2 Kyetsinyinga 29:34 - KITABU KITAKATIFU

³⁴ Navuzwa avasaalisi vaali vakekeeke, na si vaali vanyara konyenya zinyama ziosi zie vihaanwa via kusambwa mba. Avamwavo vaavo vandu va Levi vavakonya kuduuka miyinzi josi ni jimalirika, na gaduukira avasaalisi vaduuki kwitakasa aveene, kigira vandu va Levi vaali avasuuvirifu mu kwitakasa aveene kuvita avasaalisi.

2 Kyetsinyinga 29:34 ပူးပေါင်းရင်းမြစ်များ

2 Avami 12:6

Navuzwa kuduuka ku muhiga gwa sirini na tatu gwi liamiiha liu mwami Joashi, avasaalisi vaali ni vakikiri kolomba ahe Litembeli liali ni liasasuguka.

1 Kyetsinyinga 29:17

Inzi manya, O, Nyasaye wange, ivi ugerizaa mwoyo gwa vuli mundu na uyanzizwa na avandu vu vulungi nu vusuuvirifu. Na mu vulungi nu vusuuvirifu vwange, mali kuhaana vindu yivi viosi ku ivi, kandi mali kolola kuli avandu vovo avamali kuvunga hano vayanzi koleta vihaanwa viavo ku ivi nu mwoyo gwosi.

2 Kyetsinyinga 29:33

Kandi valeta zigiriki 600 na magondi 3,000 kuli visiuviliru.

2 Kyetsinyinga 29:5

ma navavoolera, “Muhuliri munyi vandu va Levi, mwitakase munyi aveene, kandi mutakase Litembeli lia Yahova, Nyasaye wa avaguuga vinyu. Mutulize mu Litembeli vuli kindu kitali kinifu hatakatifu ha Yahova.

2 Kyetsinyinga 30:15

Ku lidiku lia 14 liu mweli zana, vita vimeme via magondi kigira kisiuviriru chi Lipasaka. Avasaalisi na vandu va Levi avavura kuva avanifu ku mwima valora zisoni ligali kuduuka niviitakasa, na valeta vihaanwa viu kusambwa mu Litembeli lia Yahova.

2 Kyetsinyinga 30:24

Mwami Hezekia yahaana zigiriki 1,000 na magondi 7,000 avandu viite kandi valie, na vanene veve vaavaha zigiriki zindi 1,000 na magondi 10,000. Avasaalisi vanyingi vavitira mu mwima gwi litakaswa

2 Kyetsinyinga 30:3

Si vaali vanyara kulilomba ku ing'inga ya kazozo, kigira avasaalisi vaali nivakiri kwitakasa aveene kandi avandu vaali nivakikiri kuvugana harara mu Jerusalemi.

2 Kyetsinyinga 35:11

Hene yaho, vita vimeme via magondi ni zimburi ku Lipasaka, na vasaalisi vavugura amasahi ga zio nivuuha ku vwali na vandu va Levi nivanyeenya zinyama zia zio.

Ezara 6:20

Avasaalisi vosi kandi vandu va Levi vaali niviitakasi aveene, kandi vaali avanifu. Kunangwa vita ligondi lie Lipasaka kusangalira lirana lia vandu vosi avaari ni vazia mu vuhambe, kandi kigira avasaalisi vache vaavo kandi kigira aveene.

Zaburi 26:6

O, Yahova, inzi savaa makono gange kumanyia ndi simbeeye nimbara mba.

Zaburi 7:10

Nyasaye aveeye likingwa liange, ahonyia yavo avaveeye valungi mu mioyo.

Zaburi 94:15

Likalaga lirungi lilanyooleka mu zikooti, na avandu vosi valungi valavolonda nukuliunga mukono.

Ezekieli 44:11

Vanyara kundumikira mu Litembeli liange, nu kulinda mu virivwa vie Litembeli kandi nokokola miyinzi ji Litembeli. Vanyara kwita zinyama zia vandu vahaana kuva kuli vihaanwa viu kusambwa kandi visiuviliru. Kandi valava ku miyinzi nu kutumikira vandu.

Livalidza 18:3

Gavadukiraa kutwekiza minyinzi jaavo ku ivi kandi uvutumiki vwavo mu lihema, navuzwa sigavaduukira kudiira ku viju vitakatifu havundu Hatakatifu mba noho kwisunda himbi nu vwali mba. Ni vakora ndio vombi harara nivi mulitwa.

Livalidza 8:15

Nuwakamala kuvatakasa nukuvasaalisa uvalete kandi ku inzi kuli kihanwa chagimwa, maku valava vaduukiru kutumika mu Lihema.

Livalidza 8:19

Mali kuhaana ihiiri ya vandu va Levi vave kuli kihanwa ku Haruni harara na vayaayi veve hagati ha vandu va Isiraeli. Valakola miyinzi mu Lihema havogono vwa vandu va Isiraeli, valakinga vandu va Isiraeli kutura ku kivi choosi chu vulwaye vudamanu ligali, niiva valisunda himbi na havundu Hatakatifu.”