2 Kyetsinyinga 29:18 - KITABU KITAKATIFU

¹⁸ Maku, vandu va Levi vazia ku mwami Hezekia nivavoora, “Kumali kutakasa Litembeli liosi lia Yahova, uvwali vwi vihaanwa viu kusambwa kandi harara ni viju viavwo viosi, ne emesa yu mugadi mutakatifu harara ni viju viayo viosi.

2 Kyetsinyinga 29:18 ပူးပေါင်းရင်းမြစ်များ

2 Kyetsinyinga 13:11

Vuli mugambazuri na mugolova vamuhaaniraa visiuviliru viukusambwa vigima kandi vamuvuuyizira vimuli vifunya mwayu. Vamuhaaniraa vihaanwa viu mugadi mutakatifu komesa yi zahabu iyatakaswa ku miruka, na vuli mugolova vahambizaa zitaya ku vinara vie izahabu. Kunyi kokoraa aga Yahova Nyasaye wiitu amali kulaga, navuzwa munyi mwamuleka.

2 Kyetsinyinga 29:17

Vatanga kutakasa Litembeli lia Yahova ku lidiku liu kutanga liu mweli gwu kutanga, na ku lidiku lia munane liu mweli, vaduuka ku lusimbu lwi Litembeli. Vatakasa Litembeli lia Yahova ku madiku 8, na ku lidiku lia 16, liu mweli gwu kutanga, vamala miyinzi josi.

2 Kyetsinyinga 29:19

Kandi kumali kwilanya viju viosi viu mwami Ahazi yavugula mu mihiga je liamiiha lilie, lwa yaali nataveeye musuuvirifu ku Nyasaye, makandi kumali kuvitakasa viosi, henza, viosi viveeye imbiri wu vwali mu Litembeli lia Yahova.”

2 Kyetsinyinga 4:1

Mwami Solomoni yalomba uvwali vwu mugasa uvutambi zimita 9 uvugalamu zimita 9 na uvudiguluku igulu zimita 4.5.

Matayo 12:4

Daudi yingira mu nyumba ya Nyasaye harara na avache veve, ni valia imilaango ji migadi mitakatifu. Sigamuduukira oyo anoho avache veve kulia migadi yiji nivataveeye avasaalisi mba.