2 Kyetsinyinga 33:12 - KITABU KITAKATIFU

¹² Mu vusaliri vwivwe, yegehiza ligali, nagirung'ana koyeeka ku Yahova Nyasaye weve, kandi namugoonya amukonye.

2 Kyetsinyinga 33:12 ပူးပေါင်းရင်းမြစ်များ

2 Kyetsinyinga 12:7

Lwa Yahova yalora ndi vamali kwegehiza aveene, yamoloma ku Shemaya kandi: “Kigira avandu vi Ivuyuda vamali kwegehiza aveene ligali imbiri wange, si ndavadiviza ligali mba. Ndavaha ovohonyi, na si ndavika vutima vwange ku Jerusalemi kuvitira mu zinguru zia Shishaka.

2 Kyetsinyinga 15:2

ma yazia kwagana nu mwami Asa. Yamuvolera, “Mbulirizaa, mwami Asa harara na vandu vosi vi Ivuyuda na Benjamini! Yahova aveeye harara na munyi lwa mukikiri harara naye. Niiva mulenya Yahova mulamunyoola, navuzwa niiva mulatula kuye, naye alamuleka.

2 Kyetsinyinga 15:4

Navuzwa lwu vudinyu vwaduuka, virana ku Yahova, Nyasaye wa Isiraeli. Venya Yahova nivamunyola.

2 Kyetsinyinga 28:22

Lwu uvudinyu vwa Ahazi vwa medeeka ligali, kandi naye yameda kwona ku Yahova mbitilira kuvita maziambiri.

2 Kyetsinyinga 28:5

Kunangwa, Yahova Nyasaye weve yaleka mwami wa Siria aguuti Ahazi, kandi naahira avandu avanyingi ligali mu Damasiko kuli avahambe. Yahova Nyasaye yaleka mwami wa Siria aguuti Ahazi kandi ni yita vandu veve avanyingi ligali.

2 Kyetsinyinga 32:26

Lwu kumaliriza Hezekia harara na vandu va Jerusalemi vegehiza ligali, nandio Yahova siyavaha amageri kuduuka inyima wi likuza lia Hezekia mba.

2 Kyetsinyinga 33:23

Amoni siyegehiza umwene imbiri wa Yahova, kuli baba weve Manase yegehiza mba, navuzwa, yaazizagilira kokora uvwoni kuvita ligali.

2 Kyetsinyinga 34:27

kandi nu wegehiza umwene imbiri wange, watandula zinguvu zizio, kandi nulira nukwidoloka amaliga, lwa wahulira kuli ndatihiza ku haana amageri ku Jerusalemi harara na avandu vamenyi mu. Navuzwa inzi mali kuhulira lisaala liilio,

Zaburi 118:5

Ndaanira ku Yahova mu kivi change, yandivulira kandi naamboholora.

Zaburi 120:1

Lwa ndaali mu kivi, ndanira ku Yahova, naye yandivulira.

Zaburi 130:1

O, Yahova, nzanira ku ivi kutura musi mwi kivi change.

Zaburi 130:2

O, Yahova hulira lilira liange; huliriza ku lianira liange ku ivi liu kwenya ovokonyi!

Zaburi 50:15

Mwaniri ku inzi mu ing'inga yu vudinyu, na inzi ndamuhonyia, na munyi mulanzizominya.”

Kutwula 10:3

Kunangwa Musa na Haruni vazia ku Mwami nivavoora, “Yahova, Nyasaye wa Avaheburaina, avoora, ‘Ulasuula kwegehiza ku inzi kuduuka ng'inga ki? Leka avandu vange vazie kunangwa, vaduuki kusigamira.

Jeremia 13:18

Yahova yambolera, “Ovolere umwami harara na mama weve vatuli kondeve yu vwami vwavo, kigira zitaji ziavo zindahi zimali kugwa hasi kutura ku mitwi jaavo.

Jeremia 36:7

Namusia valasaala ku Yahova kandi valagirung'ana kutura kuzinzira ziavo zindamanu, kigira Yahova umali kutihiza avandu yava nu vutima vwivwe vonene ligali.”

Danyeli 4:36

“Lwu vulamu vwange vwirana, luyali lwange, vonene vwange kandi vukumi vwange vwirana ku inzi. Vamiihi vange kandi vandu vamenyi munyumba yu vwami, vanzingiliza kandi ndilanyilwa zinguru ziu vwamihi vwange kali nu luyali lonene ligali kuvita maziambiri.

Hosea 5:15

“Inzi ndaleka avandu vange kuduuka lwa vasalira ligali kigira uvwoni vwavo kandi valaza konyenya. Namusia mulisalirizwa liavo valageriza kwenya Inzi.”

Jona 2:2

“Mu kivi change, O, Yahova, ndaanira ku ivi, kandi ivi waandivulira. Kutura musi mwi kihadisi, ndaanira nyoore ovokonyi, na ivi wambulira.

Mika 6:9

Yahova avooreraa lidaala linene, vuveeye vulahi kutia lieta lia Yahova; “Huliri, O, ihiiri ni Livugana mu lidaala linene!

Vikolwa 9:11

Mwami yamuvolera, “Singira, uzie kunzira ilangwa Inzira Inungi, na munyumba ya Yuda, oteeve mundu mulala kutura Tariso, ulangwa Saolo. Kalunu ndi asaalaa;

Yakobo 4:10

Mwegehizi munyi aveene imbiri wu Mwami, naye alamunenehiza.