2 Kyetsinyinga 29:27 - KITABU KITAKATIFU

²⁷ Hene yaho mwami Hezekia yalaga ndi, kihanwa chu kusambwa kihanwe ku vwali. Lwi kihanwa chu kusambwa chatanga kuhaanwa, lwimbu lwa Yahova lwatanga kwimbwa, harara ni visiriva kandi ni vikuli nu vukana vwu mwami Daudi wa Isiraeli.

2 Kyetsinyinga 29:27 ပူးပေါင်းရင်းမြစ်များ

1 Kyetsinyinga 16:42

Hemani na Jeduzuni vasingilira likuba visiliva ni vikuli, kandi ni viju vindi viosi viakubwa lwa viimba zinyimbu ziu kwizominya Yahova. Avandu vi kiliango cha Jeduzuni valinda virivwa.

2 Kyetsinyinga 20:21

Lwu mwami Jehoshafati yaali niyakamara komoloma na vandu, yatovola avasaza aviimbira Yahova nukwizominya uvukumi vwu vutakatifu vwivwe lwa vatura kuzia imbiri wi hiiri, ni vavoola, “Mwizominye Yahova! Vuyanzi vwivwe vuhindiraa mihiga ni mihiga.”

2 Kyetsinyinga 23:18

Maku Jehoyada yavika uvulindi vwi Litembeli lia Yahova mu vusingiliri vwa Vasaalisi, avaari vandu va Levi, ava Daudi yaali niyagavulira miyinzi mu Litembeli, ukuhaana vihaanwa viukusambwa, via Yahova, kuli gang'odwa mu Lilaga lia Musa, nilisangala kandi liemba zinyimbu, kuli Daudi yaali nalagi.

2 Kyetsinyinga 29:28

Livugana liosi liasigamira Yahova, avimbi vimba zinyimbu, kandi visiriva nivikubwa. Yaga goosi gazizagilira kuduuka ku keheri chi kihanwa chu kusambwa.

2 Kyetsinyinga 30:21

Avandu vaali nivavungi mu Jerusalemi vaali ni lisavo liu mugadi gutali mu namamera ku madiku saba nuvusangali vonene, na vuli lidiku avandu va Levi na vasaalisi vizominya Yahova ni zinguru ziavo ziosi.

2 Kyetsinyinga 7:3

Lwa avandu va Isiraeli valora muliru nigwika kutura mu ligulu, novong'ereng'anu vwu vukumi vwa Yahova nivwizula Litembeli du, vaagwa mamumama ku maru mu loze lwa magina kandi nivinama nivasigamira Nyasaye kandi nivamwizominya kigira uvugasu vwivwe kandi uvuyanzi vwivwe vwi mihiga ni mihiga. Vaasaalandi “Yahova aveeye mulahi; uvuyanzi vwivwe vuhindira mihiga ni mihiga.”

2 Kyetsinyinga 7:6

Vasaalisi vasingira mu vogono vwavo; kuli vandu va Levi vaakora ni viju via Yahova viukwimbira, viu mwami Daudi yaali ni yalomba kulwu kwizominya Yahova kandi iviatumikirangwa lwa yaahaanaa lisandiza, navoora, “Vuyanzi vwivwe vuhindiraa mihiga ni mihiga.” Avasaalisi vaakuba visiriva nivahenzi vandu va Levi, na vandu vosi va Isiraeli vasingira.

Zaburi 136:1

Omuhaane lisandiza ku Yahova kigira aveeye mulahi; kigira uvuyanzi vwivwe vuhindiraa mihiga ni mihiga.