2 Kyetsinyinga 30:6 - KITABU KITAKATIFU

⁶ Avatumwa vatura kuzia ichova ku lilaga liu mwami na vanene veve mu kivala choosi chi Vuyuda na Isiraeli na makuva yaga: “Avandu va Isiraeli, mu mali kohona kutura ku liguutwa lie kivala cha vandu va Siria. Kalunu mwirane ku Yahova, Nyasaye wa Aburahamu, Isaka na Yakobo, na alirana ku munyi avatigara,

2 Kyetsinyinga 30:6 ပူးပေါင်းရင်းမြစ်များ

1 Avami 18:36

Ku ing'inga yukuhaana kisiuviriru cha mbasu, muporofeti Elija yisunda himbi ku vwali nasaara navoora, “O, Yahova, Nyasaye wa Aburahamu, Isaka, na Yakobo, lolekiza kalunu ndi ivi oveeye Nyasaye wa Isiraeli, kandi inzi mbeeye mutumikiri woovo kandi mali kokora yaga goosi kolondekana ku lilaga liilio.

2 Avami 15:19

Tigilazi Pileseri, mwami wa Asiria yazia kulwana kivala cha Isiraeli, na Menahemu yamuha zikilo 34,000 zie ifeza konyoora ovokonyi mu lidinyiriza zinguru zia Menahemu ukwamiiha kivala cha Isiraeli.

2 Avami 15:29

Mu madiku gi liamiiha lia Peka mwami wa Isiraeli, Tigilazi Pileseri mwami wa Asiria, yaza nagumira madaala manene ga Ijoni, Abe-Bezi Maaka, Jonoa, Kedeshi, Hazori, Gileadi, kandi Galilaya, harara ni kivala choosi cha Nafutali; yahira avandu mu vuhambe mu kivala cha Asiria.

1 Kyetsinyinga 29:18

O, Yahova Nyasaye wa vaguuga viitu Aburahamu, Isaka na Yakobo, viika liehaana yili mu mwoyo, live Lie zinguru mu mioyo ja avandu vovo ku mihiga ni mihiga, na ugikole give misuuvirifu ku ivi kazozo.

1 Kyetsinyinga 5:26

Kunangwa Nyasaye yakola mwami Puli wa Asiria, uwamanyikana kandi kuli Tigilazi - Pileseri, kwingilira kivala chavo. Yang'anyia avandu vi zihiiri zia Rubeni, Gadi ni Ivugwi wa Manase kuzia mu vuhaambe; kandi vidikira mu kivala cha Harara, Habori na Hara kandi ku mugera gwa Gozani.

2 Kyetsinyinga 28:20

Kunangwa mwami Tigilazi Pileseri wa Asiria yazia kuye, navuzwa mu vogono vwo kokonya Ahazi, yaamudambiza ligali.

Esther 3:13

Avanyaguli vaanyaguliza lilaga yili ku vuli kivala chu mwami yamiha ku. Lilaga yili liali ndi ku lidiku lia komi na tatu liu mweli gwa Aderi, Avayuda vosi, avang'erere kandi avahindira, avakali na avana vakekeeke harara kuduuka viitwi ku lidiku lilala vuzwa. Gavadukiraa vasinzwi vugira liverererwa, na ivindu viavo viosi vilaanywi.

Esther 8:14

Umwami yalaga avahiri vi zibarasi ziu vwami vatuli vwangu ligali na vanyagulizi amalandizu yaga vugira kogotiza uvwiyangu. Ililandiza lia vwangu yili lialandizwa kandi mu lidaala linene lia Susa.

Ayubu 9:25

Kalunu madiku gi livamwoyo liange ganyagulaa zimbiru ligali vwangu, kuvita munyaguli. Girukaa ligali, sigalolaa uvulahi mba.

Isaya 1:9

Yahova Wuvunyali alavula koleka valala ku avandu zana vave mwoyo ngano Jerusalemi liadivizwa ligali kuli madaala ga Sodoma na Gomora gadivizwa.

Isaya 6:13

Kali niiva mundu mulala ku likomi atigala mu kivala yiki, oyo kandi aladivizwa; alava kuli kitinya chu musaala gwa mwaloni ugwatemwa.” Kitinya yicho keveeye kuli litanga lihia lia vandu va Nyasaye mu kivala.

Jeremia 29:1

Yiyi ni Ibarwa ya ndaang'oda kuzia ku avasaalisi, avaporofeti, aviimiliri, harara na avandu vosi ava Nebukadineza yaali naahiri kutura Jerusalemi kuzia Babiloni kuli avahambe.

Jeremia 3:14

“Mwirane munyi avandu avataveeye vasuuvirifu; muveeye avange. Ndaavugura mulala kumunyi kutura muvuli lidaala kandi vaviri kutuura muvuli ihiiri, kandi nda mwiranyia ku kiguru cha Ziyoni.

Jeremia 4:1

Yahova avoora, “Avandu va Isiraeli, niiva mwenya kugirung'ana mugirung'ane muuzi ku inzi. Niiva muveeye avasuuvirifu ku inzi, kandi nimutulizaho ivifananyi viandunyira,

Jeremia 51:31

Avatumwa vanyagura zimbiru kuzia kovoolera mwami wa Babiloni ndi, lidaala lilie linene limali kwingilirwa kutura ku zimbega ziosi.

Lisyoma lya Jeremia 3:40

Leki kogelizi kandi kwehenzelizi zinzira zietu, kandi kwirane ku Yahova!

Lisyoma lya Jeremia 5:21

O, Yahova, ukwiranyie ku ivi! Ukwiranyie! Ukwiranyiri vukumi vwitu vwali vwizing'inga zia kale.

Ezekieli 33:11

Uvavoolere ndi ligali kuli inzi, Yahova Wuvunyali, mbeeye Nyasaye oveeye mwoyo, si sangala kolola mwoni nakuzaa mba. Ndakayanzi kolola naleki kokora vwoni kandi naveeye mwoyo. Avandu va Isiraeli, muleke uvudamanu vwamukolaa. Kigira ki mwenya kukuza?

Hosea 14:1

Munyi avandu va Isiraeli, mwirane ku Nyasaye winyu. Munyi mumali kwikigatala nu kugwa kigira uvwoni vwinyu.

Hosea 6:1

Avandu vavoola, “Gendi kwirane ku Yahova! Umali kukusaliriza, navuzwa alakohonyia; umali kukwata zing'oma, navuzwa alavohelera zingwago zietu.

Zekaria 1:3

navuzwa kalunu muvooleraa ‘Mwilane ku inzi, na inzi ndamwilanira.

Zekaria 1:4

Mutava kuli avaguuga vinyu mba. Avaporofeti vavavolera kale makuva gange, nivavavoolera valeke vudamanu, kandi vavuli komenya mu vwoni. Navuzwa si vambulira anoho kutia inzi mba.

Yakobo 4:8

Mwisuundi ahimbi ku Nyasaye naye alisuunda ahimbi ku munyi. Mwiganili munyi avoni; mutakase mioyo jinyu, munyi avagadaa.