2 Kyetsinyinga 32:21 - KITABU KITAKATIFU

²¹ Yahova yatuma engelosi iyiita avasikari vosi na vanene vi iliihi lia Asiria kali na vanene vu mwami. Kunangwa mwami Senakeribu yirana Asiria mu zisoni zinyingi. Lidiku lilala lwa yazia mu litembeli liu munyasaye weve, valala ku vayaayi veve vamwita nivivavi viavo.

2 Kyetsinyinga 32:21 ပူးပေါင်းရင်းမြစ်များ

2 Samweli 24:16

Lwe engelosi yanyira mukono gwigwe kudiviza Jerusalemi, Yahova yaali novovereri ligali kigira ikivi kandi navolera engelosi uwaali nahaana amageri ku avandu, “Gaduuki! Lekera kuhaana mageri googo.” Engelosi wa Yahova yaali ulwene yilwo ha aloze lwa Arauna Umujebusi.

2 Avami 19:20

Maku, Isaya muyaayi wa Amozi yatuma makuva ku Hezekia navoora, “Yahova, Nyasaye wa Isiraeli avoora ndi: Mali kuhulira lisaala liilio kigira Senakeribu mwami wa Asiria.”

2 Kyetsinyinga 32:20

Maku mwami Hezekia nu muporofeti Isaya muyaayi wa Amozi, vasaala ku Nyasaye kandi vanira kuye avakoonye.

2 Kyetsinyinga 32:22

Munzira yiyi, Yahova yahonyia mwami Hezekia harara na vandu vamenyaa mu Jerusalemi kutura kuzinguru zia Senakeribu, mwami wa Asiria; ma kandi kutura ku vasigu vaavo vandi. Yaleka avandu vamenye mu mirembe, nivivala viali mu votende.

Ayubu 9:4

Nyasaye aveeye mugeri kandi aveeye wi zinguru. Nivwaha unyala kuhing'ana na Nyasaye ma aguuti?

Zaburi 132:18

Ndakunika avasigu veve nizisoni zinene ligali, navuzwa uvwami vwivwe vulamedeka kandi vulagasizwa ligali.”

Zaburi 18:50

Nyasaye ahaanaa liguuta linene ku mwami weve; kandi amanyiaa uvuyanzi vutali nekeheri ku uyu wamali kotovola, ku Daudi harara ni visukululwi veve mihiga ni mihiga.

Zaburi 44:15

Inzi ndeganyiangwa kazozo.

Zaburi 76:12

Agehizaa vayaayi va avami vigingiraa, kandi atihizaa avami vanene ligali.

Zaburi 76:5

Avasikari valuviliri vaavo vamali kulanya viosi via vaali navio, na kalunu vosi vaakuzi; zinguru ziavo ziosi ziali hazwa.

Zaburi 76:6

O, Nyasaye wa Yakobo, lwa wavatiihiza zibarasi na vahiri vazio vaagwa hasi nivakuza.

Zaburi 76:7

Navuzwa, ivi O, Yahova, utiivwa na vosi. Nivwaha unyala kusingira imbiri woovo kukalagirwa, lwa oveeye nu vutima?

Tsing'ano 11:2

Avandu vaveeye vigingiri valava mu zisoni, navuzwa liegehiza liletaa ovogeri.

Tsing'ano 16:18

Lielola liduukiza mundu mulidiva, kandi liegingira likora mundu kugwa.

Isaya 10:8

Aveeye ni liegingira kovora ndi, “Avanene vange vosi vaveeye avami!

Isaya 14:25

Ndadiviza avandu va Asiria avaveeye mu kivala change cha vandu vange Isiraeli, kandi ndavaduvagira hasi ku vigulu viange. Ndahaana vovoholore ku vandu vange kutura ku iniira ya avandu va Asiria, kandi ndatuliza misigo miliduhu kutura ku mavega gaavo.

Isaya 36:9

Munyala ndi kweleng'anyia nu mutumikiri oveeye nidalaja ya hasi ligali mu vutumiki vwa Asiria, lwa munyi aveene muganaganaa umwami wa Egebeti amuletere magare gu vulwani, na vasaza vi zibarasi?

Isaya 37:21

Maku Isaya mwana wa Amozi yatuma likuva ku mwami Hezekia namuvolera mu litivula kolondekana ni lisaala lilie ndi,

Isaya 42:8

“Inzi mbeeye Yahova Nyasaye winyu, siaveeye ho numunyasaye wundi ohevwa vukumi vwange mba; anoho sindaleka vifananyi vinyoole lizominywa liange.

Jeremia 21:2

“Nuyanza okomolomere ku Yahova, kigira mwami Nebukadineza harara ni liihi lilie vakumbiriza lidaala. Hawundi Yahova alakokolera kilala ku vilolekizu vivie na akole Nebukadineza aleke.”

Danyeli 3:28

Mwami yavoola, “Nyasaye wa Sadaraka, Meshaka na Abedinego yizominywe! Yatuma engelosi yeeye nesoola vandu yava avamusuuvira, si vaatia malago gange mba. Vaviika livamwoyo liavo mu vuhimwa mulivula kusigamira Nyasaye wundi nataveeye nyasaye wavo.

Danyeli 6:22

O, Mwami Nyasaye utumi engelosi yeeye kukunika minwa ji zisimba kunangwa zivuli kuusaliliza. Nyasaye okoli yaga kigira amanyi ndi inzi mbeeye vugira imbara kandi kigira si ndakokolera vudamanu vwosi mba.”

Vikolwa 12:23

Nonoho engelosi wu Mwami Nyasaye yakuya Herodi, kigira siyaaha Nyasaye uvukumi yivwo mba. Zing'ende ziamulia nakuza.