2 Kyetsinyinga 31:2 - KITABU KITAKATIFU

² Mwami Hezekia yalohiza avasaalisi na vandu va Levi, kolondekana nu muyinzi gwa vuli mundu. Miyinzi jaavo jaali; kuhaana vihaanwa viu kusambwa kandi vihaanwa vie mirembe, kutumika mu virivwa via ahokososa ha Yahova kandi kuhaana lisandiza ni lizominya mu Litembeli lia Yahova.

2 Kyetsinyinga 31:2 ပူးပေါင်းရင်းမြစ်များ

1 Kyetsinyinga 16:37

Mwami Daudi yavika Asafu na vandu vi hiiri ya Levi vache kusingilira havundu hu kusigamira, hi Lisandugu lie Lilagana lia Nyasaye liavikwa. Venyeka kokora miyinzi jaavo hene yaho zing'inga ziosi.

1 Kyetsinyinga 24:1

Visukululwi va Haruni vagavulanywa mu miganda yigi: Nadabu, Abihu, Elieza, na Izamara.

1 Kyetsinyinga 24:24

Uzieli yaali baba wa Mika na Mika yaali guuga wa Shamiri.

1 Kyetsinyinga 25:25

Ikura ya komi na nane yagwira Hanani, avayaayi veve na aviiko veve vosi vaali komi na mbiri.

1 Kyetsinyinga 26:26

Shelomozi harara na avandu vi inyumba yeeye vaali nu vunyali kusingilira amaviikiru goosi gi vihaanwa via viikirwa Nyasaye nu mwami Daudi, aviimiliri vi viliango via vaguuga, avanene vi zielefu ni zimia, kandi avanene va mahi.

2 Kyetsinyinga 23:8

Vandu va Levi na avandu vosi vi Ivuyuda valonda malago ga Jehoyada. Avasaza sivaalakulwa vazie yengo lwa vazia ku miyinzi ku Lisabato. Kunangwa avanene vi liihi vaali navasaza avaari nivaturaa ku miyinzi na yavo avaari nivaaza ku miyinzi.

2 Kyetsinyinga 24:14

Lwi miyinzi yiji jaali nijakafa mabesa gatigala vahiraa ku mwami Joashi nu musaalisi Jehoyada nivatumikira kolomba zisahani ni viju vindi kutumika mu Litembeli. Mu madiku goosi ga Jehoyada yaali musaalisi, vihaanwa viahaanangwa kazozo mu Litembeli lia Yahova.

2 Kyetsinyinga 31:17

Na yavo avang'odwa kuli likula lia vasaalisi kolondekana ni zinyumba zia vaguuga vaavo, na vandu va Levi kutura ku mihiga 20, vagavulwa viukulia kolondekana nu vutumwa vwavo kandi ni viduma viavo.

2 Kyetsinyinga 35:2

Mwami yagavulira avasaalisi miyinzi ja venyeka vakole mu Litembeli, navadinyiriza vulahi.

2 Kyetsinyinga 5:11

Lwa vasaalisi vosi vaali nivatulaa mu Litembeli, vaali niviitakasi aveene, vugira kumanyikana ku miganda jaavo.

2 Kyetsinyinga 8:14

Kolondekana na malago ga baba weve Daudi yaali na viiki ho, Solomoni yalohiza miyinzi ja vuli lidiku ja Avasaalisi, vandu va Levi avakonyana na avasaalisi mu liimba zinyimbu kandi no kokora zigasi ziavo. Kandi yalohiza avasikari vi Litembeli mu vika kokora miyinzi jiavo jia vuli lidiku ha vuli kirivwa, kolondekana na amalago ga Daudi, mutumikiri wa Nyasaye.

Ezara 6:18

Valohiza avasaalisi vi hiiri ya Levi mu vika kigira uvutumiki vwa Nyasaye mu Litembeli lia Jerusalemi. Yaga gakolekaa kolondekana na malago gang'odwa mu kitabu cha Musa.

Nehemia 11:17

Matania mwana wa Mika, mwisukulu wa Zabadi, wi kisukururwi cha Asafu, yaali mwimiliri wi ikwaya yukwimba zinyimbu zielisaala liu kusandiza. Bakibukia uwaali mulondi wakaviri ku Matania, na Abida mwana wa Shamua mwisukulu wa Galali, kisukururwi cha Jeduzuni.

Zaburi 134:1

Hambi, mwizominye Yahova, munyi avatumikiri veve, vosi avatumikaa mu Litembeli lilie muvudiku.

Jeremia 33:11

lihanzuka liu vuyanzi kandi liu vusangali vwa oyo osererwa kandi osereranga. Avandu valimba nokoleta vihaanwa vie lisaandiza mu Litembeli liange; valavoora, ‘Muhaane lisaandiza ku Yahova Wuvunyali, kigira aveeye mulahi, kandi vuyanzi vwivwe vutali nekeheri vuhindiraa mihiga ni mihiga.’ Ndakora kivala yiki kuva chu vugasu kuli chaalange maziambiri. Inze Yahova, mali kovora.”

Luka 1:5

Mu madiku ga Herodi yaali Mwami Munene wi Vuyuda, yaali ho musaalisi mulala walangwa Zakaria, kutura ku avinyumba yu musaalisi Abija. Mukali weve yalangwa Sabeti; yaali mulala ku avakaana vi kisukururwi chu Musaalisi Haruni.

Luka 1:8

Lidiku lilala Zakaria yaali naakoraa miyinzi ju vusaalisi imbiri wa Nyasaye mu Litembeli kuli lilohiza lia vuli lidiku lialange.