2 Kyetsinyinga 32:29 - KITABU KITAKATIFU

²⁹ Komeeda ku vindu yivi viosi, Nyasaye yamuha magondi ni zing'ombe uvutugi vundi vunyingi ligali kali kuduuka niyumbaka madaala manene manyingi.

2 Kyetsinyinga 32:29 ပူးပေါင်းရင်းမြစ်များ

1 Kyetsinyinga 29:12

Vutugi vwosi nu vuhinda vuturaa ku ivi; kandi vamiiha vindu viosi mu zinguru harara nu vunyali vuvwo; kandi uveeye nu vunyali kokora mulala kuvo munene kandi wi zinguru.

1 Kyetsinyinga 29:28

Mwami Daudi yakuza naveeye mundu muhindira ligali, mundu wu vutugi vwivwe, kandi ni lizominywa lilie lilahi. Mwana muyaayi weve Solomoni yavugula ovogono vwivwe kuli mwami.

2 Kyetsinyinga 17:5

Kunangwa Yahova yadinyiriza uvwami vwi Ivuyuda mu zinguru zizie, na vandu vosi vi Ivuyuda valetera Jehoshafati vihaanwa, na yagwa mutugi ligali.

2 Kyetsinyinga 25:9

Na mwami Amazia yateeva muporofeti uyu, “Navuzwa kulakola ki ku ifeza yamali kuhaana ku vasaza yava?” Na muporofeti yamutivulira, “Yahova alakwilanyira vinyingi kuvita yivi!”

2 Kyetsinyinga 26:10

Yumbaka kandi minaara ji zimbinga mu kivala choosi kandi yayava amaliina manyingi gu kuvungiza mu amazi, kigira yaali ni chayo chi mitugu minyingi hoosi hi vigulu vie madioli mu Shefela kandi mu vireremo. Kigira yayanza uvulimi, yadinyiriza avandu kutaga mizabibu mu kivala chi vigulu kandi kulima kivala kenoru.

2 Kyetsinyinga 32:28

Komeeda ku ziene yizio, yumbaka videera viu vuswage, iwaini, na maguta, ga muzeituni; ivigo vie zing'ombe zizie; kandi via magondi.

Ayubu 1:3

Yaali na magondi 7,000, zing'amia 3,000, zing'ombe ziukulima 1,000 kandi zibunda 500. Yaali kandi na vatumikiri vanyingi ligali. Yaali mutugi ligali kuvita vandu vandi vosi volovega lwi Ivugwi.

Ayubu 1:9

Maku Setani yativulira Yahova, “Uganaganaa Ayubu alakusigamira natanyooye kindu kutura ku ivi?

Ayubu 42:12

Yahova yagasiza Ayubu mu keheri chi livamwoyo lilie kali kuvita lwa yaali ni yamugasiza mu litanga. Ayubu yaali na magondi zielefu likomi na gane, zing'amia zielefu sita, zing'ombe ziokulima zielefu ziviri, ni zisukiri elefu indala.

Tsing'ano 10:22

Uvugasu vwa Yahova vulakuha vutugi, navuzwa liyinzira vudinyu si lilakokola mutugi mba.

Kwidzulitsa 8:18

Mwizurizi ndi Yahova Nyasaye winyu niyie umuhezaa zinguru ziukuva avatugi. Akolaa ndio kigira akikiri vuzwa musuuvirifu kalunu ku lilagana lia yalomba na avaguuga vinyu.

1 Samweli 2:7

Akolaa avandu valala vadaka, na vandi vatugi. Agehizaa avalala na vandi avanenehiza.