2 Kyetsinyinga 35:6 - KITABU KITAKATIFU

⁶ Mwiti vimeme vie Lipasaka, kandi mwitakase, kandi mulombere visiuviliru kuhangwa avandu va Isiraeli vache vinyu vaduuki kolonda malago ga Yahova yahaana ku Musa.”

2 Kyetsinyinga 35:6 ပူးပေါင်းရင်းမြစ်များ

Litanga 35:2

Kunangwa Yakobo yavolera vandu vinyumba yeeye harara na vandi voosi vaali naye, “Muleke avanyasaye avageni avamuveeye navo; mwitakase munyi aveene ma mwiviki zinguvu zi ndahi.

1 Kyetsinyinga 15:12

Yavavolera, “Munyi muveeye aviimiliri vi viliango mu ihiiri ya Levi. Kuduuka munyi harara na vandu va Levi vache vinyu mwitakase, kunangwa muve avanyala koleta Lisandugu lie Lilagana lia Yahova Nyasaye wa Isiraeli, liize havundu ha inzi mali kulilombera.

2 Kyetsinyinga 29:15

Avandu yava vavuganya avamwavo vaavo, ma niviitakasa aveene, na ni vazia mu Litembeli kuli mwami yaali naavalagi kolondekana ni lilaga lia Yahova liakutakasa Litembeli lia Yahova.

2 Kyetsinyinga 29:34

Navuzwa avasaalisi vaali vakekeeke, na si vaali vanyara konyenya zinyama ziosi zie vihaanwa via kusambwa mba. Avamwavo vaavo vandu va Levi vavakonya kuduuka miyinzi josi ni jimalirika, na gaduukira avasaalisi vaduuki kwitakasa aveene, kigira vandu va Levi vaali avasuuvirifu mu kwitakasa aveene kuvita avasaalisi.

2 Kyetsinyinga 29:5

ma navavoolera, “Muhuliri munyi vandu va Levi, mwitakase munyi aveene, kandi mutakase Litembeli lia Yahova, Nyasaye wa avaguuga vinyu. Mutulize mu Litembeli vuli kindu kitali kinifu hatakatifu ha Yahova.

2 Kyetsinyinga 30:3

Si vaali vanyara kulilomba ku ing'inga ya kazozo, kigira avasaalisi vaali nivakiri kwitakasa aveene kandi avandu vaali nivakikiri kuvugana harara mu Jerusalemi.

2 Kyetsinyinga 35:1

Mwami Josia yalaga avandu kolomba lilia lie Lipasaka mu Jerusalemi mu lihaana uluyali Ku Yahova; ku lidiku lia 14 liu mweli gwu kutanga, vita vimeme.

2 Kyetsinyinga 35:11

Hene yaho, vita vimeme via magondi ni zimburi ku Lipasaka, na vasaalisi vavugura amasahi ga zio nivuuha ku vwali na vandu va Levi nivanyeenya zinyama zia zio.

2 Kyetsinyinga 35:7

Mwami Josia yahaana vimeme na vana va magondi kutura mu chayo chiche 30,000, nizimbuli kandi zigiriki 3,000 kutura ku miandu jije ju vwami kuli kihanwa chi Lipasaka ku vandu vosi avaari ho.

2 Kyetsinyinga 5:11

Lwa vasaalisi vosi vaali nivatulaa mu Litembeli, vaali niviitakasi aveene, vugira kumanyikana ku miganda jaavo.

Ayubu 1:5

Lwa madiku gi lilia gakung'anaa, Ayubu yavatumanaa vaze kuye avatakase. Yavuka mugambazuri Mumavwevwe nukuhaana visiuviliru Viukusambwa kuli livaliza liavo kigira yaganagana, “hawundi avana vange vakoli uvwoni nokonyega Nyasaye mu mioyo jaavo vugira kusaavira.” Ayubu yakola ndio kazozo.

Zaburi 51:7

Tuliza ho uvwoni vwange, na inzi ndava munifu. Onzogize, na inzi ndava mulavu kuvita likonza.

Kutwula 12:6

Maku ha mugolova gwi lidiku lie likomi na jane liu mweli, avandu vosi va Isiraeli valiita mitugu yijo.

Kutwula 19:10

Yahova yamuvolera, “Zia ku avandu yavo uvavoolere vahonge kalunu na mugamba niviitakasa ku lisigamira. Kuduuka vafuyi zinguvu ziavo

Kutwula 19:15

Kandi Musa yavavolera, “Mwetegekere lidiku lia gavaga kutura kalunu kandi mutava harara nu mukali ku ing'inga yeyo mba.”

Joeli 2:16

Vungiza vandu harara; uvetegekize kulivugana litakatifu; oleete avakulundu; vungiza avana kandi nizindanya. Kali aviha vaserereywi valeke zinyumba ziavo vaze.