2 Kyetsinyinga 36:14 - KITABU KITAKATIFU

¹⁴ Komeeda ku gene yago, aviimiliri vosi vi Ivuyuda, avasaalisi, kandi avandu vosi valonda liiva lio vwoni lia vizihiiri vavakumbiriza; mu lisigamira vifananyi viukuvihiliriza kunangwa vonogonyia Litembeli lia Yahova mwene yatakasa mu Jerusalemi.

2 Kyetsinyinga 36:14 ပူးပေါင်းရင်းမြစ်များ

2 Kyetsinyinga 28:3

Yasamba kimuli mu Livona lia Hinomu, kali yahaana avayaayi veve kuli visiuviliru viukusambira misambwa, kolondekana ni likora liukuvihiliriza lie zihiiri zia Yahova yakunga kutura mu kivala imbiri wa avandu va Isiraeli.

2 Kyetsinyinga 33:9

Manase yaachaminya avandu vi Ivuyuda kandi avaamenya mu Jerusalemi okokora vwoni vonene kali kuvita uvwakolwa ni zihiiri zia Yahova yadiviza imbiri wavo.

2 Kyetsinyinga 34:24

Yahova avoora ndi, “Nda kuya Jerusalemi yoosi harara na vandu vosi avamenyi mu, ni vilaamo kuli gang'odwa mu kitabu chi lilaga cha somwa imbiri wu mwami wi Ivuyuda.

2 Kyetsinyinga 36:13

Zedekia yibaala ku mwami Nebukadineza, uwaali naamunigi yisuhi mu lieta lia Nyasaye ndi alava musuuvirifu kuye. Kigira kirage chiche ya suraa kwiganira kandi kwirana ku Yahova Nyasaye wa Isiraeli.

2 Kyetsinyinga 36:15

Yahova Nyasaye wa vaguuga vaavo yaazizagilira kutuma avaporofeti ukwiganihiza avandu veve kigira yenya kuvahonyia kandi kosoola Litembeli lilie.

Ezara 9:7

Kutura mu madiku ga vaguuga viitu kuduuka lero, kunyi avandu vovo, kwakora uvwoni vonene ligali. Kigira uvwoni vwitu, kunyi harara na vami viitu kandi avasaalisi viitu kumali kuvikwa mu zinguru zia vami vi vivala vigeni. Kumali kwitwa, kunuurwa kandi kuhilwa ihale kuli avahambe. Kumali kuvikwa mu zisoni ligali kali kuduuka na lero.

Jeremia 32:34

Kali vaviika vifwananyi viavo viu kuvihiliriza mu Litembeli liumbakwa kigira lisigamira, kandi vamali kuliononyia.

Jeremia 32:35

Vamali kwumbakira Baali uvwali mu livona lia Hinomu, vaduuki kuhaanira umunyasaye Moleki avayaayi vaavo kandi avakaana vaavo vave kuli visiuviliru. Inzi si ndaavalaga vakole yaga mba, kandi si gaali ku kali muziganagani ziange vakole vindu kuli yivi nokolomba avandu vi Ivuyuda kokora uvwoni mba.”

Jeremia 38:4

Maku vatumikiri vazia ku mwami ni vamuvolera, “Mundu uyu gaduukanaa yiitwi. Limoloma makuva kuli yaga liloomba avasikari mu lidaala kohenda mwoyo, kandi avoora makuva malala mere ku avandu vosi avatigara mu lidaala yili. Siagelizaa kokonya avandu mba, navuzwa agelizanga kuvasaliriza.”

Jeremia 5:5

Ndazia ku avandu vaveeye nuvunyari, kandi ndamoloma navo; kigira vamanya aga Nyasaye wavo yenya, kandi aga Yahova yenya vakole.” Navuzwa vosi vamali kusura zinguru zia Yahova, kandi si venya kumuhulira mba.

Jeremia 5:6

Kulwayago avasigu valaza kutura mu militu kuli zisimba nukuviita, kandi valaza kulia vivwi kutura mu changalangwi nu kuvatandulanyia mu vidonye. Avasigu yava valavagoneka kuli zingo mu madaala gaavo. Niiva avandu yava valatura ichova, valatandulanywa mu vidonye kigira uvwoni vwavo voveeye uvunyingi. Vuli ing'inga vagirung'ana kutura ku Nyasaye.

Ezekieli 11:12

Munyi mulakamanye ndi inzi mbeeye yahova kandi simwalonda malago givivala viveeye ahimbi ni munyi mba, mwavunanyia malago nukuvula kutia malagano gange.”

Ezekieli 22:6

Heenzi kuli aviimiliri vosi va Isiraeli avaveeye mu munyi kuli vatumikira zinguru ziavo kwita.

Danyeli 9:6

Si kwahuliriza kutura ku vatumikiri vovo avaporofeti mba, avamolomaa mulieta liilio ku vami viitu, avamihi viitu, avavaguuga viitu kandi avandu vi kivala chiitu choosi.

Danyeli 9:8

O, Yahova, kunyi kandi avami viitu, avayaayi va vami kandi avaguuga viitu, koveeye mu zisoni kigira kwakora uvwoni ku ivi.

Kyavalevi 19:30

Mulindi Lisabato, kandi muhaane luyali havundu ha inzi sigamirwa. Inzi mbeeye Yahova.

Mika 7:2

Sihaveeyeho nu mundu mulungi utigaye ku lirova mba, sihaliho nu mulala oveeye musuuvirifu ku Nyasaye mba. Vosi vagoneka vaduuki kwita. Vosi vahimana nu mutego.

Kwidzulitsa 18:9

“Lwu muduuka mu kivala cha Yahova Nyasaye winyu amuhezaa, mutalonda miima nilikola lidamanu lia vandu vi zihiiri vaveeye mu mba.