2 Kyetsinyinga 35:22 - KITABU KITAKATIFU

²² Navuzwa mwami Josia yaali nasaviiyi kulwaana mwami Neko. Mwami Josia siyenya kuhulira ga Nyasaye yavoola kuye kuvitira ku mwami Neko. Maku mwami Josia yigilung'anyia navula kuva mu liiva liu mwami, natura kuzia mu vulwani mu kereremo cha Megido.

2 Kyetsinyinga 35:22 ပူးပေါင်းရင်းမြစ်များ

1 Avami 14:2

Jeroboamu yavolera mukali weve, “Mwaza, yigirung'anyie wekole munduwundi kunangwa mundu uvuli kumanyikana ndi oveeye mukali wange, na uzie Shilo, wu muporofeti Ahija amenyaa, kigira niyie wavoola ndi inzi ndava mwami wa Isiraeli.

1 Avami 22:30

Ahabu yavolera Jehoshafati, “Lwa na kove nikuzizaa mu vulwani, inzi ndigirung'anyia mburi kumanyikana, navuzwa ivi wiviki zinguvu zizio ziu vwami.” Kunangwa mwami Ahabu wa Isiraeli yingira mu vulwani ni yigirunganyi.

1 Avami 22:34

Musikari wa Siria yalasa muvano gwu vuta vwamanya nivutumita mwami Ahabu hagati huvwungilu vwi isalamba yeeye. Yakuba lwanga navolera muhiri wi ligare lilie lie liihi, “Ndasiywi vudamanu ligali! Girung'ana na undulizi ichova wi liihi!”

2 Avami 23:30

Vanene veve vaviika muviri gwigwe ku ligare liu vulwani ma ni vagwilanyia mu Jerusalemi, nivamuyavira mu vilindwa via vami. Vandu vi Ivuyuda vatovora muyaayi wa Josia walangwa Joahazi nivamuvaka amaguta kuli mwami wi Ivuyuda.

2 Avami 9:27

Lwa Ahazia, mwami wi Ivuyuda yalora ichaali ni chekoleki, yirukira kunzira izizaa mu lidaala lia Bezi Hagani. Jehu yamulondelera, nahanzuka, “Mwiti kandi.” Vamulasira losere mu ligare lilie kunzira yanigiraa kuzia Guri ahimbi ni lidaala lia Ibuleamu, navuzwa yirukira Megido ma nakuzira yo.

2 Kyetsinyinga 18:29

Ahabu yavolera Jehoshafati, “Lwa kuzia mu vulwani, inzi ndigirung'anyia kuva mundu wundi vuzwa, navuzwa ivi wiviki zinguvu zizio ziu vwami.” Kunangwa mwami wa Isiraeli yingira mu vulwani mu liegirung'anya.

2 Kyetsinyinga 35:21

Navuzwa mwami Neko yatuma makuva yaga ku mwami Josia kumuvolera, “Vulwani yivu sivoveeye kigira ivi mwami wi Ivuyuda mba. Inzi sinzizi kulwaana ivi, navuzwa kulwaana avasigu vange, na Nyasaye yamboleeye ngole vwangu, kigira aveeye harara na inzi. Kulwayago, utahing'ana na inzi mba, gase alakudiviza.”

2 Kyetsinyinga 35:23

Lwu vulwani vwali ni vuzizagiliraa mulala ku vasikari va Egebeti yatooza mwami Josia nu vuta. Mwami Josia yavolera avatumikiri veve, “Mbuguli mumbili, kigira mali kotoozwa nu kusalirizwa ligali!”

Jeremia 22:15

Gene yago, uyu kuva mwami mulahi ligali niiva alumbaka zinyumba zie misaala ji midaragwa zindahi ligali kuvita zia avandu vandi? Baba weve yaali ni limenya lilahi. Yaali wi likalaga lirungi kandi mulungi kazozo, kandi yagasizwa mu vindu viosi via yakola.

Zekaria 12:11

Ing'inga yene yeyo lisioma mu Jerusalemi lilakave linene ligali kuli lisioma lia ‘Hadadi Rimoni’ mu kereremo cha Megido.

Joshua 17:11

Mugati mwi vivala via zihiiri zia Isakari na Asheri, Manase yaali na madaala manene ga Bezishani, Ibuleamu, Dori liali kunyanza, Endori, Tanaki, na Megido harara na madaala gagakumbiriza.

Joshua 9:14

Avandu va Isiraeli vavugilira vilala ku viukulia, navuzwa sivateeva likuva kutura ku Yahova mba.

Likunula 16:16

Kandi imioyo midamanu jaleeta avami vanene harara ahalangwa mu Luheburaina Arimagedoni.

Vakalagi 5:19

Ha Tanaki ahimbi na mazi ga Megido, avami vaza nivalwana; avami va Kanaani valwaana, navuzwa sivavugula ifeza mba.

1 Samweli 28:8

Kunangwa Saolo yegoyanya; Yiviika zinguvu zindi, kandi lwa isi yaali ni ya ka mwama, yazia harara na vandu veve vaviri kolola mukali zana. Yamuvolera, “Ondevere misambwa na ombolere kizizaa kwekoleka. Nangila chiriri u chu mundu wa inzi manya mutale.”