2 Kyetsinyinga 31:15 - KITABU KITAKATIFU

¹⁵ Yakonywa kugavura mu madaala gandi amanene mwa vasaalisi vaamenya na vandu va Levi vandi: Edeni, Miniamini, Jeshua, Shemaya, Amaria na Shekania. Vagavula viukulia vileng'ani ku vandu va Levi avamwavo vaavo, kolondekana kuli vutumwa vwavo vwali.

2 Kyetsinyinga 31:15 ပူးပေါင်းရင်းမြစ်များ

1 Kyetsinyinga 24:31

Vuli mwimiliri wi inyumba kandi mulala ku avamwavo veve avasoleri vaakuba zikuura ziavo, kuli avamwavo vaavo, avana va Haruni vaali ni vakoli. Yaga gekoleka imbiri wu mwami Daudi, Zadoku, Ahimeleki, harara na aviimiliri vi zinyumba zia vaguuga avasaalisi ni ihiiri ya Levi.

1 Kyetsinyinga 25:8

Kumanyia kuli miyinzi gigavulanywa, vosi vaakuba zikuura, nivaveeye avasoleri anoho avakulundu, muke ku munene, mwigizi ku mwigizwi.

1 Kyetsinyinga 9:22

Yava vosi avatovolwa kuli avalindi ha vwingiliru nu mu virivwa, vaali avandu 212. Vaang'odwa kolondekana na amadara ga vamenya mu. Yaali mwami Daudi nu muporofeti Samweli avaviika avaguuga vaavo mu miyinzi ji lisuuvirizwa yili.

2 Kyetsinyinga 29:12

Hene yaho, vandu va Levi yava vatanga miyinzi; Kutura mu kiliango cha Kohazi vaali, Mahazi muyaayi wa Amasiya na Joeli muyaayi wa Azaria. Kutura mu kiliango cha Merari vaali, Kishi muyaayi wa Abidi na Azaria muyaayi wa Jehaleleli. Kutura mu kiliango cha Gerishoni vaali, Joashi muyaayi wa Zimina na Edeni muyaayi wa Joa.

2 Kyetsinyinga 31:13

Vandu va Levi 10 vaviikwa kuyinzira hasi haavo; vaali: Jehieli, Azazia, Nahazi, Asheli, Jerimozi, Jozabadi, Elieli, Isimakia, Mahazi na Benaya. Yaga goosi gekolekaa ku vunyali vwu mwami Hezekia nu musaalisi munene Azaria.

2 Kyetsinyinga 31:14

Kore muyaayi wa Imuna mundu wa Levi waali musikari munene ha kirivwa chi Ivugwi chi Litembeli, yasingilira vihaanwa vialetangwa ku Yahova, kandi niye wasingira ligavulwa lia vio.