2 Kyetsinyinga 32:8 - KITABU KITAKATIFU

⁸ Oyo aveeye nizinguru ziu mundu, navuzwa kunyi koveeye na Yahova Nyasaye wiitu, kokokonya, ukulwaanira uvulwani vwitu.” Avandu valuvilirizwa ligali namakuva gu mwami wavo.

2 Kyetsinyinga 32:8 ပူးပေါင်းရင်းမြစ်များ

2 Avami 18:5

Hezekia yasuuvira Yahova, Nyasaye wa Isiraeli; kunangwa sihaali ho nu mwami wundi mu Ivuyuda kuli oyo, inyima weve anoho yavo avaari imbiri weve ing'inga yeeye.

2 Avami 6:16

Elisha yativura navoora, “Utatia mba! Koveeye na vanyingi ku lovega lwiitu kuvita yavo avaveeye ku lovega lwavo.”

1 Kyetsinyinga 5:22

Vita avanyingi ku avasigu vaavo kigira Nyasaye yavakonya mu vulwani. Na vazizagilira komenya mu kivala yicho kuduuka ing'inga ya vaahirwa komenya mu kivala chu vuhaambe.

2 Kyetsinyinga 13:12

Nyasaye mwene aveeye harara ni kunyi na aveeye mwimiliri wiitu. Avasaalisi veve vaveeye hano nivisiriva viu vulwani, vetegeki kuvikuba kulanga kunyi kumulwaane. O, munyi avandu va Isiraeli, mutalwaani Yahova, Nyasaye wa vaguuga vinyu mba! Si munyala kuguuta mba!”

2 Kyetsinyinga 14:10

Hene yaho, mwami Asa yazia kulwaana Zera, vombi vavugura vogono vwavo mulivona lia Zefaza mu kivala cha Maresha.

2 Kyetsinyinga 14:11

Mwami Asa yanira Yahova Nyasaye weve na saala navoora, “O, Yahova, siaveeye ho nu mundu wundi unyala kokonya kunyi nataveeye ivi mba, hagati ha uyu oveeye ni zinguru kandi hagati ha uyu utaveeye ni zinguru. Okokonye O, Yahova Nyasaye wiitu, kigira ni ivi wakwiidiraa ku, na mu lieta liilio kulalwana na kulaguuta muganda gwa vasigu yava. O, Yahova, niivi Nyasaye wiitu, mundu atakuguuta mba!”

2 Kyetsinyinga 16:7

Ing'inga yene yeyo, muporofeti Hanani yazia ku mwami Asa navoora, “Kigira wesedemaa ku mwami wa Siria na nuvula kwesedema ku Yahova Nyasaye woovo, iliihi liu mwami wa Isiraeli liahononoka kutura ku ivi.

2 Kyetsinyinga 20:15

Jahazieli yavolera mwami Jehoshafati na vandu vosi avamenya mu Jerusalemi ni Ivuyuda, “Muhuliri! Yaga nigo ga Yahova avoora, ‘Mutatia, kandi mutakuza mioyo jinyu mba; kinga mutatia liihi linene yili, kigira uvulwani sivoveeye vwinyu, navuzwa vwa Yahova Nyasaye!

2 Kyetsinyinga 20:17

Munyi si mulalwaana mu vulwani yivu mba, navuzwa musingiri mu vogono vwinyu, musingiri vudinyu, na mulalora liguuta lia Yahova ahaanaa. O, munyi avandu vi Ivuyuda na Jerusalemi, mutakuza mioyo jenyu mba, anoho mutatia, mugamba mutule kuzia ku valwaana, na Yahova alava harara na mwinye!’ ”

2 Kyetsinyinga 20:20

Mugambazuri lidiku lialonda ku, avandu vatura kuzia mwigendanyama lia Tekoa. Lwa vaali nivaziizaa, mwami Jehoshafati yasingira navavoolera, “Avasaza vi Ivuyuda na Jerusalemi; musuuviri Yahova Nyasaye winyu, kandi musingiri vudinyu. Musuuviri aga vaporofeti veve vamuvolera, na mulaguuta.”

2 Kyetsinyinga 32:15

Kalunu mutaleki Hezekia amugotize kuli ndio mba. Mutamusuuviri mba! Siaveeye ho nu munyasaye wi ihiiri ku ziosi anoho uvwami uwanyala kohonyia avandu veve kutura kuzinguru ziange anoho zia avaguuga vange kali hakuzu mba. Kunangwa Nyasaye winyu alanyala ndi kumuhonyia kuzinguru ziange?”

Ayubu 40:9

Oveeye ni zinguru kuli ziange? mwoyo gugwo gunyala kwatuluruka vudinyu kuli gwange?

Zaburi 118:8

Vuveeye vulahi kusuuvira mu Yahova kuvita kusuuvira mundu.

