2 Kyetsinyinga 29:21 - KITABU KITAKATIFU

²¹ Valeta zigiriki saba, magondi saba, vimeme saba, ni zimburi saba vive kihanwa kutuliza ho uvwoni vwu vwami, kutakasa Litembeli lia Yahova, kandi Ivuyuda. Mwami Hezekia yalaga avasaalisi visukululwi va Haruni vavihaane kuli kihanwa ku vwali vwi Litembeli lia Yahova.

2 Kyetsinyinga 29:21 ပူးပေါင်းရင်းမြစ်များ

1 Kyetsinyinga 15:26

Vaahana visiuviliru vie zigiriki saba na magondi saba okolola ndi Nyasaye okonyi ihiiri ya Levi avaari ni vagingi Lisandugu lie Lilagana.

2 Kyetsinyinga 29:20

Nonoho, mwami Hezekia yatura mugambazuri, ma navuganya avanene vosi vi lidaala linene, ma ni vazia mu Litembeli lia Yahova.

Ezara 8:35

Avandu vosi avaari nivirani kutura mu vuhambe valeta vihaanwa viu kusambwa kuli visiuviliru ku Nyasaye wa Isiraeli. Vahaana zigiriki komi na mbiri kigira vandu va Isiraeli vosi, magondi makore tisaini na sita kandi vimeme sabwini na saba. Vahaana zimburi 12 kuva kuli kihanwa chu kwitakasa uvwoni vwavo. Yivi viosi viali vihaanwa viu kusambwa kuli kisiuviriru ku Yahova.

Ayubu 42:8

Kalunu, muvuguli zigiriki saba na magondi makore saba na muzie ku mutumikiri wange Ayubu, mwihaaniri aveene kisiuviriru chu kusambwa. Umutumikiri wange Ayubu alamusaalira, kandi inzi ndavugilira lisaala lilie mburi kumbika muzisoni kolondekana nuvusiru vwinyu mba. Munyi si mwavoora agiligali kigira inzi kuli mutumikiri wange Ayubu mba.”

Ezekieli 45:23

Vuli lidiku ku madiku 7 gi Lisavo mwamihi munene uyu gamudukira ahaane ku inzi Yahova vimoli vigiriki 7 kandi magondi 7 agataveeye ni mbala vive kuli kihanwa chu kusambwa, kandi ahaane imburi ekole vuli lidiku eve kuli kihanwa chu kusamifwa uvwoni.

Kyavalevi 16:5

Avandu va Isiraeli navo valaha Haruni zimburi zikore ziviri kuva kihanwa chu uvwoni na ligondi likore kuva kihanwa chukusambwa.

Livalidza 23:1

Baalamu yavolera Balaki, “Nyumbakira uvwali saba, kandi ondeetere zigiriki saba na mamigu saba.”

Livalidza 23:14

Balaki yaahira Baalamu mu kiguti cha Zofimu kondongozi yi kiguru cha Pisiga. Hene yaho yumbaka kandi vwali saba ma nahaana kihanwa chi giriki ni limigu ku vuli vwali.

Livalidza 23:29

Baalamu yavolera Balaki, “Nzumbakila vwali saba hano ma ondetere zigiriki saba na mamigu saba.”

2 Vakorintho 5:21

Kristo siyali nuvwoni mba, navuzwa Nyasaye yamulomba kusanga muvwoni vwitu, kunangwa kunyi kuduuki kusanga mu vulungi vwa Nyasaye muye.