2 Kyetsinyinga 30:10 - KITABU KITAKATIFU

¹⁰ Vatumwa vi zibarwa vazia kutura mu vuli lidaala linene muvivala vie zihiiri zia Efuraimu na Manase, kandi kuduuka Ivaale ku ihiiri ya Zabuloni, navuzwa avandu vaavaseka kandi nivavakolera kehenyahenye.

2 Kyetsinyinga 30:10 ပူးပေါင်းရင်းမြစ်များ

Litanga 19:14

Maku Loti yazia ku avanavizara venya koleta avakaana veve, navavoolera, “Mukore vwangu muturi havundu hano, kigira Yahova azizaa kudiviza lidaala yili.” Navuzwa valora ndi Loti akole kehenyahenye.

2 Kyetsinyinga 30:6

Avatumwa vatura kuzia ichova ku lilaga liu mwami na vanene veve mu kivala choosi chi Vuyuda na Isiraeli na makuva yaga: “Avandu va Isiraeli, mu mali kohona kutura ku liguutwa lie kivala cha vandu va Siria. Kalunu mwirane ku Yahova, Nyasaye wa Aburahamu, Isaka na Yakobo, na alirana ku munyi avatigara,

2 Kyetsinyinga 34:9

Amabesa ga vasikari vandu va Levi gasololwa kutura ku vandu va Efuraimu, na Manase, mu Litembeli gahaanwa ku Hilikia musaalisi munene kandi kutura ku vandu vu vwami vwi Ivaale, kandi kutura ku vandu vi Ivuyuda, Benjamini, na Jerusalemi.

2 Kyetsinyinga 36:16

Navuzwa vakolera vaporofeti va Nyasaye, kehenyahenye nivahuhiza makuva geege kandi nivavasekeliza, Kuduuka lwu vutima vwa Yahova vwavuukira avandu veve na sihali ho nichokohonyia mba.

Nehemia 2:19

Lwa Sanibalati, Tobia nu Muarabu walangwa Geshemu, vahulira aga kwaali nikolohizaa kokora, vakosekeliza kandi vakolegeliza nivavoora, “Munyi muganaganaa mukolaaki? Munyi muzizaa kwibaala ku Mwami?”

Esther 3:13

Avanyaguli vaanyaguliza lilaga yili ku vuli kivala chu mwami yamiha ku. Lilaga yili liali ndi ku lidiku lia komi na tatu liu mweli gwa Aderi, Avayuda vosi, avang'erere kandi avahindira, avakali na avana vakekeeke harara kuduuka viitwi ku lidiku lilala vuzwa. Gavadukiraa vasinzwi vugira liverererwa, na ivindu viavo viosi vilaanywi.

Esther 3:15

Ku lilaga liu mwami ililago yili lialandizwa mu lidaala linene lia Susa, na avanyaguli vaahira amakuva yaga muvivala viosi via Ahasuero yamiha. Umwami na Hamani viikara harara ni vanwa iwaini lwi lidaala lia Susa liali niliveeye mu ligoyana ni ligenya linene ligali.

Esther 8:10

Modekai yang'oda amalago yaga mu lieta liu mwami Ahasuero, kandi gaaduywa ku muhuri nimingiri yu mwami. Zibarwa ziatumwa na vatumwa vanina ku zibarasi zindahi kandi zie zimbiru ligali ziatumikaa mu vutumwa vwu mwami, iziavirukizilwa mu lugala lwu vwami lwi zibarasi zie zimbiru.

Esther 8:14

Umwami yalaga avahiri vi zibarasi ziu vwami vatuli vwangu ligali na vanyagulizi amalandizu yaga vugira kogotiza uvwiyangu. Ililandiza lia vwangu yili lialandizwa kandi mu lidaala linene lia Susa.

Ayubu 12:4

Kali avalina vange vaasekaa kalunu; kali niiva mbeeye mundu mulungi, utaveeye nimbara; navuzwa ing'inga yaali ho lwa Nyasaye yahaana amativuli ku lisaala liange.

Ayubu 9:25

Kalunu madiku gi livamwoyo liange ganyagulaa zimbiru ligali vwangu, kuvita munyaguli. Girukaa ligali, sigalolaa uvulahi mba.

Jeremia 38:19

Navuzwa mwami yativura, “Inzi mbeeye nu vuti na avandu vi kivala chietu avamali kung'anya nu kuzia ku avandu va Babiloni. Inzi nyara kuvikwa hasi hi zinguru zia avandu va Babiloni na valambika mu kivi.”

Luka 16:14

Lwa Avafarisayo vahulira, amakuva yaga goosi, vaakolera Yeso kehenyahenye kigira vayaanza mabese.

Luka 23:35

Avandu vasingira ho nivahenza, lwa aviimiliri va Vayuda vamukolera kehenyahenye. Vavoola, “Yahonyia avandi, leki yehonyie umwene niiva aveeye Kristo wa Nyasaye amali kotovola.”

Luka 8:53

Vosi vamuseka kigira vamanya ukuzi.

Vikolwa 17:32

Navuzwa lwa vahulira Paolo navoora makuva gi lisimuguka lia avakuzu, avalala kuvo eseko yaali ivamale; navuzwa avandi vavoola, “Kulayaanza kukuhulira kandi ku likuva yili!”

Vahebraina 11:36

Avalala vakolerwa kehenyahenye kandi nivakuywa, na vandi vavofa niminyororo kandi nivaviikwa mu vuhambe;