2 Kyetsinyinga 31:5 - KITABU KITAKATIFU

⁵ Nonoho lwa lilaga lialandizwa, avandu va Isiraeli vahaana mu vunyingi amatunda gu kutanga nu ligera liavo, iwaini, amaguta, uvwuki ma kandi ku viosi via vagesa mu milimi jiavo, kandi valeta mu vunyingi izaka kandi kidichichio ku vindu viosi.

2 Kyetsinyinga 31:5 ပူးပေါင်းရင်းမြစ်များ

Nehemia 12:44

Mu ing'inga yeyo, avasaza vaatovolwa kusingilira ving'oze via mavikiru, gu uvwihaani vwi Litembeli vwaviikwa; harara ni zizaka, uvuswage vwukutanga, na makuyu gukutanga kwenga vuli muhiga. Kutura mu milimi jaali ahimbi na madaala, gavadukiraa valeete mu mavikiru gi zinyumba zie Litembeli vidieli vienyangwa ku Lilaga, avasaalisi na va Levi vahevwe, kigira avandu vosi va Ivuyuda vayanzizwa na vasaalisi kandi na vandu va Levi.

Nehemia 13:12

Maku avandu va Ivuyuda vosi vatangakoleta zizaka ziavo ziu vuswage, zie iwaini, na maguta ga muzeituni mu ving'oze via mavikiru.

Nehemia 13:31

Ndalohiza iziingu zitumikaa kigira kusamba vihaanwa zileetwe ku ing'inga indahi idukanaa, kandi kigira avandu koleta vihaanwa viavo viuvuswage vwukutanga namakuyu gukutanga kwenga. Unzizulizi yaga goosi, O, Nyasaye, na ongolere.

Kutwula 22:29

“Muhaane kuinzi zisadaka zie ligesa lienyu, lie iwaini yienyu namaguta gamizeituni ginyu lwa muva nimwakagesa. “Muhaane ku inzi avana vayaayi vinyu vukutanga kwivulwa.

Kutwula 23:19

“Vuli muhiga mulaleeta munyumba ya Yahova Nyasaye winyu vuswage vwukutanga kogesa. “Utasinzi kememe chi ligondi anoho imburi nikinuuna maveere ginyia mba.

Kutwula 34:22

“Mulinda nukwizuliza Lisavo lie Ligesa lwa mutanga kogesa viukulia viukutanga vie ingano, kandi mwizurizi nukulinda Lisavo lia madiri mu ing'inga ya muvungiza makuyu ginyu.

Kutwula 34:26

“Muleete munyumba ya Yahova iligesa liukutanga lievitagwa vienyu vuli muhiga. “Mutadekeri kememe nikikinuuna maveere ganyia mba.”

Kutwula 35:5

Mulombe kihanwa ku Yahova. Mundu woosi oveeye nu mwoyo gwukuyaanza kuhaana, aleete kihanwa chizahabu, ifeza nu mugasa;

Tsing'ano 3:9

Uhaane luyali ku Yahova nu kumuhaanira kihanwa kilahi kutura kuviamo viosi viu mulimi gwugwo

Kyavalevi 27:30

Kidieli kilala ku likomi chi viamo viosi viu mulimi, niviva vuswage, anoho makuyu, keveeye Yahova.

Livalidza 18:12

“Mbana kuivi vindu viosi vilahi viukutanga muligesa lia avandu va Isiraeli vahaana ku inzi vuli muhiga: amaguta ga muzeituni, iwaini kandi vuswage.

Livalidza 18:13

Viosi ni vivyo; mundu woosi wi nyumba yooyo oveeye mutakase anyala kuvilia.

Livalidza 18:8

Yahova yavolera Haruni, “Wizulizi ndi ngoheza vidieli viosi viahaanwa ku inzi viavula kusambwa kuli visiuviliru. Mbihaana ku ivi harara ni visukululwi vivio kuli kidieli chicho mihiga ni mihiga.

Varumi 8:23

Si viveeye vindu viosi vienyine ivikenyaa nilizunwa; navuzwa kali kunyi ava koveeye na Roho oveeye kuli vihaanwa via Nyasaye viukutanga. Kokenya aveene musi, nikulindirira Nyasaye akokole avana veve, kandi akovoholore mu liiva lietu liosi.

1 Vakorintho 15:20

Navuzwa agiligali gaveeye ndi Kristo umali kusimugukizwa kutura mu likuza, kandi aveeye kimanyiru ndi, yavo avagonaa mu likuza, kandi navo valakasimukizwi.

Yakobo 1:18

Ku vulaliri vwivwe umwene, yakoleta mu livamwoyo kuvitira mu likuva lie ligali, kunangwa kuduuki kuva kuli amakuyu gu kutanga hagati hi ivilombe vivie.

Likunula 14:4

Yava nivo avasaza avilindaa na vavula kokora ovoheyi na vakali; aveene vayilinda kandi vaveeye avagima. Yava nivo avalondanga Mwana wi Ligondi hoosi na hoosi aha azizaa. Yava vahonywa kutura mu avandu vandi vaveeye va Nyasaye amakuyu gukutanga kuhaanwa ku Nyasaye kandi ku Mwana wi Ligondi.