2 Kyetsinyinga 29:32 - KITABU KITAKATIFU

³² Valeta zigiriki 70, magondi 100 kandi vimeme 200, kuli vihaanwa viu kusambira Yahova.

2 Kyetsinyinga 29:32 ပူးပေါင်းရင်းမြစ်များ

1 Avami 3:4

Ku ing'inga ndala, mwami Solomoni yazia Gibeoni kuhaana visiuviliru kigira yaho niho hu vwali vonene kuvita vwosi vwukusigamira vifananyi. Yaali nahaani zimia ni zimia zie visiuviliru hene yaho maziambiri.

1 Avami 8:63

Solomoni yahaana zigiriki 22,000, magondi 120,000, kuli vihaanwa vie mirembe. Kunangwa mwami harara na avandu vosi va Isiraeli vasaalisa (Lilembeli).

1 Kyetsinyinga 29:21

Lidiku lialonda ku, viitira Yahova visiuviliru vie zinyama kandi ni vahaana vihaanwa viu kusambwa kuye kuli ndi: Zigiriki 1,000 magondi mamigu 1,000 kandi vimeme vikole 1,000. Valeta kandi ivia vasamba ivihaanwa viavo vie iwaini, vigima ku vwali.

2 Kyetsinyinga 29:31

Hene yaho, mwami Hezekia yavavolera, “Kalunu mumali kwitakasa munyi aveene imbiri wa Yahova, mwisundi ahimbi, mulete visiuviliru kandi vihaanwa viu kusandiza ku Yahova.” Livugana lialeta visiuviliru kandi vihaanwa viu kusandiza mu Litembeli; na vosi avaari nu mwoyo gwu vwihaani valeta vihaanwa viu kusambwa.

2 Kyetsinyinga 29:33

Kandi valeta zigiriki 600 na magondi 3,000 kuli visiuviliru.

2 Kyetsinyinga 29:35

Komeeda ku vihaanwa vinyingi ligali viu kusambwa, vialiho zitinya zie vihaanwa vie mirembe, kandi ni vihaanwa vie iwaini viazia harara ni vihaanwa viu kusambwa. Na ndio lisigamira lie Litembeli lia Yahova liatangizwa kandi.

2 Kyetsinyinga 30:15

Ku lidiku lia 14 liu mweli zana, vita vimeme via magondi kigira kisiuviriru chi Lipasaka. Avasaalisi na vandu va Levi avavura kuva avanifu ku mwima valora zisoni ligali kuduuka niviitakasa, na valeta vihaanwa viu kusambwa mu Litembeli lia Yahova.

Ezara 6:17

Mu litakasa lie Litembeli lia Nyasaye yili, vahaana zigiriki 100, amagondi 200, kandi vimeme 400 kuva kuli visiuviliru, kandi vahaana zimburi 12 kuva kuli kihanwa chu vwoni, imburi indala ku vuli ihiiri ya Isiraeli.

Kyavalevi 1:1

YAHOVA yalanga Musa kutura mu Lihema liu Kuvuganira mu, namuvolera,

Kyavalevi 1:3

Niiva ahaanaa ndala ku zing'ombe zizie kuva kuli kihanwa chu kusambwa, kuduuka ahaane igiriki itaveeye nimbara. Alageleeta ha vwingiliru wi Lihema liu kuvuganira mu YAHOVA, kunangwa Yahova aduuki kumuvugilira.