2 Kyetsinyinga 34:32 - KITABU KITAKATIFU

³² Mwami Josia yakola avandu vosi avaari mu Jerusalemi, kandi mu kivala cha Benjamini kulaga kugumira lilagana. Na ndio, avandu va Jerusalemi vahulira agadukanaa ni lilagana lia vaali ni valombi harara na Nyasaye wa vaguuga vaavo.

2 Kyetsinyinga 34:32 ပူးပေါင်းရင်းမြစ်များ

Litanga 18:19

Inzi mali kumutovola kunangwa aduuki kulaga avayaayi veve nivisukululwi vivie vaambuliri inzi kandi vakole agaveeye malahi kandi malungi. Niiva valakola, inzi ndamukolera vuli kindu chamali ku mulaga.”

2 Kyetsinyinga 14:4

Yalaga avandu vi Ivuyuda kolonda malago ga Yahova, Nyasaye wa vaguuga vaavo, nu kuhulira amigizu na malago geege.

2 Kyetsinyinga 15:12

Maku, valomba lilagana liu kusigamira Yahova, Nyasaye wa vaguuga vaavo, ni mioyo jaavo josi na Roho jaavo josi.

2 Kyetsinyinga 29:29

Lwa vamala kuhaana kihanwa, mwami harara na yavo avaari ho harara naye viinama ma ni vasigamira Yahova.

2 Kyetsinyinga 30:12

Nyasaye waali kandi na vandu vi Ivuyuda navahambanyia kuva kindu kilala vaduuki kokora agu mwami navana va vami valaga ku likuva lia Yahova.

2 Kyetsinyinga 33:16

Yumbaka vuhia uvwali aha Yahova yaasigamirwa, kandi yahaana visiuviliru viemirembe kandi vihaanwa vie lisandiza kuvwo. Yalaga avandu vosi vi Ivuyuda ukusigamira Yahova, Nyasaye wa Isiraeli.

2 Kyetsinyinga 34:31

Mwami yasingira ahimbi ni itiiru yu vwami, nalomba lilagana harara na Yahova, ku muhulira, nu kulinda amalago geege goosi, nu mwoyo gwigwe gwosi, kandi nokokola makuva kolondekana ni lilagana, kuli ga ng'odwa mu kitabu chi lilaga yicho.

2 Kyetsinyinga 34:33

Mwami Josia yononyia vifananyi viosi viukuvihiririzwa iviali muvivala via vandu va Isiraeli, kandi yakola avandu vosi avaari mu Isiraeli kutumikira Yahova Nyasaye wavo. Mu madiku goosi ga yamiha avandu va Isiraeli, vazizagilira kuhulira Yahova Nyasaye wa vaguuga vaavo.

Ezara 10:3

Kalunu, gakuduukiraa kolombe lilagana na Nyasaye wiitu ndi kulakunga avakali yava vosi harara na vana vaavo. Kulakola aga ivi kandi aga yavo avatia malago ga Nyasaye vakovolera kokole. Kulakola kolondekana ni lilaga lia Nyasaye.

Kohelethu 8:2

Utie lilago liu mwami, kandi utalomba lilagana lia vwangu ku Nyasaye mba.

Jeremia 3:10

Inyima wivindu yivi, Yuda amwavo utaveeye musuuvirifu, wa Isiraeli yagada vuzwayirani ku inzi; siyaali nagiligali mba. Inzi Yahova mali kovora.”