2 Kyetsinyinga 35:15 - KITABU KITAKATIFU

¹⁵ Avimbi, visukululwi via Asafu, vaali mu vogono vwavo kolondekana na malago gu mwami Daudi, Asafu, Hemani na Jeduzuni muporofeti wu mwami. Navuzwa avalindi vi virivwa vie Litembeli vaali ha vuli kirivwa. Sivali ni lienya kutura ku vutumwa vwavo mba, kigira vandu va Levi avamwavo vaavo vavalombera lilia liavo lie Lipasaka.

2 Kyetsinyinga 35:15 ပူးပေါင်းရင်းမြစ်များ

1 Kyetsinyinga 23:5

4,000 valava valindi vi virivwa, na 4,000 valakuminya Yahova nivatumikira viju viu kwimbira mu via inzi mali kuvaha.”

2 Kyetsinyinga 30:16

Vaavugura ovogono vwavo vwa kazozo mu Litembeli kolondekana na malago gi Lilaga lia Musa, mundu wa Nyasaye. Vandu va Levi vaahana masahi gi visiuviliru ku vasaalisi, avamanya nivaguuha ku vwali.

2 Kyetsinyinga 35:14

Inyima wa yaga kokoleka, vandu va Levi velombera aveene harara na avasaalisi visukululwi va Haruni zinyama ziavo, kigira avasaalisi vakora miyinzi ju kuhaana vihaanwa viu kusambwa kandi ni vihaanwa viu kusambwa vie zitinya kuduuka zing'inga zia vudiku.

2 Kyetsinyinga 35:16

Maku, kuli mwami Josia yaali nalagi, vindu viosi viekoleka ku lidiku liene yilio, kigira lisigamira lia Yahova, kolomba lilia lie Lipasaka, kandi kuhaana vihaanwa viu kusambwa ku vwali.

2 Kyetsinyinga 8:14

Kolondekana na malago ga baba weve Daudi yaali na viiki ho, Solomoni yalohiza miyinzi ja vuli lidiku ja Avasaalisi, vandu va Levi avakonyana na avasaalisi mu liimba zinyimbu kandi no kokora zigasi ziavo. Kandi yalohiza avasikari vi Litembeli mu vika kokora miyinzi jiavo jia vuli lidiku ha vuli kirivwa, kolondekana na amalago ga Daudi, mutumikiri wa Nyasaye.

Ezara 3:10

Lwa avandu vatanga kuviika muse gwi Litembeli, avasaalisi niviviiki zinguvu ziavo vaali muvogono vwavo nikisiriva mumakono gaavo. Avandu vinyumba ya Levi avihiiri ya Asafu vasingira ho nivikuli. Vizominya Yahova kolondekana amalago gavaahevwa kutura ing'inga yu Mwami Daudi wa Isiraeli.

Ezara 6:20

Avasaalisi vosi kandi vandu va Levi vaali niviitakasi aveene, kandi vaali avanifu. Kunangwa vita ligondi lie Lipasaka kusangalira lirana lia vandu vosi avaari ni vazia mu vuhambe, kandi kigira avasaalisi vache vaavo kandi kigira aveene.

Zaburi 77:1

Nzanira ku Nyasaye nu mwoyo gwange gwosi; Nzanira kuye vudinyu ligali, mbula yambulira.

Zaburi 78:1

O, munyi avandu vange, muhuliri amigizu gange, muhulirizi ligali icha mboraa.

Zaburi 79:1

O, Nyasaye, avandu vizihiiri vamali kwingira mu kivala chicho. Vamali kwononyia Litembeli liilio Litakatifu, kandi vakoli Jerusalemi kuva amang'anye.