2 Kyetsinyinga 34:8 - KITABU KITAKATIFU

⁸ Mu muhiga gwa 18 gwi liamiiha liu mwami Josia inyima wa yaali ni yakatakasa kivala ni Litembeli lia yahova, yatuma avasaza 3 kuzia kolomba hi Litembeli lia Nyasaye lialii nilioneki; vaali Shafani muyaayi wa Azalia, Maaseia mwamihi wa Jerusalemi kandi Joashi muyaayi wa Joahazi mung'odi munene.

2 Kyetsinyinga 34:8 ပူးပေါင်းရင်းမြစ်များ

2 Samweli 20:24

Adoniramu yaali munene wi miyinzi jukunigwa; Jehoshafati muyaayi wa Ahiludi munene wo kolohiza vindu mu mang'oda;

2 Samweli 8:16

Joabu uwa mama weve yaali Zeruya, yaali munene wi liihi. Jehoshafati muyaayi wa Ahiludi yasingiliri wi vindu viang'odwa.

1 Kyetsinyinga 18:15

Joabu, muyaayi wa Zeruya, yaali munene wi liihe; Jehoshafati muyaayi wa Ahiludi yavikwa kuva umung'odi.

2 Kyetsinyinga 18:25

Maku mwami Ahabu yalaga mulala ku vanene veve, “Gumiri Mikaya na mumuhile ku Amoni, munene wi lidaala linene kandi ku Joashi muyaayi wu mwami.

2 Kyetsinyinga 24:12

Mwami Joashi nu musaalisi Jehoyada vaavugura mabesa yaga nivaha yavo avasingilia miyinzi jo kolomba hi Litembeli lia Yahova liasasuguka. Venya avasaza vaari nu vusiza vwu kwumbaka, nu kuvaaza, kandi avaari nu vusiza vwu kuyinzira ni vivia kandi nu mugasa kolomba hi Litembeli lia Yahova liasasuguka.

2 Kyetsinyinga 24:5

Yalanga avasaalisi harara na vandu va Levi naavalaga vazie mu madaala manene gi Ivuyuda kosolola kutura ku vandu vosi mabesa gaduukaa gu kolomba hi Litembeli lia Yahova liali ni lia sasuguka vuli muhiga. Yavavolera vakole vwangu, navuzwa vandu va Levi si vakora vwangu mba.

Jeremia 21:1

Mwami Zedekia wi Ivuyuda yatuma Pashuri mwana wa Malikia nu musaalisi Zefania mwana wa Maaseia ku inzi kovora,

Jeremia 25:3

“Ku mihiga 23, kutura ku muhiga gwa 13 lwa Josia mwana wa Amoni yaali mwami wi Ivuyuda kuduuka ing'inga yiyi, Yahova umali kumoloma ku inzi, na inzi ndaamuvolera goosi agayaambolera. Navuzwa munyi si mwahulira mba.

Jeremia 26:24

Navuzwa kigira ndaali novokonyi kutura ku Ahikamu mwana wa Shafani, sindaviikwa ku vandu nukwitwa mba.

Jeremia 29:21

“Yahova Wuvunyali, Nyasaye wa avandu va Isiraeli, amali kovora kigira Ahabu mwana wa Kolaia na Zedekia mwana wa Maaseia, avavoora kumunyi ovovehi mu lieta lilie. Avoora ndi alamuviika mu zinguru zia Nebukadineza, mwami wa Babiloni, naye alaviita imbiri winyu.

Jeremia 29:25

Yahova Wuvunyali, Nyasaye wa avandu va Isiraeli avoora: Ivi waang'oda zibarwa mulieta lilie kandi watuma ku avandu vosi avaveeye mu Jerusalemi, kandi ku Zefania mwana wa Maaseia musaalisi, kandi ku avasaalisi vosi kovora:

Jeremia 29:3

Ndahaana Ibarwa yiyi ku Elasa mwana wa Shafani na Gemaria mwana wa Hilikia, avu Mwami Zedekia wi Ivuyuda yaali natumi ku mwami Nebukadineza wa Babiloni. Ibarwa yiyi yaali kuli ndi:

Jeremia 36:10

Maku, lwa avandu vosi vaali ni vahuliriza, Baruki yaasoma amakuva goosi kutura ku karatasi yaali nililingiywi kuli ndaali nimboye. Yakola yaga naveeye mu Litembeli, mu keng'oze cha Gemaria mwana wa Shafani, mung'odi wi keng'oze chu mugizi gwa higulu ahimbi nu vwingiliru vwi kirivwa kihia chi Litembeli.

Jeremia 39:14

vambugura kutura mu mugizi gwu mulindi wi inyumba yu vwami, ma nivambiika hasi hu vulindi vwa Gedalia, mwana wa Ahikamu, mwisukulu wa Shafani. Gedalia yalora ndi inzi nzie yengo nu murembe. Kunangwa ndaamenya uwene yeyo hagati ha avandu.

Jeremia 40:11

Lwa Avayuda vosi mu Moabu, Amoni, Edomu nivivala vindi viosi viahulira ndi mwami wa Babiloni yaleka vandu va Isiraeli valala kutigala mu Ivuyuda kandi vamali kotovola Gedalia mwana wa Ahikamu, mwana wa Shafani kuva umwimiliri wavo,

Ezekieli 8:11

Aviimiliri 70 va Isiraeli harara na Jaazania mwana wa Shafani vaali nivasingiyi imbiri wi vifananyi yivi. Vuli mulala kuvo yaali nagumiyi ikiju cha vasambiraku ivifunyaa umwayu, kandi umwochi gwatura ku vifunya umwayu, niguvuya kuzia mwigulu.