2 Kyetsinyinga 33:11 - KITABU KITAKATIFU

¹¹ Kunangwa Yahova yaleka avanene vi liihi kwingilira kivala chi Ivuyuda. Vagumira Manase, nivatoza zindoani nu mu muulu geege, nivamuvoha niminyororo ju mugasa, ma nivamuhila Babiloni.

2 Kyetsinyinga 33:11 ပူးပေါင်းရင်းမြစ်များ

2 Avami 20:18

Valala ku visukululwi vovo vene va wiivula, valahirwa ihale kandi kokolwa viziri vukutumika munyumba yu mwami wa Babiloni.”

2 Avami 21:17

Vindu vindi viosi via Manase yakola, komeeda ku vwoni vwa yakola, viang'odwa mu vitabu via makuva ga kale ga vami vi Ivuyuda.

2 Avami 23:33

Liamiiha lilie liahera lwu mwami Neko wa Egebeti yamuvugula kandi umuhambe ha Ribula, mu kivala cha Hamazi, ma nakora avandu vi Ivuyuda kutunga uvusuuru vwi zikilo 3,400 zie ifeza na zikilo 34 zie zahabu.

2 Avami 25:6

Ma vavugura mwami Zedekia ni vamuhira ku mwami Nebukadineza, uwaali mu lidaala linene lia Ribula. Na hene yaho, mwami Nebukadineza yavitiza likalaga ku Zedekia.

2 Kyetsinyinga 15:2

ma yazia kwagana nu mwami Asa. Yamuvolera, “Mbulirizaa, mwami Asa harara na vandu vosi vi Ivuyuda na Benjamini! Yahova aveeye harara na munyi lwa mukikiri harara naye. Niiva mulenya Yahova mulamunyoola, navuzwa niiva mulatula kuye, naye alamuleka.

2 Kyetsinyinga 21:16

Vaali ho na vandu va Filisitia kandi na vandu va Arabu avaveeye himbi na avandu va Ezopia, Yahova yavazuva kuzia kulwaana Jehoramu.

2 Kyetsinyinga 36:6

Lwa Jehoyakimu yaali mwami wi Ivuyuda, mwami Nebukadineza wa Babiloni yingilira kivala chi Ivuyuda, nagumira Jehoyakimu naamuvoha ni minyororo ma naamuhira Babiloni kuli muhambe.

Nehemia 9:32

“O, Nyasaye, Nyasaye wiitu, Ivi oveeye munene ligali kuli ndi! Ivi oveeye wukutihiza kandi wizingulu! Muvusuuvirifu ulindaa lilagana liilio lia walaga. Kutura ing'inga lwa avami va Asiria vakudambiza, kali kuduuka kalunu ndi, kwasalirizwa hanene ligali! Avami viitu, aviimiliri viitu, avasaalisi na avaporofeti viitu, avaguuga viitu, na avandu viitu vosi vamala kusalirizwa ligali. Yizuliza kuli uvusaliri kumali kusalira.

Nehemia 9:37

Kigira uvwoni vwitu, ligesa linyingi lie kivala yiki lizizaa ku avami va ivi wavika ku kunyi vakwamihi. Vamiiha kunyi kandi mitugu jietu, kuli vayanzi. Kunyi koveeye mu liverera linene ligali!”

Ayubu 12:18

Nyasaye atulizaa avami ku zindeve ziu vwami, nu kuvakola avahambe.

Isaya 10:8

Aveeye ni liegingira kovora ndi, “Avanene vange vosi vaveeye avami!

Isaya 36:9

Munyala ndi kweleng'anyia nu mutumikiri oveeye nidalaja ya hasi ligali mu vutumiki vwa Asiria, lwa munyi aveene muganaganaa umwami wa Egebeti amuletere magare gu vulwani, na vasaza vi zibarasi?

Lisyoma lya Jeremia 3:7

Umali konombera lugaga kunangwa mburi kwiruka; umali komboha niminyororo miriduhu.

Kwidzulitsa 28:36

“Yahova alamuhila harara nu mwamihi munene winyu mukivala kegeni, uwa munyi anoho avaguuga vinyu vavura komenya maziambiri. Uwene yeyo, mulasigamira avanyasaye vavaazwa ku misaala namagina.

1 Samweli 13:6

Maku vingilira vandu va Isiraeli ni induta enene ligali nivavakola kuva avadedekere. Avalala ku vandu va Isiraeli viivisa mu zimbangaywa numumaliina, anoho hagati mu zinyanda, anoho m'mbogo kandi mu visima.