2 Kyetsinyinga 30:12 - KITABU KITAKATIFU

¹² Nyasaye waali kandi na vandu vi Ivuyuda navahambanyia kuva kindu kilala vaduuki kokora agu mwami navana va vami valaga ku likuva lia Yahova.

2 Kyetsinyinga 30:12 ပူးပေါင်းရင်းမြစ်များ

2 Kyetsinyinga 29:15

Avandu yava vavuganya avamwavo vaavo, ma niviitakasa aveene, na ni vazia mu Litembeli kuli mwami yaali naavalagi kolondekana ni lilaga lia Yahova liakutakasa Litembeli lia Yahova.

2 Kyetsinyinga 29:25

Mwami Hezekia yavika vandu va Levi mu Litembeli lia Yahova harara ni vikuli, vukana kandi vukana vwi migoye kolondekana na gahevwa ku mwami Daudi na avaporofeti Gadi na Nazani.

2 Kyetsinyinga 29:36

Mwami Hezekia harara na avandu vosi vasangala ku aga Nyasaye yaali navakoleeye, kigira miyinzi je Litembeli jakoleka vwangu ligali.

2 Kyetsinyinga 8:15

Avasaalisi na vandu va Levi valora miyinzi jaavo ku vindu viosi kandi ku mavikiru kolondekana na malago ga vahevwa nu mwami.

Ezara 7:27

Ezara yavoola, “Yahova yizominywi, Nyasaye wa vaguuga viitu! Amali kokora mwami kuvugilira kuhaana luyali ku Litembeli lia Yahova mu Jerusalemi.

Zaburi 110:3

Ku lidiku lia uzia kulwaana vasigu vovo, avandu vovo valiihaana aveene. Avayaayi vovo valaza ku ivi ku vigulu vitakatifu kuli lime lia mugambazuri.

Jeremia 24:7

Ndavakora vave nuvuha vwu kumanya ndi inzi mbeeye Yahova. Maku valava avandu vange, na inzi ndava Nyasaye wavo, kigira valirana ku inzi ni mioyo jaavo josi.

Jeremia 32:39

Ndavaha mwoyo mulala, kandi liiva lilala, vaduuki kutia inzi mihiga ni mihiga, ku vulahi vwavo aveene, kandi ku vulahi vwi visukululwi vaavo.

Ezekieli 36:26

Ndamuha umwoyo muhia, kandi ndaviika Roho muhia mu munyi. Ndatuliza mu munyi umwoyo mudinyu gwi ligina na ndaviika mu munyi umwoyo gwi liegehiza.

Vikolwa 4:19

Navuzwa Petero na Yohana vavativulira, “Kalagi munyi aveene niiva agaveeye malungi imbiri wa Nyasaye, kutia munyi anoho kutia Nyasaye.

2 Vakorintho 3:5

Sigali kunyi koveeye avadukiru kokora umuyinzi yigu ku zinguru zietu aveene, navuzwa vunyali vwitu vuturaa ku Nyasaye.

Kwidzulitsa 4:2

Mutameeda kindu choosi ku makuva ga inzi mulagaa kandi mutatulizi ku kindu choosi mba. Mugumiri malago ga Yahova Nyasaye winyu, aga inzi mali kumuha.

Vafilipi 2:13

Nyasaye akolaa imiyinzi mu munyi kazozo kumukola muduuki kuvugilira kandi kuhulira uvulariri vwivwe umwene.

1 Vatesalonike 4:2

Munyi mumanya lugano lwa malago ga kwamuha ku vunyali vwu Mwami Yeso.

Vahebraina 13:20

Nyasaye umali kusimugukiza Mwami wiitu Yeso Kristo kutura mu vakuzu, oveeye Mwayi Munene wa magondi kigira lisundula lia masahi geege agadinyirizaa lilagana lie mihiga ni mihiga.

Vahebraina 13:21

Nyasaye wi mirembe amukole muve avadukiru mu vindu viosi vilahi via mwenya, kunangwa muduuki kokora uvulariri vwivwe; kandi kuvitira mu Yeso Kristo akole mu kunyi imbiri weve. Uvukumi vove kuye mihiga ni mihiga. Amini.