala, ni vamukolera kehenyahenye.

1 Kyetsinyinga 19:4

Kunangwa Hanuni yagumira avatumwa va Daudi, navega zinderu ziavo kandi nataandula zinguvu ziavo kutura kwigoti kuduuka ku kisindi, ma navakunga.

2 Kyetsinyinga 24:19

Yahova yatuma avaporofeti kuveganihiza viirane kuye, navuzwa avandu si vamuhulira mba.

2 Kyetsinyinga 30:10

Vatumwa vi zibarwa vazia kutura mu vuli lidaala linene muvivala vie zihiiri zia Efuraimu na Manase, kandi kuduuka Ivaale ku ihiiri ya Zabuloni, navuzwa avandu vaavaseka kandi nivavakolera kehenyahenye.

Ezara 5:12

Navuzwa kigira avaguuga viitu vaakora Nyasaye wi ligulu kuva nu vutima, yavakola nivaguutwa nu mwami Nebukadineza wa Babiloni, mwami wa Kalideani. Yadiviza Litembeli kandi navugura vandu naavahira Babiloni mu vuhambe

Nehemia 9:26

“Navuzwa avandu vovo vibaara kandi nivavula kukuhulira vasuura kuhulira Lilaga liilio. Vita avaporofeti avaviganihiza, avavavolera viirane ku ivi vaanyega ivi vuli ing'inga.

Nehemia 9:30

Ivi wikuzira kuvo ku mihiga minyingi. Waviganihiza mu vwikuziri vunyingi. Wakola avaporofeti vovo komoloma. Navuzwa vasuura kuhuliriza, kunangwa ivi waleka vaguutwi na avandu vizihiiri zindi.

Zaburi 35:16

Kuli avandu vakolera mulema kihenyahenye, vaadiedieyiza amiinu mu lindunyira.

Zaburi 74:1

O, Nyasaye, kigira ki okoleki ligali kuli ndi? Kigira ki usinyikiraa avandu vovo?

Tsing'ano 29:1

Mundu ugayangwa vuli kazozo navuzwa avula kuhulira, aladivizwa vwangu ligali vugira kohona.

Tsing'ano 6:15

Kigira yaga, kivi kiladuuka kuvo vugira kumanya, nonoho valadivizwa ligali.

Isaya 28:22

Mutaseki lieganihiza lia muheezaa mba! Niiva mulakola ndio, vulave vudinyu ligali ku munyi kohononoka. Mali kuhulira litovola lia Yahova Wuvunyali aganagana kudiviza kivala choosi.

Isaya 5:4

Keveeye ho ni kindu chandavula kokora mu kizabibu yiki? Kunangwa, kigira ki mizabibu jamaa mazabibu malulu havogono vwa mazabibu malahi?

Isaya 57:4

Muganaganaa mukoleraa vwaha kehenyahenye? Nivwaha wa vavehi munyi mukiniraa?

Isaya 65:12

Munyi vosi muliitwa ni kivavi, mulinama na mulasinzwa, kigira, lwa ndamulanga si mwahaana amativuli mba, kandi lwa ndamoloma ku munyi, simwahulira mba, navuzwa mwakora agaveeye amadamanu imbiri wange, kandi mwatovora agandavula kuyaanzizwa nago.

Jeremia 13:10

Avandu vadamanu yava vasuuye kutia inzi. Vamala kuva avahindagirizi kandi avachamu kuli maziambiri, kandi vamala kusigamira nukuyinzilira avanyasaye vandi. Kulwayago valava kuli zimbala yizi zitaveeye zindahi mba.

Jeremia 20:7

O, Yahova, ivi wangada, na inzi ndaahulira. Ivi oveeye ni zinguru kuvita inzi, kandi umali kunguuta. Vuli mundu yasekeriza, vaangolera kehenyahenye vuli lidiku liosi.

Jeremia 20:8

Lwa molomanga, nzanira ku ivi kandi mbanzukanga, “Kirage! Kandi vwoneku!” Yahova, inzi mali koleganywa kandi kokolelwa kehenyahenye vuli ing'inga kigira nandizaa likuva liilio.

Jeremia 30:12

Yahova avolera avandu veve, “Zingwago zienyu sizinyala kohona mba, zingwagu zienyu sizinyala kohona mba.

Jeremia 32:3

Mwami Zedekia yaali ni yangoli kuva muhambe, kandi niyanzaala kovora ndi, inzi mboraa ndi Yahova avoora, “Inzi ndahaana lidaala linene yili ku mwami wa Babiloni,

Jeremia 32:33

Vamali kugirung'ana kutura ku inzi, kali niiva ndaazizagilira kuvigiza, navuzwa si venya kuhulira kandi kwiga mba.

