2 Kyetsinyinga 35:3 - KITABU KITAKATIFU

³ Kandi mwami yavolera vandu va Levi avaari vigizi mu Isiraeli yoosi, kandi avaari avatakase ku Yahova; “Muviiki Lisandugu litakatifu lie lilagana lia Yahova, mu Litembeli lia Solomoni muyaayi wa Daudi mwami wa Isiraeli yumbaka. Mutaligi kandi ku mavega ginyu kutura yaaha na ahamba. Kalunu mutumikiri Yahova Nyasaye winyu, kandi avandu veve Isiraeli.

2 Kyetsinyinga 35:3 ပူးပေါင်းရင်းမြစ်များ

1 Kyetsinyinga 23:26

Kunangwa si haali ni lienya lia vandu va Levi kugingaginga Lihema liu kuvuganira mu na Yahova harara ni viju vitumikaa mu lisigamira kutura yaaha na harara mba.”

2 Kyetsinyinga 17:7

Mu muhiga gwa kavaga gwi liamiiha lilie, yatuma avanene veve yava kuzia kwigiza mu madaala manene goosi gi Ivuyuda: Benihaili, Obadia, Zakaria, Nezaneli na Mikaya.

2 Kyetsinyinga 30:22

Hezekia yizominya vandu va Levi vosi kigira limanya lilahi liavo mu liemilira lisigamira Yahova. Kunangwa avandu valia viukulia vie Lisavo ku madiku saba nivahaana visiuviliru vie mirembe kandi nilihaana lisandiza ku Yahova Nyasaye wa vaguuga vaavo.

2 Kyetsinyinga 34:14

Lwa vaali nivatulizaa mabesa kutura mu livikiru lie Litembeli, musaalisi Hilikia yanyoora kitabu chi Lilaga lia Yahova, Lilaga lia Nyasaye yaaha Musa.

2 Kyetsinyinga 5:7

Maku vandu va Levi vaginga Lisandugu lie Lilagana lia Yahova ni valihila mu Litembeli nivaliviika Havundu Hatakatifu ligali.

2 Kyetsinyinga 8:11

Solomoni yaatuliza mukali weve, mukaana wu mwami wa Egebeti kutura mu lidaala linene lia Daudi na muleeta munyumba yu vwami ya yaali na mwumbakiyi. Yavoola, “Umukali wange atamenyaa munyumba ya Daudi mwami wa Isiraeli mba, kigira havundu hoosi hi Lisandugu lie Lilagana lia Yahova liaveyange, haveeye Hatakatifu.”

Kutwula 32:29

Musa yavolera vandu vi hiiri ya Levi, “Lidiku yili mumali kwivika halovega kuli vasaalisi mu vutumiki vwa Yahova kuliita vuli mundu muyaayi weve, amwavo weve kunangwa Yahova amuhe uvugasu vwivwe.”

Malaki 2:7

Miyinzi ja vasaalisi nu kwigiza agaveeye gagiligali ga Nyasaye. Avandu gavadukiraa vazie kuvo kwiga liiva liange, kigira vaveeye vatumwa vange.

Livalidza 8:19

Mali kuhaana ihiiri ya vandu va Levi vave kuli kihanwa ku Haruni harara na vayaayi veve hagati ha vandu va Isiraeli. Valakola miyinzi mu Lihema havogono vwa vandu va Isiraeli, valakinga vandu va Isiraeli kutura ku kivi choosi chu vulwaye vudamanu ligali, niiva valisunda himbi na havundu Hatakatifu.”

2 Vakorintho 4:5

Kunyi sikwilwazaa makuva giitu vene mba, navuzwa kwilwazaa Yeso Kristo oveeye Mwami, na kunyi aveene koveeye avatumikiri vinyu kulwa Yeso.

Kwidzulitsa 33:10

“Valigiza avandu vovo kuhulira Lilaga liilio; valahaana visiuviliru ku vwali vuvwo.