2 Kyetsinyinga 34:31 - KITABU KITAKATIFU

³¹ Mwami yasingira ahimbi ni itiiru yu vwami, nalomba lilagana harara na Yahova, ku muhulira, nu kulinda amalago geege goosi, nu mwoyo gwigwe gwosi, kandi nokokola makuva kolondekana ni lilagana, kuli ga ng'odwa mu kitabu chi lilaga yicho.

2 Kyetsinyinga 34:31 ပူးပေါင်းရင်းမြစ်များ

2 Avami 11:14

Mwene yimwo, yalora mwami muhia nasingiyi ahimbi ni itiru ha vwingiliru he Litembeli kuli gwaali umwima. Yakumbirizwa na vanene va vasikari kandi na vakubi vi visiliva, na avandu vosi vaali ni vahanzuka nu vusangali kandi ni vakuba visiliva. Hene yaho Azalia yatandula zinguvu zizie mu vovereri, nahanzuka; “Gaveeye vwibaali, uvwibaali!”

2 Avami 11:17

Jehoyada musaalisi yalomba mwami Joashi harara na vandu va Isiraeli ukwingira mu lilagana hagati haavo na Yahova ndi valava avandu va Yahova. Yalomba lilagana hagati hu mwami na vandu.

2 Avami 11:4

Navuzwa mu muhiga gwa saba, Jehoyada musaalisi yalanga avanene vu muganda gwa avasikari valinda uvwami, kandi avalindaa inyumba yu vwami navavoolera vaze kuye mu Litembeli; yavavolera vavugiliri ni liesuuha ku aga yalohizaa kokora. Yavamanyia muyaayi wu mwami Ahazia, Joashi

2 Avami 23:3

Na mwami yasingira ahimbi nitiru yu vwami, nalomba lilagana ku Yahova kumuhulira nu kulinda malago geege goosi, nu mwoyo gwigwe gwosi kandi ni liiva lilie liosi, kandi kuviika mu vikolwa lienya liosi lilondekana ni lilagana, kuli gang'odwa mu kitabu yicho. Na vandu vosi valaga kugumira malago.

2 Kyetsinyinga 15:12

Maku, valomba lilagana liu kusigamira Yahova, Nyasaye wa vaguuga vaavo, ni mioyo jaavo josi na Roho jaavo josi.

2 Kyetsinyinga 15:15

Avandu vi Ivuyuda vosi vasangala kigira vaali nivalombi lilagana liukwisuha ku Yahova Nyasaye wa Isiraeli mu mioyo jaavo josi. Vaavugura liiva liu kusigamira Yahova, na Yahova yavavugilira kandi navaha mirembe ku zimbega ziosi.

2 Kyetsinyinga 23:16

Musaalisi Jehoyada yalomba lilagana ndi Oyo, avandu, kandi umwami, valava avasuuvirifu ku Yahova Nyasaye.

2 Kyetsinyinga 29:10

“Na kalunu mali kotovola kolomba lilagana na Yahova, Nyasaye wa Isiraeli, kunangwa avuli kuva nu vutima nikunyi kandi mba.

2 Kyetsinyinga 30:16

Vaavugura ovogono vwavo vwa kazozo mu Litembeli kolondekana na malago gi Lilaga lia Musa, mundu wa Nyasaye. Vandu va Levi vaahana masahi gi visiuviliru ku vasaalisi, avamanya nivaguuha ku vwali.

2 Kyetsinyinga 31:21

Kandi miyinzi josi ja yakola mu vutumiki mu Litembeli lia Nyasaye kolondekana ni lilaga kandi namalago, kwenya Nyasaye weve, yakola nu mwoyo mulala. Na ku goosi ga yakola, yagasizwa.

2 Kyetsinyinga 34:32

Mwami Josia yakola avandu vosi avaari mu Jerusalemi, kandi mu kivala cha Benjamini kulaga kugumira lilagana. Na ndio, avandu va Jerusalemi vahulira agadukanaa ni lilagana lia vaali ni valombi harara na Nyasaye wa vaguuga vaavo.

