2 Kyetsinyinga 34:3 - KITABU KITAKATIFU

³ Mu muhiga gwa munane lwa Josia yaali mwami, lwa yaali nakikiri muyaayi yaatanga kusigamira Nyasaye wa guuga weve mwami Daudi. Inyima wi mihiga jine, yaatanga kwononyia havundu hu kusigamira misambwa, vifananyi viu munyasaye wi kikali Ashera, kandi ni vifananyi vindi viosi.

2 Kyetsinyinga 34:3 ပူးပေါင်းရင်းမြစ်များ

1 Avami 13:2

Kolondekana ni lilaga lia Yahova, muporofeti zana oyo, yahanzuka kukalagira vwali navoora, “O, vwali! Vwali! Yaga nigo ga Yahova avoora, ‘Muyaayi alivulwa munyumba ya Daudi lieta lilie lilava Josia. Aliitira ku ivi vasaalisi vatumika ku vwali vwa vandu vasigamira misambwa kuli visiuviliru, kandi alasambira vigumba via vandu ku ivi.’ ”

2 Avami 10:27

Kunangwa vononyia ligali munara mutakatifu gwa Baali nu kusambula litembeli nu kugirung'anyia litembeli zana kugwa icholoni kuduuka lero.

2 Avami 18:4

Yononyia havundu hoosi hu kusigamira misambwa navunanyia minaara ja magina, kandi natemanyia vifananyi viu munyasaye wi kikali Ashera. Yadonyanyia kandi enzoka yu mugasa ya Musa yaali ni yalomba, iyalangwa “Nehushetani”. Kuduuka ing'inga yene yeyo, avandu va Isiraeli vaali ni vakisamba vimuli mu ligiha uluyali.

2 Avami 20:5

yirane ku Hezekia mwami wa vandu va Yahova, na muvolere; “Inzi Yahova, Nyasaye wa guuga woovo Daudi, mali kuhulira lisaala liilio kandi ndoli maliga googo. Inzi ndakohonyia vulwaye vuvwo, na mumadiku gavaga ulazia mu Litembeli.

2 Avami 23:14

Mwami Josia yatanyia zitiru zia magina, mu vidonye, natemanyia vifananyi viu munyasaye wi kikali Ashera, kandi nafuma havundu ha vasingira ni vigumba via vandu vakuza.

2 Avami 23:4

Hene yaho, mwami Josia yavolera Hilicha, musaalisi munene, avasaalisi valondi veve, na vasikari vu kulinda avaari ku miyinzi ha vwingiliru vwi Litembeli valeete ichova wi Litembeli iviju viosi iviatumikaa mu lisigamira lia Baali, viu munyasaye wi kikali Ashera, kandi zing'ereng'ani. Mwami yasambira iviju yivi viosi ichova wi lidaala linene lia Jerusalemi ahimbi ni Livona lia Keduroni, na yaahira lligoke liavio Bezeli

1 Kyetsinyinga 22:5

Daudi yevolera; “Muyaayi wange Solomoni aveeye mwana musoleri kandi vugira limanya; na Litembeli liumbakirwa Yahova kuduuka live linene kandi lilahi, na liu kwizominywa kandi liu vukumi mu zimoni zie zihiiri ziosi. Kunangwa ndalomba lietegekiza lia lio liosi.” Kunangwa Daudi yalomba vindu vinyingi mu lietegekiza uvwumbaki nakikiri kukuza.

1 Kyetsinyinga 28:9

Daudi yavolera Solomoni, “Mwana wange, ngovolera umanye Nyasaye wa baba woovo, ma kandi umutumikiri nu mwoyo gwugwo gwosi, nu vulaliri vwi zing'anagani zizio ziosi. Yahova amanya zing'anagani zietu ziosi kandi lienya lietu liosi. Niiva ulazia kuye, alakuvugilira; navuzwa niiva ulagirung'ana kutura kuye, alakoleka mihiga ni mihiga.

1 Kyetsinyinga 29:1

Mwami Daudi yalandizira livugana liosi: “Muyaayi wange Solomoni niye wa Nyasaye amali kotovola, navuzwa akikiri musoleri kandi vugira limanya. Miyinzi jenyekanga kokolwa ni minene, kigira yiyi si eveeye inyumba yu mwami wa avandu, navuzwa Litembeli lia Yahova Nyasaye.

