2 Kyetsinyinga 33:3 - KITABU KITAKATIFU

³ Yumbaka vuhia havundu hukusigamira misambwa aha baba weve Hezekia yaali niyasambula. Yumbaka kandi uvwali mu Litembeli kigira lisigamira lia Baali, kandi nalomba vifananyi viu munyasaye wikikali Ashera; kandi nasigamira zing'ereng'ani.

2 Kyetsinyinga 33:3 ပူးပေါင်းရင်းမြစ်များ

1 Avami 14:23

Vumbaka havundu hukusigamira vanyasaye vuvugadi, kandi nivumbaka minaara ja magina kandi nivifananyi viu munyasaye wikikali Ashera, wavasigamira ku vigulu kandi mu viliiri vie misaala.

2 Avami 18:4

Yononyia havundu hoosi hu kusigamira misambwa navunanyia minaara ja magina, kandi natemanyia vifananyi viu munyasaye wi kikali Ashera. Yadonyanyia kandi enzoka yu mugasa ya Musa yaali ni yalomba, iyalangwa “Nehushetani”. Kuduuka ing'inga yene yeyo, avandu va Isiraeli vaali ni vakisamba vimuli mu ligiha uluyali.

2 Avami 21:3

Yumbaka kandi havundu hu kusigamira misambwa, aha baba weve Hezekia yaali ni yononyia. Yumbaka uvwali vwi lisigamira lia Baali kandi nalomba ivifananyi viu umunyasaye wi kikali, Ashera, kuli mwami Ahabu wa Isiraeli yaali naakori. Manase yasigamira zing'ereng'ani kandi.

2 Avami 23:11

Yaatuliza ho zibarasi zia vami vi Ivuyuda vaali ni vaviika ku makono zive zindakatifu ku lisigamira munyasaye wi liuva, kandi yasamba magare gatumikirwa mu lisigamira yili. Yivi viavikwa mu mugizi gwi Litembeli ahimbi ni kirivwa kandi ahimbi ni zinyumba zio komenya mu ziu munene walangwa Nazani-Meleki,

2 Avami 23:4

Hene yaho, mwami Josia yavolera Hilicha, musaalisi munene, avasaalisi valondi veve, na vasikari vu kulinda avaari ku miyinzi ha vwingiliru vwi Litembeli valeete ichova wi Litembeli iviju viosi iviatumikaa mu lisigamira lia Baali, viu munyasaye wi kikali Ashera, kandi zing'ereng'ani. Mwami yasambira iviju yivi viosi ichova wi lidaala linene lia Jerusalemi ahimbi ni Livona lia Keduroni, na yaahira lligoke liavio Bezeli

2 Kyetsinyinga 28:24

Komeeda ku gene yaga, yavugula iviju viosi vie Litembeli kandi naaviatanyia. Yahaana viliango vie Litembeli kandi naasingiriza uvwali vwa vanyasaye vageni mu vuli havundu ma Jerusalemi.

2 Kyetsinyinga 30:14

Vatanga kuyinzira kandi vatuliza uvwali vwosi uvwalange mu Jerusalemi vwu kuhaanira ku visiuviliru kandi kusambira ku kimuli, ku misambwa na vavusiuva mu Livona lia Kidironi.

2 Kyetsinyinga 31:1

Lwa vaali nivakamara lilia lie Pasaka avandu vosi va Isiraeli vazia mu vuli madaala manene mu Ivuyuda ma nivononyia zitiru zia magina, nivatema vifananyi viu munyasaye wi kikali Ashera. Vononyia uvwali na havundu hukusigamira misambwa. Vaakora malala mere mu Ivuyuda yoosi kandi ni vivala viosi vie zihiiri zia Benjamini, Efuraimu, na Manase; maku viirana yengo vosi.

2 Kyetsinyinga 32:12

Niyie uwononya hu kusigamira kandi uvwali vwa Yahova. Yavolera avandu vi Ivuyuda kandi Jerusalemi ukusigamira kandi ukuvuyiza kimuli ha vwali vulala vweng'ine.

2 Kyetsinyinga 33:15

Yaatuliza mu Litembeli avanyasaye vageni nikifananyi cha yaali niyaviika mu, kandi yaatuliza uvwali vwu kusigamira misambwa, uvwali ku Kiguru ahi Litembeli liumbakwa kandi havundu handi hoosi mu Jerusalemi hi misambwa ja sigamirwa. Yaahira vindu yivi viosi ichova wi Litembeli ma navisiuva ihale ichova wi lidaala linene.