Jeremia 38:6

Kunangwa vambugura ni vamboha ku migoye ma nivanzikiza mu vogo vwa Malikia mwana wu mwami, uvwali mu mugizi gwi inyumba yu vwami. Amazi sigali mu vogo yivu mba, navuzwa ovodohi uvwere, na ndiyina musi mu vodohi.

Jeremia 42:18

“Yahova, Nyasaye wa avandu va Isiraeli avoora, ‘Kuli uvutima vwange uvululu vwali ku avandu va Jerusalemi, nindio uvutima vwange uvululu vulakave ku munyi niiva mulazia komenya mukivala cha Egebeti. Mulava avandu vu kutihizwa, vokonyegwa kandi vikilaamo. Simulakalole kivala yiki kandi mba.’ ”

Danyeli 9:6

Si kwahuliriza kutura ku vatumikiri vovo avaporofeti mba, avamolomaa mulieta liilio ku vami viitu, avamihi viitu, avavaguuga viitu kandi avandu vi kivala chiitu choosi.

Kyavalevi 26:15

Niiva mulasuura kuhulira malago gange ni lilagana liange lia ndalomba nimunyi,

Matayo 23:34

Kigira yaga, inzi nziza kuvatumira avaporofeti, avageri na avigizi; munyi muliita valala, muvambe avandi, kandi avandi mulavakubagira mu masinagogi ginyu nu kuvadambiza mu madaala goosi.

Matayo 5:12

Muyanze kandi musangare ligali, kigira amadanyi ginyu gaveeye amanene mwigulu; nindio vadambiza avaporofeti avaari imbiri winyu.

Luka 16:14

Lwa Avafarisayo vahulira, amakuva yaga goosi, vaakolera Yeso kehenyahenye kigira vayaanza mabese.

Luka 18:32

Kigira alahaanwa ku avandu vizihiiri, navo valamukolera kehenyahenye, kandi vamunyege nu kumutuzira amate; valamukuya nizingova, kandi valamwita.

Luka 23:11

Herodi harara navasikari veve vachaya ni vaviika Yeso mu zisoni, nivamukolera kehenyahenye. Vaviika Yeso iganza indahi yuluyali ma nivamwiranyia wa Pilato.

Luka 23:36

Avasikari kandi navo vamukolera kehenyahenye. Vaza ku Yeso nivamuha isiki induru anwi.

Luka 6:23

Ing'inga yene yeyo, munyi musangare nukukina nuvuyanzi kigira, heenzi ligali madanyi ginyu gaveeye manene mwigulu Kigira nindio avaguuga vaavo vakolera avaporofeti.

Vikolwa 13:41

‘Huliri, munyi avachayi, mugenye ma mudivi! Kigira icha ngolaa kalunu mu madiku ginyu, ni cha munyi mutanyala ligali kusuuvira, kali lwu mundu ava namuvolera.’ ”

Vikolwa 17:32

Navuzwa lwa vahulira Paolo navoora makuva gi lisimuguka lia avakuzu, avalala kuvo eseko yaali ivamale; navuzwa avandi vavoola, “Kulayaanza kukuhulira kandi ku likuva yili!”

Vikolwa 2:13

Navuzwa avandi vakolera avasuuviri kehenyahenye, ni vavoola, “Avandu yava vakuhambika malwa mahia!”

Vikolwa 7:52

Yaali ku ho nu muporofeti wa avaguuga vinyu vavura kudambiza? Vita avatumwa va Nyasaye, avalandiza ku maziambiri iliiza liu Mutumikiri mulungi. Na kalunu, munyi mumali kumuzaama nu kumwita.

1 Vatesalonike 4:8

Kunangwa, uyu usuulanga amigizu yaga siasuraa mundu, navuzwa asuraa Nyasaye, uhaanaa kumunyi Roho weve Mutakatifu.

Vahebraina 11:36

Avalala vakolerwa kehenyahenye kandi nivakuywa, na vandi vavofa niminyororo kandi nivaviikwa mu vuhambe;

Vakalagi 2:17

Navuzwa vandu va Isiraeli sivahulira vakalagi vaavo mba. Sivali vasuuvirifu ku Yahova mba navuzwa vaasigamira vanyasaye vandi. Avaguuga vaavo valonda amalago ga yahova, navuzwa ilikula lihia liivilira kolola ndio.