Zaburi 20:7

Avalala vasuuvira mu magare gaavo gu vulwani na avandi vasuuvira mu zibarasi ziavo, navuzwa kunyi kusuuviraa mu zinguru zia Yahova Nyasaye wiitu.

Zaburi 46:11

Yahova Wuvunyali aveeye harara ni kunyi. Nyasaye wa Yakobo aveeye uvuhaliru vwitu.

Zaburi 46:7

Yahova Wuvunyali aveeye harara ni kunyi. Nyasaye wa Yakobo aveeye uvuhaliru vwitu.

Kutwula 4:31

Vasuuvira, kandi lwa vahulira ndi Yahova umali kuuza kuvo kandi ololi kuli vadambizwa kivi kenene, vinama hasi nivasigamira Yahova.

Tsing'ano 12:25

Uvuliduhu mumwoyo vutulizaho vuyanzi, navuzwa makuva malahi galakuha vusangali.

Isaya 30:32

Lwa Yahova ahaanaa amageri ku vandu va Asiria vuli ing'inga, avandu veve valimba zinyimbu nu kukuba zindumba nu vukana. Nyasaye mwene alwaana avandu va Asiria.

Isaya 31:3

Avandu va Egebeti sivaveeye vanyasaye mba, navuzwa vaveeye vuzwa avandu. Zibarasi ziavo si ziveeye roho mba, navuzwa ziveeye izinyama. Lwa Yahova ahaanaa amageri, ihiiri eveeye yi zinguru ilikigatala, kandi ihiiri eveeye endedekele yakonywa ilagwa. Vombi valadivizwa.

Isaya 36:18

Mutaleki Hezekia amusiruharize muduuki kuganagana ndi Yahova alamusoola. Umunyasaye wi zihiiri zindi ziosi yahonyia ku vivala viavo kutura ku mwami munene wa Asiria?

Isaya 41:10

Mutatia mba, kigira inzi mbeeye harara ni munyi! Mutahendi mioyo mba, kigira inzi mbeeye Nyasaye winyu. Ndamukora kuva avagulu, kandi ndamukonya; Ndamusoola kandi ndamuhonyia.

Isaya 8:10

Mulohiza makuva ginyu harara, navuzwa si mulaguuta mba. Mumolome kuli munyala! Navuzwa goosi gaveeye agavuzwa, kigira Nyasaye aveeye harara ni kunyi.

Jeremia 17:5

Yahova avoora, “Ndakalagira oyo ugirung'anaa kutura ku inzi, kandi usuviraa mu mundu, kandi mu zinguru zizie.

Jeremia 42:11

Mutava nuvuti kigira mwami wa Babiloni mba. Inzi mbeeye harara na nimunyi, ndamusoola kandi ndamuhonyia kutura kuzinguru zizie.

Zekaria 4:6

Maku engelosi yambolera kuhaana makuva yaga ku Zerubabeli kutura ku Yahova: “Ulanyaliza, na si gaveeye kigira vunyali vuvwo anoho kigira zinguru zizio mba, navuzwa gaveeye kigira Roho wange Yahova wamahi avoora.

Vikolwa 18:10

kigira inzi mbeeye harara nivi. Sihaveeye nu mundu ukusaliriza mba, kigira mu lidaala yili mbeeye mu na avandu vanyingi.”

Kwidzulitsa 20:1

“Lwa muturaa kuzia mu vulwani na vasigu vinyu kandi mulole magare gu vulwani, ni zibarasi kandi avasikari vi liihi avanyingi kuvita avinyu, mutavatia mba. Yahova Nyasaye winyu, uwamutuliza mukivala cha Egebeti, alava harara nimunyi.

Kwidzulitsa 20:3

navoora, ‘Avasaza va Isiraeli, muhuliri! Lidiku lia kalunu muziza muvulwani. Mutatia avasigu vinyu, anoho kukuza mioyo, anoho kodegera mba.

Kwidzulitsa 20:4

Yahova Nyasaye winyu niyie wimiraa kuzia harara nimunyi kumulwanira vasigu vinyu, aduuki kumuha liguuta.’

Joshua 10:42

Joshua yaguuta avami yava vosi harara ni vivala viavo mu ing'inga ndala ya yatura kuzia kulwaana mu liihi kigira Yahova, Nyasaye wa Isiraeli yaali naalwaaniraa vandu va Isiraeli.

1 Yohana 4:4

Avana vange, munyi muveeye ava Nyasaye, kandi mwaguuta avaporofeti vovovehi kigira Roho oveeye mumunyi, aveeye munene kandi wizingulu kuvita roho oveeye mu vandu vikivala.

1 Samweli 17:45

Daudi yativura, “Ivi uzaa kunwana ni kivavi, litimu, lubanga kandi inguva; navuzwa inzi ndakulwaana mu lieta lia Yahova Wuvunyali, Nyasaye wa mahe ga Isiraeli, uwa ivi umali konyega.