2 Kyetsinyinga 33:13 - KITABU KITAKATIFU

¹³ Nyasaye yaavugilira lisaala lia Manase, ma ku namuleka yirani Jerusalemi nukwaamiiha kandi. Yaga gamanyia Manase ndi Yahova aveeye Nyasaye.

2 Kyetsinyinga 33:13 ပူးပေါင်းရင်းမြစ်များ

Litanga 25:21

Isaka yasaalira Rabeka ku Yahova kigira yaali mugumba. Yahova yahaana mativuli ku lisaala lilie kandi Rabeka yavereka.

1 Avami 18:39

Lwa vandu valora yaga, vaagwa hasi mamumama nivahuga nu mwoyo munene nivavoora, “Yahova aveeye Nyasaye; Yahova yeng'ine aveeye Nyasaye!”

1 Avami 8:50

Samiiha vwoni vwavo vwosi, kandi liebaala liavo liosi ku ivi, kandi olombe vasigu vaavo vavakolere vulahi.

2 Avami 13:4

Maku Jehoahazi yasaala ku Yahova, na kigira Yahova yalora kuli mwami wa Siria yadambizaa Avaisiraeli nu vululu, yamutivulira lisaala lilie.

1 Kyetsinyinga 5:20

Vaviika lisuuvira liavo mu Nyasaye, ma nivaanira kuye avahe ovokonyi; na Nyasaye yavativulira lisaala liavo, kandi navakola avaguuti ku Vahagari na vakonyeleri vaavo.

2 Kyetsinyinga 12:7

Lwa Yahova yalora ndi vamali kwegehiza aveene, yamoloma ku Shemaya kandi: “Kigira avandu vi Ivuyuda vamali kwegehiza aveene ligali imbiri wange, si ndavadiviza ligali mba. Ndavaha ovohonyi, na si ndavika vutima vwange ku Jerusalemi kuvitira mu zinguru zia Shishaka.

2 Kyetsinyinga 33:18

Ivindu vindi viosi via Manase yakola, lisaala lia yanira ku Nyasaye weve, amakuva ga vaporofeti vamoloma kuye mu lieta lia Yahova, Nyasaye wa Isiraeli, viang'odwa viosi mu vitabu via makuva ga kale ga Avami va Isiraeli.

2 Kyetsinyinga 33:19

Lisaala liu mwami na mativuli ga Nyasaye kulio, kandi livaala liu vwoni vwa yakola nakikiri kwiganira, uvudamanu vwa yakola, havundu hukusigamira misambwa nivifananyi viu munyasaye wikikali Ashera ivia yalomba kandi ni misambwa ja yasigamira viosi viang'odwa mu vitabu via makuva ga kale ga Avaporofeti.

2 Kyetsinyinga 34:27

kandi nu wegehiza umwene imbiri wange, watandula zinguvu zizio, kandi nulira nukwidoloka amaliga, lwa wahulira kuli ndatihiza ku haana amageri ku Jerusalemi harara na avandu vamenyi mu. Navuzwa inzi mali kuhulira lisaala liilio,

Ezara 7:27

Ezara yavoola, “Yahova yizominywi, Nyasaye wa vaguuga viitu! Amali kokora mwami kuvugilira kuhaana luyali ku Litembeli lia Yahova mu Jerusalemi.

Ezara 8:23

Kunangwa kwahonga lilia kandi nikoteeva Nyasaye mwene akukingi, kandi yahaana mativuli ku lisaala lietu.

Ayubu 22:22

Uvugiliri amigizu geege, kandi ugaviiki musi mwu mwoyo gugwo.

Ayubu 22:23

Wirane ku Nyasaye Wuvunyali kandi wegehize kuye, kandi utulize uvudamanu vwosi munyumba yooyo.

Ayubu 22:27

Usaale kuye na alakuhulira; kandi uladukiza malagano googo naye.

Ayubu 36:11

Niiva valahulira Nyasaye nukumutumikira, valagasizwa mumadiku gaavo goosi, kandi mihiga jaavo josi jilava ji liyaanziza ligali.

Ayubu 36:9

hene yaho Nyasaye avamanyia miyinzi jaavo na mahiolo gaavo, kandi avamanyia kuli vaveeye ni liegingira.