2 Kyetsinyinga 6:13

Solomoni yaali naalombi kitalazi chu mugasa nakiviiki hagati hu mugizi. Kitalazi chene yiki chaali uvutambi nu vugika zimita 2.2 zimbega ziosi, na kuzia igulu chaali zimita 1.3. Solomoni yanina ku kitalazi chene yiki, nasigama ku havundu hu mundu woosi yaali anyala kumulora, ma naginga makono geege mwigulu.

Ezara 10:3

Kalunu, gakuduukiraa kolombe lilagana na Nyasaye wiitu ndi kulakunga avakali yava vosi harara na vana vaavo. Kulakola aga ivi kandi aga yavo avatia malago ga Nyasaye vakovolera kokole. Kulakola kolondekana ni lilaga lia Nyasaye.

Nehemia 10:29

kuhambanaa, na aviimiliri viitu mu liesuuha kandi isi wi linyola mageri gi kilaamo niiva kulavunaga liesuuha lietu, ndi kulamenya kolondekana ni Lilaga lia Nyasaye, lia yakuha ku Mutumikiri weve Musa; ndi kulahulira goosi aga Yahova, Nyasaye wiitu, akulagaa kokole, ma kandi malago geege goosi kandi nilienya lilie liosi.

Nehemia 10:30

Kunyi sikulaleetana na vageni vamenya mu kivala chietu mba.

Nehemia 9:38

Kigira ku goosi agaamali kwekoleka, kunyi, avandu va Isiraeli, kolombaa lilagana ling'odeywi ku chisuuhu, kandi aviimiliri viitu, avandu va Levi viitu, kandi na avasaalisi viitu nguyu vaviika mihuri jaavo kulio.

Zaburi 119:106

Ndalinda lilagana liange lie liesuuha, kuhulira amigizu googo gilikalaga lirungi.

Zaburi 31:24

Munyi mwosi avalindiliraa nilisuvira mu Yahova, muve avaluviriri kandi avagulu.

Jeremia 50:5

Navalateeve inzira izizaa Ziyoni ma navazie mulovega lwene yilwo. Valalomba ninzi lilagana litaveeye nekeheri kandi sivaaza valivunanyie mba.

Ezekieli 46:2

Mwamihi wamihaa nazie kutura mu mugizi gwi ichova kuduuka mu vwingiliru vwe keng'oze kuvitira mu kilivwa kandi nasingili ha misaala ji kirivwa lwa avasaalisi vasamba visiuviliru viavo kandi kuhaana isadaka yeeye yi mirembe. Ha kirivwa yaho kuduuka yasigamiri ma azie ichova kandi. Kirivwa kitahanwa mba kuduuka hamugorova.

Kwidzulitsa 13:4

Mulonde Yahova kandi muhaane luyali kuye. Mumuhuliri kandi mulindi malago geege; mumusigamiri kandi muve avasuuvirifu kuye.

Kwidzulitsa 13:5

Muporofeti oyo anoho mulooti oyo kuduuka yiitwi, kigira yilwaza liebaala ku Yahova Nyasaye winyu, uwamuleta kutura mu kivala cha Egebeti wamwaali vatugwa. Vandu kuli yava vadamanu, kandi vageriza kumutuliza kunzira ya Yahova Nyasaye winyu yamulaga mulonde ku. Kuduuka viitwi kunangwa mutulize uvudamanu voveeye hagati hinyu.

Kwidzulitsa 29:1

Yaga nigo amakuva gi lilagana lia Yahova yalaga Musa kolomba na avandu va Isiraeli mu kivala cha Moabu. Yaga goosi gaali komeeda ku lilagana lia Yahova yaali naalombi navo ku kiguru cha Sinai.

Kwidzulitsa 6:5

Muyanze Yahova Nyasaye winyu ni mioyo jinyu josi, ni liiva lienyu liosi, ni zinguru zienyu ziosi.

Joshua 24:25

Kunangwa Joshua yalomba lilagana na avandu va Isiraeli ha Shekemu lidiku yilio. Lilagana yilio liali mu na malago kandi miima ja vandu vaduukana valonde.