2 Kyetsinyinga 14:6

Yumbaka zimbinga ku madaala manene gi Ivuyuda ing'inga yi liamiiha lilie. Maku mihiga minyingi, vulwani sivwaaliho mba, kigira Yahova yamuha mirembe.

2 Kyetsinyinga 15:2

ma yazia kwagana nu mwami Asa. Yamuvolera, “Mbulirizaa, mwami Asa harara na vandu vosi vi Ivuyuda na Benjamini! Yahova aveeye harara na munyi lwa mukikiri harara naye. Niiva mulenya Yahova mulamunyoola, navuzwa niiva mulatula kuye, naye alamuleka.

2 Kyetsinyinga 30:14

Vatanga kuyinzira kandi vatuliza uvwali vwosi uvwalange mu Jerusalemi vwu kuhaanira ku visiuviliru kandi kusambira ku kimuli, ku misambwa na vavusiuva mu Livona lia Kidironi.

2 Kyetsinyinga 33:15

Yaatuliza mu Litembeli avanyasaye vageni nikifananyi cha yaali niyaviika mu, kandi yaatuliza uvwali vwu kusigamira misambwa, uvwali ku Kiguru ahi Litembeli liumbakwa kandi havundu handi hoosi mu Jerusalemi hi misambwa ja sigamirwa. Yaahira vindu yivi viosi ichova wi Litembeli ma navisiuva ihale ichova wi lidaala linene.

2 Kyetsinyinga 33:17

Kali nigava avandu vosi vazizagilira kuhaana visiuviliru havundu hukusigamira misambwa, vaahana vihaanwa yivio vuzwa ku Yahova Nyasaye wavo yeng'ine.

2 Kyetsinyinga 33:22

Kuli baba weve Manase, yoona ku Yahova, kandi nasigamira vifananyi via baba weve yasigamira.

2 Kyetsinyinga 34:33

Mwami Josia yononyia vifananyi viosi viukuvihiririzwa iviali muvivala via vandu va Isiraeli, kandi yakola avandu vosi avaari mu Isiraeli kutumikira Yahova Nyasaye wavo. Mu madiku goosi ga yamiha avandu va Isiraeli, vazizagilira kuhulira Yahova Nyasaye wa vaguuga vaavo.

Zaburi 119:9

Muyaayi anyala kulinda ndi limenya lilie live lirungi? Anyala kulinda mulihulira malago googo.

Zaburi 71:5

O, Yahova Wuvunyali, inzi suuviraa mu ivi. Inzi mali kusuuvira mu ivi kutura vwana vwange.

Kutwula 34:13

Mu vogono yivwo, muvunanyie uvwali vwavo, nukusambula minaara mitakatifu jaavo, nokotemanyia vifananyi viu munyasaye wikikali wavo Ashera.

Tsing'ano 20:11

Kali mwana amanyia liiva lilie kolondekana ku agakolaa; ulamanya niiva aveeye musuuvirifu kandi mulahi.

Tsing'ano 8:17

Nyanza yavo vanyanza; uyu onyenyaa alanyoola.

Kohelethu 12:1

Kunangwa wizulizi mulombi woovo nugikiri muyaayi, madiku gi kivi ni gagikiri kuduuka kigira mihiga gizaa novoole, “Sisangalira livamwoyo mba.”

Kyavalevi 26:30

Ndononyia havundu hinyu hukusigamira ku vigulu, ndasambura uvwali vwinyu vwi kimuli kandi ndasiuva miviri jinyu mikuzu ku vifananyi vienyu viagwa. Mulivihilirwa liange linene.

Mika 1:5

Yaga goosi galakoleka kigira avandu va Isiraeli vamala kokora uvwoni nu kwibaala imbiri wa Nyasaye. Ivwaha unyala kudulwa kigira libaala lia avandu va Isiraeli? Ni Samaria, lidaala linene liene! Ivwaha ololekiywi kuva wi vifananyi viu vunyasaye mu Ivuyuda? Ni Jerusalemi lidaala linene liene!

Matayo 6:33

Kunangwa mwenye kutanga uvwami vwa Nyasaye, nu vulungi vwivwe; na ivindu yivi viosi muladasirwa.