2 Kyetsinyinga 33:19

Lisaala liu mwami na mativuli ga Nyasaye kulio, kandi livaala liu vwoni vwa yakola nakikiri kwiganira, uvudamanu vwa yakola, havundu hukusigamira misambwa nivifananyi viu munyasaye wikikali Ashera ivia yalomba kandi ni misambwa ja yasigamira viosi viang'odwa mu vitabu via makuva ga kale ga Avaporofeti.

2 Kyetsinyinga 34:25

Kigira vamali koleka inzi kandi vamali kuhaana visiuviliru ku avanyasaye vandi, na ndio vamali kuvukiza uvutima vwange ku miyinzi ja vamali kokora. Uvutima vwange vwakiziywi ku Jerusalemi, kandi sivulasiminywa mba.

Kutwula 34:13

Mu vogono yivwo, muvunanyie uvwali vwavo, nukusambula minaara mitakatifu jaavo, nokotemanyia vifananyi viu munyasaye wikikali wavo Ashera.

Kohelethu 2:19

Hawundi anyala kuva mugeri anoho musiru, nivwaha umanyi? Navuzwa alakavuguri vuli kindu choosi cha mali konyoora mu liyinzira vudinyu no vogeri vwange mu kivala yiki. Yaga goosi gaveeye vuzwa.

Kohelethu 9:18

Ovogeri voveeye vulahi kuvita viugi viu vulwani, navuzwa mwoni mulala yononyia vindu vilahi vinyingi.

Jeremia 17:2

Avandu vinyu vasigamira vifananyi via vamali kolomba kigira umunyasaye wikikali Ashera: Kuvwaali, isi wa vuli musaala muvisi, kuzindongozi ziu kutugulu

Jeremia 19:13

Zinyumba zia Jerusalemi zinyumba ziavami vi Vuyuda - zinyumba ziosi zievihanwa vie vimuli visambirwa kuvisegese viazio kuduuka umwigulu, kandi uwa isadaka yukunwa imali kusundulwa kuvanyasaye vandi, vilononywa kuli havundu ha Tofezi.”

Jeremia 7:30

“Avandu vi Ivuyuda vamali kokora vindu vidamanu imbiri wange. Vamali kuviika vifananyi viavo via inzi ndasuura mu Litembeli liange kandi vamali kuliononyia.

Jeremia 8:2

Vigumba yivi vilakavagalwe ku muvasu kandi ku mweli ni zing'ereng'ani via vayaanza kandi via vatumikira, kandi via venya zing'anagani kutura ku vio, kandi via vasigamira. Vigumba yivi sivilakavungizwi nu kuyavirwa mba, navuzwa vilakave kuli isiina kumalova.

Zefania 1:5

Ndakadivizi vuli mundu woosi ulakanini ku inyumba igulu nu kusigamira liuva, umweli kandi zing'ereng'ani. Ndakadivizi yavo avasigamiraa kandi aviisuhaa kuhaana ku inzi luyali, kandi visuha mulieta liumunyasaye Moleki.

Vikolwa 7:42

Kunangwa Nyasaye yagirung'ana kutura hagati haavo, na avaleka vasigamiri zing'ereng'ani ziu mwigulu, kuli gang'odwa mu kitabu cha vaporofeti: ‘Munyi avandu va Isiraeli! Siaveeye inzi wa mwitira zinyama no kondetera visiuviliru mihiga arubaini mwigendanyama!

Kwidzulitsa 16:21

“Lwa mulombera Yahova Nyasaye winyu uvwali mutaviiki kifananyi chu musaala chu munyasaye wikikali Ashera ahimbi navwo mba.

Kwidzulitsa 17:3

ku lisigamira nukutumikira avanyasaye vandi, anoho liuva anoho mweli anoho zing'ereng'ani vindu via Nyasaye yasura,

Kwidzulitsa 4:19

Mutagelizwa kusigamira kandi kutumikira via muloraa muvwerefu kuli liuva, mweli, kandi zing'ereng'ani mba. Yahova Nyasaye winyu yamala kuhaana yivi ku avandu vandi vosi vavisigamiri.