2 Kyetsinyinga 34:25 - KITABU KITAKATIFU

²⁵ Kigira vamali koleka inzi kandi vamali kuhaana visiuviliru ku avanyasaye vandi, na ndio vamali kuvukiza uvutima vwange ku miyinzi ja vamali kokora. Uvutima vwange vwakiziywi ku Jerusalemi, kandi sivulasiminywa mba.

2 Kyetsinyinga 34:25 ပူးပေါင်းရင်းမြစ်များ

2 Avami 22:17

Vamali kondeka kandi vamali kuhaana visiuviliru ku vanyasaye vandi, nandio vamali kuvukiza uvutima vwange ku miyinzi ja vamali kokora. Uvutima vwange vwakiziywi ku Jerusalemi, navwo sivulasiminywa mba.

2 Kyetsinyinga 12:2

Mu muhiga gwa 5 gwi liamiiha lia Rehoboamu, avandu vahevwa amageri kigira si vasuuvira Yahova mba. Kigira yaga Mwami Shishaka wa Egebeti yingilira Jerusalemi

2 Kyetsinyinga 12:7

Lwa Yahova yalora ndi vamali kwegehiza aveene, yamoloma ku Shemaya kandi: “Kigira avandu vi Ivuyuda vamali kwegehiza aveene ligali imbiri wange, si ndavadiviza ligali mba. Ndavaha ovohonyi, na si ndavika vutima vwange ku Jerusalemi kuvitira mu zinguru zia Shishaka.

2 Kyetsinyinga 15:2

ma yazia kwagana nu mwami Asa. Yamuvolera, “Mbulirizaa, mwami Asa harara na vandu vosi vi Ivuyuda na Benjamini! Yahova aveeye harara na munyi lwa mukikiri harara naye. Niiva mulenya Yahova mulamunyoola, navuzwa niiva mulatula kuye, naye alamuleka.

2 Kyetsinyinga 24:18

Maku avandu valekera kusigamira Yahova mu Litembeli lia Yahova, Nyasaye wa vaguuga vaavo, ma nivatanga kusigamira vifananyi viu munyasaye mukali Ashera. Na uvutima vwa Yahova vwaduuka mu Ivuyuda na Jerusalemi kigira uvwoni vwavo.

2 Kyetsinyinga 34:26

Navuzwa ku mwami mwene wi Ivuyuda, yaga nigo ga inzi, Yahova Nyasaye wa Isiraeli mboraa: Ivi wahuliriza ku makuva gang'odwa mu kitabu chi Lilaga yiki,

Ezara 5:12

Navuzwa kigira avaguuga viitu vaakora Nyasaye wi ligulu kuva nu vutima, yavakola nivaguutwa nu mwami Nebukadineza wa Babiloni, mwami wa Kalideani. Yadiviza Litembeli kandi navugura vandu naavahira Babiloni mu vuhambe

Isaya 42:25

Kunangwa Yahova yakokola ni kuhulira uvulitu vwu vutima vwivwe kandi nikusalirizwa mu vulwani. Uvutima vwa Yahova vwasamba avandu va Isiraeli kuli muliru. Navuzwa sikwamanya kindu chekoleka mba; kandi sikwayiga kindu kali hakuzu mba.

Jeremia 22:9

Maku valativura ndi gaveeye kigira mumali koleka lilagana lienyu na inzi, Nyasaye winyu, kandi mumali kusigamira kandi kutumikira avanyasaye vandi.”

Jeremia 4:4

Avandu vi Ivuyuda na Isiraeli mulindi lilagana lienyu ninzi Yahova winyu, kandi mwihaane munyi aveene ku inzi. Niiva simulakolandio mba, vutima vwange vulaaka kuli muliru kigira ivindu vidamanu viamumali kokora. Vulaaka na siaveeyeho na mulala ulisiminya mba.”

Jeremia 7:20

Kulwayago, inzi Mwami Munene Yahova, ndaviika vutima vwange vululu ku Litembeli yili. Ndaviika kandi ku avandu harara ni zinyama, kali ni misaala harara ni vitagwa viu mumilimi. Vutima vwange vulava kuli muliru gutanyala kusiminywa nu mundu.

Lisyoma lya Jeremia 2:3

Yatulizaho zinguru zia vandu va Isiraeli mu vutima vwivwe uvululu. Yaatuliza vokonyi vwivwe kuvo imbiri wa vasigu vaavo. Yasamba visukululwi va Yakobo nolomemo lwu muliru, nukudiviza ivindu viosi.

Lisyoma lya Jeremia 2:4

Yanyira uvuta vwivwe kukuinyi kuli avasigu: Yayita vandu viitu vosi avaari vusangali nu vuyanzi vwitu. Hano mu Jerusalemi kwahulira vutima vwivwe uvululu uvusambaa.

Lisyoma lya Jeremia 4:11

Yahova umali kololekiza vutima vwivwe uvululu. Uhambizi muliru mu Ziyoni ugwasaamba mise jie lidaala.

Ezekieli 20:48

Avandu vosi valakalore ndi Inzi Yahova mali kuhambiza muliru, na siaveeye ho mundu unyala kugusiminya mba.”

Ezekieli 36:18

Kunangwa ndaviika vutima vwange vululu kuvo kigira avandu vavaali nivamali kwita kandi kigira vayononyia kivala ni vifananyi viavo.

Amosi 5:6

Mwenye Yahova, na mulahono. Nimutenya Yahova, aliika hasi ku vandu va Isiraeli kuli muliru. Na muliru gulasamba vandu va Bezeli, nu mundu kali mulala sialagusiminya mba.

Nahum 1:6

Lwaveeye nu vutima, nivwaha unyala kohononoka? Nivwaha unyala kwikuzira ku vutima vwivwe vululu? Aviikaa vutima vwivwe ku vandu kuli lomemo lwu muliru, kandi yatanyia zinyanda imbiri weve.