2 Kyetsinyinga 33:8 - KITABU KITAKATIFU

⁸ Na niiva avandu va Isiraeli valahulira malago gange goosi nilikalaga liange kandi valindi Lilaga liosi liu mutumikiri wange Musa yavaha, hene yaho, si ndavugilira vakungwi mu kivala cha ndaha avaguuga vaavo mba.”

2 Kyetsinyinga 33:8 ပူးပေါင်းရင်းမြစ်များ

2 Samweli 7:10

Mali kotovola havundu kigira avandu vange Isiraeli, kandi mali kuvaviikaho, na valamenya havundu yaho, vugira kudambizwa kandi. Vasaza vu vutindi vavuli kuvatulira kandi, kuli vaakora ku maziambiri;

1 Kyetsinyinga 17:9

Kandi ndatovolera avandu vange Isiraeli havundu, kandi ndavakora vituliri, kandi vaduuki komenya nu kuhindira havundu haavo aveene, na vavuli kukubizwa kivi kandi mba; kandi avasaza vu vutindi vavuli kuvadambiza mba kuli ku maziambiri;

2 Kyetsinyinga 33:9

Manase yaachaminya avandu vi Ivuyuda kandi avaamenya mu Jerusalemi okokora vwoni vonene kali kuvita uvwakolwa ni zihiiri zia Yahova yadiviza imbiri wavo.

Jeremia 7:7

Niiva mulagirung'ana, ndamuvugirira mumenye havundu hano, mu kivala cha ndahaana ku avaguuga vinyu mihiga ni mihiga.

Kyavalevi 10:11

Kuduuka mwigizi avandu va Isiraeli malago goosi ga inzi mali kumuha kuvitira mu Musa.”

Kyavalevi 8:36

Kunangwa Haruni harara na vayaayi veve vaakora vuli kindu choosi cha Yahova yalaga kuvitira mu Musa.

Luka 1:6

Vosi vaali avalungi imbiri wa Nyasaye, kandi vaatia ligali nokolonda malago na makuva gu Mwami vugira imbara.

Kwidzulitsa 27:26

“ ‘Alaamwe oyo uvula kuhulira amalago na amigizu goosi ga Nyasaye.’ “Avandu vosi valavoora, ‘Amini!’

Kwidzulitsa 4:40

Muhuliri ligali malago geege goosi gamali kuhaana ku munyi kalunu, kandi goosi galava malahi ku munyi harara ni visukululwi vienyu. Mulazizagilira komenya mu kivala icha Yahova Nyasaye winyu amuhezaa kuva miandu jinyu mihiga ni mihiga.”

Kwidzulitsa 5:1

Musa yalanga harara avandu vosi va Isiraeli navavoolera, “Avandu va Isiraeli, muhuliri amalago goosi aga muheezaa kalunu. Mugiingi kandi mulole ndi mugalondi.

Kwidzulitsa 5:31

Navuzwa ivi, Musa, utigale hano harara ninzi, na Inzi ndakuha malago gange goosi, namalagano. Wigizi avandu malago yaga kunangwa vaduuki kugalonda mu kivala cha mbahezaa.’

Kwidzulitsa 8:1

“Muhuliri amalago goosi aga mali kuhaana ku munyi kalunu, kunangwa muduuki komenya, nokomedeka kuva vanyingi, kandi muvuguli kivala cha Yahova yasuuviriza avaguuga vinyu.