2 Kyetsinyinga 32:23 - KITABU KITAKATIFU

²³ Avandu vanyingi vazia Jerusalemi, nivahira vihaanwa ku Yahova kandi Hezekia kunangwa avandu vosi vahaana lizominya ku Hezekia.

2 Kyetsinyinga 32:23 ပူးပေါင်းရင်းမြစ်များ

1 Avami 10:10

Yaaha mwami Solomoni vihaanwa via yaali naleti, kuvita zikilo 4,000 zie zahabu kandi mudalasini munyingi ligali kandi na magina guvuguli. Mudalasini gwu mukali uyu yaaha Solomoni gwali umunene kuvita gwa yanyoora ing'inga yindi yoosi.

1 Avami 10:25

Vulii mundu waza, yamuletera vihaanwa, kuli; viju vie zahabu ni feza, ziganza, viugi, mudalasini, zibarasi, kandi zisukiri. Yaga gazizagilira vuli muhiga.

1 Avami 4:21

Vwamihi vwa Solomoni vwosi vwa haambanyia harara vivala kutura ku mugera gwa Efurate kuduuka ku kivala cha Avafilisitia, kandi kuduuka ku lwako lwa Egebeti. Avandu vi vivala yivi viosi vaatunga uvusuru kuye kandi yavamiiha mu madiku goosi ga yaali mwoyo.

2 Avami 19:30

Na yavo vamenyi Ivuyuda valagasizwa mu vindu viosi, kuli misaala gihilaa imiri jajo haasi ligali mu malova nu kwama amakuyu.

1 Kyetsinyinga 29:25

Yahova yanenehiza Solomoni ligali imbiri wi ihiiri yoosi ya Isiraeli, nu kumuha uvukumi vwu vwami, uvwavula kuva ho ku mwami wundi woosi mu Isiraeli.

2 Kyetsinyinga 1:1

Mwami Solomoni, muyaayi wa Daudi yavugula uvwamihi vwu vwami vwa Isiraeli ni zinguru, na Yahova Nyasaye weve yamugasiza kandi naamukora kuva mwami wi zinguru ligali.

2 Kyetsinyinga 17:11

Valala ku Vandu va Filisitia valeta ifeza inyingi ligali ni vihaanwa vindi ku Jehoshafati, kandi vandu va Arabu valala vamuleetera amagondi 7,700 kandi izimbuli 7,700.

2 Kyetsinyinga 17:5

Kunangwa Yahova yadinyiriza uvwami vwi Ivuyuda mu zinguru zizie, na vandu vosi vi Ivuyuda valetera Jehoshafati vihaanwa, na yagwa mutugi ligali.

2 Kyetsinyinga 9:24

Mundu sa mulala waza ku Solomoni yamuletera vihaanwa, viju vie zahabu ni feza, zigaanza, viugi, mudalasini, zibarasi, kandi zisukiri. Yaga gazizagilira vuli muhiga.

Ezara 7:27

Ezara yavoola, “Yahova yizominywi, Nyasaye wa vaguuga viitu! Amali kokora mwami kuvugilira kuhaana luyali ku Litembeli lia Yahova mu Jerusalemi.

Zaburi 68:29

kutura mu Litembeli liilio mu Jerusalemi; uwa avami valeta vihaanwa ku ivi.

Zaburi 72:10

Avami va Sipeini na vivisulu valamuha vihaanwa; avami va Sheba na Seba valamuleetera vihaanwa.

Zaburi 76:11

Muhaane ku Yahova, Nyasaye winyu icha mwalagana naye; muleete vihaanwa kuye, munyi mwosi zihiiri ziahimbi ku uyu wukutivwa.

Matayo 2:11

Vingira munyumba, ni valora umwana na Maria mama weve; na viinama imbiri weve ni vamusigamira. Vavoholora iziakiiba ziavo, ni vamuha vihaanwa viezahabu, ikimuli na manemane.