2 Kyetsinyinga 33:18 - KITABU KITAKATIFU

¹⁸ Ivindu vindi viosi via Manase yakola, lisaala lia yanira ku Nyasaye weve, amakuva ga vaporofeti vamoloma kuye mu lieta lia Yahova, Nyasaye wa Isiraeli, viang'odwa viosi mu vitabu via makuva ga kale ga Avami va Isiraeli.

2 Kyetsinyinga 33:18 ပူးပေါင်းရင်းမြစ်များ

1 Avami 11:41

Vindu vindi viosi via Solomoni yakola, miyinzi jije, novogeri vwivwe viang'odwa viosi mu kitabu cha makuva gakale gi vikolwa vie livamwoyo lia Solomoni.

1 Avami 14:19

Ivindu vindi viosi viu mwami Jeroboamu yakola, mahi ga yalwana, kandi kuli yamiha, viosi viang'odwa mu vitabu via makuva ga kale ga vami va Isiraeli.

1 Avami 15:31

Vindu vindi viosi via Nadabu viang'odwa mu kitabu cha makuva ga kale ga vami va Isiraeli.

2 Avami 17:13

Yahova yiganihiza Ivuyuda na Isiraeli kuvitira ku vaporofeti na vatumwa navoora, “Girung'ani kutura kuzinzira zienyu zindamanu. Gumiri malago gange ni miima jange kolondekana ni Lilaga liosi lia ndalaga avaguuga vinyu vahuliri kandi lia ndaha munyi kuvitira ku vatumikiri vange avaporofeti.”

2 Kyetsinyinga 20:34

Vindu vindi viosi viu mwami Jehoshafati yakola, kutura mu litanga lie liamiiha lilie kuduuka ku keheri, via ng'odwa mu vitabu via makuva ga kale ga Jehu mwana muyaayi wa Hanani, kandi gang'odwa nu vitabu via makuva ka kale ga vami va Isiraeli.

2 Kyetsinyinga 21:2

Jehoramu mwana muyaayi wu mwami Jehoshafati wi Ivuyuda yaali na vamwavo sita: Azaria, Jehieli, Zakaria, Azariahu, Mikaeli na Shefatia.

2 Kyetsinyinga 32:32

Ivindu vindi viosi viu mwami Hezekia yakola, kandi vikolwa vivie vilahi ku Yahova viang'odwa mu kitabu cha Malola gu Muporofeti Isaya muyaayi wa Amozi kandi mu vitabu via makuva ga kale ga “Avami vi ivuyuda na Isiraeli.”

2 Kyetsinyinga 33:10

Yahova yiganihiza Manase na avandu veve, navuzwa vasuura kuhulira.

2 Kyetsinyinga 33:19

Lisaala liu mwami na mativuli ga Nyasaye kulio, kandi livaala liu vwoni vwa yakola nakikiri kwiganira, uvudamanu vwa yakola, havundu hukusigamira misambwa nivifananyi viu munyasaye wikikali Ashera ivia yalomba kandi ni misambwa ja yasigamira viosi viang'odwa mu vitabu via makuva ga kale ga Avaporofeti.

Isaya 29:10

Yahova umali kumukola mutengeze kwetegeka kogona zindoolo zinene ligali. Avaporofeti vaduukana vave zimoni zia vandu, navuzwa Nyasaye uvavakurizi.

Isaya 30:10

Vavoolera avaporofeti vakiring'ane. Vavoola, “Mutamolomi kukunyi kigira agaveeye malungi mba. Mukovolere agakweenya kuhulira. Leki kulindi guvugadi giitu.

Amosi 7:12

Maku Amazia yavolera Amosi, “Oh, ivi muporofeti, wiruki uzie mu kivala chicho chi Ivuyuda wilwaze yo, na oleke vakutuungi ku vwilwazi vuvwo.

Mika 3:7

Avaloli valava muzisoni; kiyira ligutwa liavo. Vosi valakunika minwa jaavo, kigira Nyasaye sialavativulira mba.”

1 Samweli 9:9

Ku maziambiri mu kivala cha Isiraeli niiva umundu yaazizaa koteeva Nyasaye kindu, yaavolanga, “Hamba kuzie ku muloli.” Kigira muporofeti wa Kalunu yalangangwa muloli.