2 Kyetsinyinga 36:10 - KITABU KITAKATIFU

¹⁰ Ing'inga yi imbura yu kutanga mu muhiga, lwa Jehoyakini yaali mwami Nebukadineza yaahira Jehoyakini mu Babiloni muvuhambe, kandi navugura viju viu vuguli vwigulu kutura mu mavikiru gi Litembeli lia Yahova. Maku Nebukadineza yavika Zedekia amwavo Jehoyakini kuva mwami wi Ivuyuda na Jerusalemi.

2 Kyetsinyinga 36:10 ပူးပေါင်းရင်းမြစ်များ

2 Samweli 11:1

Mu ing'inga yi vitagwa vimera, lwa avami vanene vazizaa mu liihi kazozo, Daudi yatuma Joabu na avanene veve kandi ni liihi lia vandu va Isiraeli kuzia mu vulwani. Vaguuta vandu va Amoni kandi nivakumbiriza lidaala linene lia Raba. Navuzwa Daudi mwene yaatigara mu Jerusalemi.

2 Avami 20:17

ing'inga yiza lwi vindu viosi munyumba yooyo yu vwami, vindu viosi via vaguuga vovo vaali ni vamala kuviika kuduuka lero, vilagingwa nu kuhilwa Babiloni. Si halava ni kilitigala mba.

2 Kyetsinyinga 36:18

Mwami Nebukadineza wa Babiloni yalaanya Litembeli, livikiru lie Litembeli kandi uvutugi vwu mwami harara nu vwa vanene veve, ma nazia nivindu viosi Babiloni.

2 Kyetsinyinga 36:7

Mwami Nebukadineza yaginga vindu vilala mu mavikiru gi Litembeli, lia Yahova naahira munyumba yeeye yu vwami mu Babiloni.

Esther 2:6

Lwu mwami Nebukadineza wa Babiloni yavugula mwami Jehoyakini wi Ivuyuda kuzia mu vuhambe kutura jerusalemi, harara numuganda gwa vahambe, Modekai yaali mulala kuvo.

Isaya 39:7

Valala ku avana vovo valavugulwa nu kuhilwa ihale kandi valakolwa kuva viziri viu kutumika munyumba yu mwami wa Babiloni.”

Jeremia 20:5

Ndaleka avasigu vaavo valalanya vutugi vwosi vwi lidaala linene kandi valagumira uvutugi ni miandu josi ji lidaala linene, kali na amaviikiru ga avami vi Ivuyuda, kandi valaginga vindu viosi nu kuvihira mukivala cha Babiloni.

Jeremia 22:25

nu kukuviika ku avandu va ivi utizanga, avandu venya ku kwita. Ndakuviika mu zinguru ziu mwami Nebukadineza mwami wa Babiloni harara na avasikari veve.

Jeremia 24:1

Yahova yamanyia vihinda viviri via Makuyu ni viviikiywi imbiri wi Litembeli. Yaga gaali lwu mwami Nebukadineza wa Babiloni yaali ni yakahila mwami Jehoyakini wi Ivuyuda, mwana wa Jehoyakimu kuli umuhambe kutura Jerusalemi kuzia Babiloni, harara na aviimiliri vi Ivuyuda, na avasiza kandi avaturi vi miyinzi.

Jeremia 27:16

Maku ndaavolera avasaalisi harara na avandu aga Yahova yaali navooye: “Mutahuliriza amakuva ga avaporofeti avavooraa ndi mavikiru gi Litembeli galilanywa vwangu kutura Babiloni. Vavoola amakuva gu vugadi ku munyi.

Jeremia 28:3

Ku ing'inga yi mihiga 2 ndilanyia havundu hano mavikiru goosi gi Litembeli gu mwami Nebukadineza yaahira Babiloni.

Jeremia 37:1

Mwami Nebukadineza wa Babiloni yakola Zedekia mwana wa Josia kuva mwami wi Ivuyuda mu vogono vwa Jehoyakini mwana wa Jehoyakimu.

Ezekieli 1:2

Gwaali muhiga gwa katano lwu mwami Jehoyakini yaali nahiliywi mu lihaminywa.

Ezekieli 17:12

“Oteeve avandu vukwibaara yava ndi: munyi mwamanya lugano yilu chalovoolaa? Uvavoolere ndi, Mwami wa Babiloni yaza Jerusalemi ma navugura Mwami harara navatumikiri veve navahira Babiloni.

Ezekieli 17:6

Kitagwa yiki chaamera, nikitavalara kandi nikivaambalara ma nikigwa muzabibu gwa makuyu. Zisia ziagwo ziaviruka kuzia igulu windizu yaali kandi niguhila imiri mu malova ligali. Muzabibu yigu gwazizagilira komeeda zisia kandi amatu manyingi ligali.

Danyeli 5:2

Lwa vaali nivanweza iwaini, mwami Belishaza yahaana lilago valeete vikombe kandi zibakuli zia lombwa kuzahabu ni feza via baba weve Nebukadineza yaginga kutura mu Litembeli ha Jerusalemi. Mwami Belishaza yatumana vizi kunangwa vandu vu munyumba yu vwami, vakali veve kandi vakali veve vayavika vaduuki kuvitumikira mulinwa iwaini.

Danyeli 5:23

Oveeye ni liegingira ku Yahova wu mwigulu, kandi wavugula viju kutura munyumba ya Nyasaye wavileeta imbiri woovo. Wavihaana ku vandu vu munyumba yu vwamihi, avakali vovo kandi vakali vovo vaviika vanweramu iwaini. Wizominya avanyasaye valombwa kutura ku ifeza, izahabu, magina gu mugasa, vivia, misaala kandi magina; vanyasaye vatalolaa anoho kuhulira anoho vatamanyi, navuzwa si wahaana luyali ku Nyasaye oveeye ni litovola ku limenya anoho likuza mba; kandi oveeye nu vunyali ku vindu viosi via okolaa.

Habakuk 1:10

Vachaaya vami kandi vasekeriza vaamiihi. Sihaveeye ho ni imbinga inyala kuvigalira mba. Vavungizaa kumalova ma vagivugula.