Zaburi 107:13

Maku vanira ku Yahova mu vudinyu vwavo, na yavahonyia kutura mu kivi chavo.

Zaburi 46:10

Avoora, “Muchiring'ane kandi mumanye ndi inzi mbeeye Nyasaye! Inzi nzizominywa hagati hi zihiiri ziosi; inzi nzizominywa ku lirova liosi!”

Zaburi 46:11

Yahova Wuvunyali aveeye harara ni kunyi. Nyasaye wa Yakobo aveeye uvuhaliru vwitu.

Zaburi 86:5

Ivi oveeye mulahi ku kunyi, kandi usamihaa uvwoni vwitu, wayizula uvuyanzi vutaveeye ne keheri ku yavo vosi avasaalaa ku ivi.

Zaburi 9:16

Yahova umali kwiivula umwene ku likalaga lilie lirungi, na avachamu vamali kuhambwa mu vikolwa viavo vidamanu.

Tsing'ano 16:7

Niiva ulayaanziza Yahova, ulalomba vasigu vovo kuva valina.

Tsing'ano 21:1

Yahova aveeye nuvunyari ku zing'anagani ziu mwami kuli yemilira inzira yu mugera.

Jeremia 24:7

Ndavakora vave nuvuha vwu kumanya ndi inzi mbeeye Yahova. Maku valava avandu vange, na inzi ndava Nyasaye wavo, kigira valirana ku inzi ni mioyo jaavo josi.

Jeremia 36:7

Namusia valasaala ku Yahova kandi valagirung'ana kutura kuzinzira ziavo zindamanu, kigira Yahova umali kutihiza avandu yava nu vutima vwivwe vonene ligali.”

Lisyoma lya Jeremia 3:56

Kandi lwa ndakogonya uhuliri lianira liange, ivi wahulira.

Danyeli 4:25

Ulakungwa kutura mu vandu na uzie komenya ni zinyama. Ku mihiga 7 ulayaa vunyasi kuli igiriki yu kulima. Ulagona mu kiguti ni lime lilagwa kuivi. Maku ulavugilira ndi Nyasaye Wuvunyali alindaa vwamihi kandi anyala ku vuhaana ku mundu woosi watovoye.

Danyeli 4:32

Ulakungwa kutura mu vandu kandi ulazia komenya harara ni zinyama ziu mumilimi, kandi ulalia vunyasi ku mihiga 7 kuli igiriki yu kulima. Maku ulamanya ndi Nyasaye Wuvunyali aveeye ni zinguru ku vwamihi vwu mundu kandi anyala ku vuhaana ku mundu woosi watovoye.”

Danyeli 4:36

“Lwu vulamu vwange vwirana, luyali lwange, vonene vwange kandi vukumi vwange vwirana ku inzi. Vamiihi vange kandi vandu vamenyi munyumba yu vwami, vanzingiliza kandi ndilanyilwa zinguru ziu vwamihi vwange kali nu luyali lonene ligali kuvita maziambiri.

Matayo 6:33

Kunangwa mwenye kutanga uvwami vwa Nyasaye, nu vulungi vwivwe; na ivindu yivi viosi muladasirwa.

Yohana 17:3

Livamwoyo litahera mba liveeye kovora limanya ivi, Nyasaye wiligali yeng'ine, kandi kumanya Yeso Kristo, uwa ivi watuma.

Yohana 4:10

Yeso yamutivulira, “Niiva wakamanyi kihanwa cha Nyasaye ahaanaa na nivwaha okoteeva, ‘Mbe ku amazi nwi,’ ngano wakamuteevi naye alakuha amazi gi livamwoyo.”

Kwidzulitsa 29:6

Simwali numugadi gwu kulia anoho iwaini anoho chukunwa kilulu mba, navuzwa Yahova yamuhaanira kolondekana ni lienya kunangwa aduuki kumwigiza ndi aveeye Nyasaye winyu.

Vahebraina 8:11

Sivaligizana mundu sa mulala nuwache mba, anoho mundu sa mulala avolere amwavo weeve, ‘Manyia Mwami.’ Vosi valamanya inzi, kutura ku mukekeeke kuduuka ku munene wa vosi.