2 Kyetsinyinga 32:30 - KITABU KITAKATIFU

³⁰ Yaali mwami Hezekia wingalira aha mazi gi kidaho cha Gihoni gavitiraa nigazia ichova, nagagirung'anyia gavitiri mu logova kuduuka havundu musi mwa madigi ga Jerusalemi. Hezekia yagasizwa mu vindu viosi via yakola.

2 Kyetsinyinga 32:30 ပူးပေါင်းရင်းမြစ်များ

1 Avami 1:33

yavolera, “Muzie harara na vimiliri vi Kiyaalo vange harara nu muyaayi wange solomoni naniini kuisukiri yange yene; na mumuhereke asulunguti kuduuka ha Kidaho cha Gihoni,

1 Avami 1:38

Kunangwa Zadoku musaalisi, Nazani muporofeti, Benaya muyaayi wa Jehoyada, kandi avasikari vukulinda uvwami vaanyinyia Solomoni kuisukiri ya Daudi kandi nivamuhereka kuduuka ha kidaho cha Gihoni.

1 Avami 1:45

kandi Zadoku na Nazani nivamuvaka maguta kuli mwami ha kidaho cha Gihoni. Maku vamanyi ni vazia mu lidaala linene, nivakubaa isango vudinyu nuvusangali, ma kandi kalunu avandu navo vakuba uluku. Yilio nilio liyoga lia mumali kuhulira.

2 Avami 20:20

Vindu vindi viosi viu mwami Hezekia yakola, vikolwa vivie viu vuluviliri, kandi livaala kandi livaliza kuli yumbaka lidavalia lia mazi kandi nalima mugera gwingirizaa amazi mu lidaala linene viang'odwa mu kitabu cha makuva ga kale ga vami vi Ivuyuda.

2 Kyetsinyinga 26:5

Yiviika umwene kwenyeleriza Nyasaye ligali, mu madiku ga Zakaria yaali mwoyo, uwaali mugerihizi weve wi dini mu liitia Nyasaye; na kolohoono lwa yenya Yahova, Nyasaye yamugasiza.

2 Kyetsinyinga 32:3

oyo harara na vanene veve kandi na vasaza veve vizingulu vavolerana harara ma nivatovola kwigalira vidaho viosi iviali ichova wi lidaala linene; na vaamukoonya.

2 Kyetsinyinga 32:4

Vavungiza muganda gwa vandu vanyingi ligali harara nivigalira vidaho viosi nu mugera gwavitiraa hagati hi kivala yicho nivavoora, “Kigira ki avami va Asiria vaze konyoora amazi manyingi?”

2 Kyetsinyinga 33:14

Inyima wa yaga, Manase yameda kwumbaka uvutambi igulu wi lidigi lie chova ku lovega lwi Ivugwi lwi Lidaala linene lia Daudi, kutura havundu mu livona ahimbi ni kidaho cha Gihoni ivaale wi Kirivwa chi Zisuzi kandi havundu hi lidaala linene ahalangwa Ofeli. Yavika kandi munene wi liihi mu vuli lidaala linene liumbakirwa zimbinga lie Ivuyuda kuliliinda.